Yeremiya 15:6 - Bible en Guidar

⁶ Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 15:6 ပူးပေါင်းရင်းမြစ်များ

Isaya 1:4

Əray akokum ɗiy məɗɗaŋ mambraya, ɗiy məknehit də əɗɗa an dəslə ɓa, gebbet məɗɗaŋ ɗarɗarə, kirtit məsukoŋmegiɓe! Azganənənək Yawe, azeleninik Maŋgəlva Salala na Israyel, aktuhunək diɓet səni.

Isaya 28:13

Əpel na Yawe wakkpaŋ azet Sawlasaw, sawlasaw, kawlakaw, kawlakaw, zersam, zersam. Əgrak nan na, wambataŋ əskot midiŋgbile, waŋzlaŋgə, mazzaɗ warme aɓapaŋ na əkõh ɓa.

Isaya 31:3

Mə Eziptiɗ na ɗiyəŋgə, meŋgilveɗiŋgə ɓa; pilseŋge net pilseŋgeŋgə, tahəŋ də əpsa day ki an məsərək ɓa. Daya əppar van kaka na: məzutər waskotu, ɗəf məs adawtər tamə, wazbərə, sulegit pak wagrakaŋgə.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 13:14

Wanəɓeheti, an taka aka an mbərən, əfiŋgiɗit dit kirtit pak matakə Yawe aɗiymani. Nəmbər na ɗəf ɓa, nəwəl na sãhã ɓa, nə'ugit dawzet ɓa.

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 20:9

Ya an nənahək na: Nəɗɗum na akan ɓa, nəpel na də iya nan əmpa ɓa, asna addəv kpum na makrawa tay va offo məzuzla addivit slesleŋɗe nawa. In zu sok əɓəsən ya nawɓapən ɓa.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Yeremiya 6:11

Nəknahək də ədagədəv na Yawe nəyək dawɓəsən. Aggbo aket kirin appaka gəm aka əsap net gewleɗi. Karma ɗəf mizilin va gulku, mazza va mazza an kursuk kursuku.

Yeremiya 6:12

Gəla net wakkpaŋ ka net ɗiy mbirti, gəm guli net sap dit gil neti'e. Vi wanətəl vaw aket ɗiy naka dəlvəŋka Yawe aɗiymani.

Yeremiya 6:19

Dəlvafuŋ aprəma: Wanəki tatwãh aket ɗiy sən əɗɗum net mbəraynəŋka. Dəzgaŋ sləma aka əpel naw ɓa, azeleninik mahenziŋ nawa.

Yeremiya 7:16

Isi Yeremiya, kədakkamaw vi ɗiyis ɓa, kədayan zuk uppu' may əkkam ɓa, kəyan zuk əkkamaw tataŋ tataŋ ɓa, vi nəprəmuk na ɓa.

Yeremiya 7:24

Ya dəprəmən ɓa, dəpakən sləmet ɓa. Azbanənək əɗɗum na makra ɓəɓəl net mbərayən, aktuhunək dəɓet suwa məza heret aziyaŋ akaw ɓa.

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Yeremiya 8:9

Məsmaɗɗulet arbaŋgək wili; tahəŋ əkkereŋ sən geslne, mərmetiŋgə. Vi azeleninik əpel na Yawe, maɗɗula net mi atər sit di?

Ezekiyel 14:9

«An məskəleŋ appanək zən əmbəɗa, yaŋ apel məza əɗɗumon kiyən ɓa, in Yawe wanəmbəɗan məskəleŋ nani; wanətəl vaw akani, wanəzan səret ɗiy naw na Israyel.

Ezekiyel 25:7

Vini in yakəŋ ətəl vaw akok kapsukuk va zəga na popoho sit ɗiy-ɗarə, wanərsluk səzet ɗiyi, wanəvvuyok səret dəlveŋge, wanəzoko; wakəsən na intə Yawe.

Ezekiyel 35:3

Kənah səngən na: An Daya Yawe anah yaŋka: In tat əzzaw akoko mossorgo metiŋ na Se'ir. Wanəppar vaw akoko, wanərayguk kəsokgən seŋseŋgi.

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Hose'a 13:14

Wanəkõhgit səva təki nanziya net mimtit kəta, wanəbit səma əmta kəta, ngay gəbaymərma nok di əmta. Teki net mimtiti, ngay wəɓap nok nawbay di? Ula sahã wazə sə ma harawa.

Hose'a 4:16

Va wasli məɓoŋni, vaski Israyel aɓoŋgu. Kakaŋ kan na, Yawe dəlgən ətaɗən awra va time.

Sefanya 1:4

Wanəslan vaw aka Yuda gəm aket ɗiy na Yerusalem pakə, wanəzan an dəpəl na Ba'al, may iya net məɗɗaŋ wəza nan dit məsdəlveŋge net dənɗaŋgə,

Zakarya 7:11

Ya aɓoŋgoŋko, dəzgaŋ sləma ɓa; ndəɗaŋ kiyvet zloŋgoŋgu, sləmet dəsldəsl vi adaprəmnən ɓa.