Yeremiya 15:1 - Bible en Guidar

¹ Yawe aɓsu na: Kəta Moyis də Samiyel dəziweŋ abaw əkkam ammbet zlaŋ, kiyu asan na aket ɗiyəŋ ɓa. Arɓehet səbawa, dəgilyoŋgu!

Yeremiya 15:1 ပူးပေါင်းရင်းမြစ်များ

Va'Atəŋ 19:27

Abraham alvəɗək pum a təki aziw aba Yawe naka.

2Milyeŋge 17:20

Yawe azganək mahəlfa na Israyelɗe baymani, arbisitik wili; appetik ammba vet məɗɗaŋ popoho hã gap arɓehet səbani.

Gəlyaɗe 106:23

Anahək nawzeti, va Moyis məwele nan dəziw a təki məɓzluwən aban kaffetet herɗe nan nawzet ɓa ɓa.

Gəlyaɗe 99:6

Moyis də Aron, aret məsdəlveŋge nani, gəm Samiyel aret miyaŋ iya nani, tahəŋ iyanən iya na Yawe, ndən əzlan siti.

Wənməkkpaŋga 14:35

Əsa' na məlĩ aket gewleɗ nan en petpet adawsani; ya ədagədəv nan aka məgəɗ zəga net wil adawsani.

Yeremiya 10:18

Vi aŋki an Yawe anahə: in yakəŋ əzget ɗiy naka dələv va də məbəŋbəŋga; aka aŋ na wanəmbese adawkõhoŋ ɓa.

Yeremiya 11:14

Ya nok na, kədakkam viyit ɗiyiŋ ɓa; kədawhəm ammbet ɓa; vi nəprəm na pay an adakkamawən an tatwãh arihik ɓa.»

Yeremiya 14:11

Yawe anah suwək na: Kədaŋgla moggon sit ɗiyiŋ ɓa.

Yeremiya 14:12

An aɗɗaŋgək meme zlaŋgə, nəprəm na əkkam net ɓa. An adaŋ suwənək əvəl nawzla kurmbuɗuk gəm aɗɗaŋ suwənək əvəla, nənnek na dənɗaŋ ɓa. Ya də masalam, mayã gəm gəbaymərma nədawzeti.

Yeremiya 15:19

Vini Yawe anah na: An kəmilke, asna wanətafko, wakəziw abawa. An kəsənək əgohon əpel an moggon səza an ɗarə asna wakəsok mawa. Ɗiy wamilyoŋ azoko, istə namndok azet ɓa.

Yeremiya 16:13

Ya wanəndolkum səka dəlvəŋ aka dələv məs mənokum dit efiŋgiɗkum kəsənnən ɓa. Wakəɗɗaŋ wəza sit meŋgilveɗ meɓɓet dəfəɗ də kapay pak adaka, vi naw nəwəl na sahã akokum ɓa.

Yeremiya 16:5

Vi vaŋki Yawe anahə: Kədawtoŋ a daŋgla əzəm way na gəlabay ɓa, kədaddok əhəm na gəlabay ɓa, kədasɗet na gəlabay ɓa, vi nəgəmək zazay naw səket ɗiyiŋki, moggon nawa gəm ulasahã nawa, Yawe aɗiymani.

Yeremiya 18:20

Amndaganən mambray a gəla moggon sa? Net aso'oŋguk vov kawzawa. Aɗɗum na, in tat əziw aboko vi kawpel moggon aka wən net kawzargən ədagədəv nok səketi.

Yeremiya 22:28

Məttoki na: Ɗəf Koniyaŋ mozgoy gboŋgboho məzeleni sa? Mesteɓe məs ma ɗəf tay akan ɓay sa? Vimi məzget appaka ndən dit kirtini, mərɓehit aka dələv məs dəsənən ɓaŋ di?

Yeremiya 23:39

Vini in yakəŋkə, wanəndukum, wanəzgokum mənokum də walaŋgəla-metiŋ məs nəpsukum gəm sit efiŋgiɗkum;

Yeremiya 35:19

asna ɗəf səddəv gəla na Yonadab, hã faɗ zəv mə Rekab nawziw abaw akkpap na ɓa. Aski an Yawe Məzuɓappak Maŋgəlva na Israyel anahə.

Yeremiya 52:3

Aka wən nawdagədəv na Yawe yi, zəgeɗis aɗɗaŋ aka Yerusalem də Yuda, hã ndən ndol əndolit faraɗa sə maharanəŋka. Sedekiya aɓoŋguk aka məlĩ na Babilon.

Yeremiya 9:19

Mənokum gili məprəm əpel na Yawe kana; məpak sləmokum ammba əpel na mani. Məyagan sit əŋɗəs sit kirtukum muguluŋgiti, nawat pak təyagan gəlya nawhəm sət meggeta.

Ezekiyel 14:14

Kəta ɗiy hokiŋ dayday: May Nuwe, Danel gəm Yob, dəssoŋ aka dələv nan zlaŋ, zeŋgilet adawkõhgənən kaka' ammba təstəs neti, Daya Yawe aɗiymani.

Ezekiyel 22:30

Nəkayək ɗəf səret narka zlava, dəziw abaw a təki miɓliwin viliŋge, əka wən ammba dələv vi nədawzan kəta ɓa: ya nərah ɓa.

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Zakarya 3:3

Yosuwa tay ziwwe aba maslay dit lukutɗe mərgẽ'it azani.

Əmsak aka Mahenziŋ 9:26

Nəkkamanək Yawe, nəmna: «Yawe Maŋgəlva, kəzet ɗiy nok ɗiy nawray vok ɓa, məs kəbit də mẽmẽtiŋ noko, kəgilgit də gbogboŋ na vok sə Eziptəŋ ɓa.

Ibriɗe 9:24

Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.

Mətawaŋwəna 5:9

Naw, makraw tay dit deyeɗe na Israyel, gəm dit ɗiy en dəpsənən kiyzit də wəŋgla neti. Məgəɗ soko sən Yawe!

1Samiyel 12:19

Ɗiy pak anahaŋ sənən Samiyel na: «Akkaman Yawe Maŋgəlva nok ammbet belemɗe noko, vi mədamta ɓa, vi də wəssõh məlĩ namə məzleɓək mambray aket mambrayɗe nam pakə.»

1Samiyel 12:23

Kəlazaw anaw na, dədah nəgəɗgən mambray aza Yawe, nəppangən əkkam ammbokum ɓa; waniyogokum tive moggon sarra.

1Samiyel 7:9

Samiyel agəmək ndargayãk məzuwaɗa, adə əvəl nawzla kurmbuɗuk sən Yawe; Samiyel akkaman Yawe ammbet mə Israyelɗe, Yawe azlan sənka.