Yeremiya 15:9 - Bible en Guidar

⁹ Məs tuwə kirin buhul tətdakka əmpəs agilik səzata. Pay nat atəpək də kapaya. Zəga net wili azata, zət baybayə. Medembirgit na, wanəppet ama masalam abet məzuzelti, Yawe aɗiymani.

Yeremiya 15:9 ပူးပေါင်းရင်းမြစ်များ

Isaya 47:9

Zəgeɗ sules pak na: Əssa gagəbaya gəm wəssa məza kirin ɓa, warukun pay taka aka ma taka. Wazzoŋ akok də gbogboŋgo də kəsok də miha na guzliguzli gəm nawdap ɗəf diyɗa zlaŋgə.

Yeremiya 19:7

A təkiyəski nədawraygən an Yuda də Yerusalem aynaŋgə. Wanəzlbe də masalam abet məzuzelɗe neti gəm də vet en məzukayanən zeŋgileti. Wanəpsit kiygəbeyit ka əzəm net biŋgeɗi gəm zəgeɗ nawra.

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 44:27

In yakəŋ haraw ɗəhərra kawki əray aketi məza moggon ɓa, ɗiy na Yuda dəssoŋ aka dələv na Eziptə pak wagrakaŋ ama masalam, sən mayã hã gap ndəɗaŋ kakahə.

Yeremiya 50:12

Wil tay ədətən mokum diyɗa mərbəsəti wil sət akən təwukum: ndəttə dərɓe faɗ sədəmbet ɗiy-ɗarə kpaŋ kapta-muyã, dələv məkuro gəm təki warwarə.

Yeremiya 6:4

Misilgin əgay də Yerusalem! Misili, mərɗi səm akan aka tataŋ paya. Aw haya! Pay aɓeke, vi zeŋgile na moskoy tay əzzekeŋgi.

Yeremiya 7:19

Yawe aɗiyman na, anaw adawdan suwən gədəvu sa? Ana ki zit tusso adarbaŋ sənən wil dərəŋ ɓa sa?

Əɓuhma 1:1

Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.

Əɓuhma 4:10

Gil də ulasahã net pak, adeninik kirtit diveti, kpaŋgaŋ ka zəga nawzəm net aka tatwãh ade aket ɗiy nawa.

Ezekiyel 5:12

Taka səddəv hoku net ɗiy noko wanəbey də gəbaymərma, kagreket də mayã, taka səddəv hoku meɓɓeti waskotoŋ ama masalam kiyuk tərwəslə; taka səddəv hoku an dəmbraŋgə, ammba səmyã nədawndolti, wanəkdah masalam ammbeti.

Ezekiyel 5:13

Ədagədəv naw wambat ŋgbu'u, wanəfəh herɗe naw aketi, wanəmpəl kiywa, wasənnən na intə Yawe nəpel addəv kotorok naw pay nədawka herɗe naw aket ŋgbu'u.

1Samiyel 2:5

Ɗiy məbeti, tahəŋ əkayaŋ wəza nawrəh əzəma, en də may tamə, net wəray tay naɗɗa wəza sam ɓa, ndarzlayək, tuwek kirin buhul egge, akən məzuwa tam nat kpaŋ ndarzlaykə.