Yeremiya 14:9 - Bible en Guidar

⁹ Mbarmbar kədawsok va ɗəf məfayani va gurom nalpa məs aɓap na əkõhgit ɗiy ɓa di? Yawe adan is tat a walaŋgəmə, iya nok tay a mamə kəppam əskot ɓa.

Yeremiya 14:9 ပူးပေါင်းရင်းမြစ်များ

2Alabaraɗe Də Mabərkiziti 7:14

an ɗiy naw məs adawyaŋ də iya naw avoŋgənək kiyti, tay əkkamaŋgə, tay əkayawəni gəm amilyoŋ səka tive net mbəraynəŋka, naw wanəprəm hã sə disiŋ, wanəvvuyoŋ sit mambray neti, wanəbbur dələv neti.

Gəlyaɗe 10:1

Yawe, vimi kəsok faraɗa, is haɗam pay nawzəm sahã di?

Gəlyaɗe 27:9

Kəɗaman su horok ɓa! Kərɓahan balam nok səzok nawda gədəv ɓa! Is məs kətərwa, kəzar səzaw ɓa, kəzgaw ɓa, Maŋgəlva nawkõh nawa.

Gəlyaɗe 46:5

Məlpa dit məslereɗe nan tahəŋ ənnekenən zə walaŋgəla-metiŋ na Maŋgəlva, a təki salala nassa na Məsəɗəɗə.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 43:7

Məs məyan də iya naw pak in nəzəməɗa, nərka ammba gagdak nawa, ha'aw in nəɗɗa.

Isaya 51:9

Afɗahə, afɗahə aɓɓəlan zuko va Yawe. Afɗa va kədafɗa aka pay na sayit ɗiy en far lahəŋka. Istə kəbəlan gəm dətilik Rahab dohõtuya na pehe ɓa sa?

Isaya 59:1

Va Yawe duɗukkoy nawkõhgukum ɓa, sləman məsukni naprəmkum ɓa.

Isaya 63:19

Məkkpaŋgək va ɗiy məs kəzəm məlĩ nok akam ɗah ɓa, va məyani iya nok akam ɗah ɓa! Va disiŋ kəŋgar kədawprike! Mossorgoɗe wakkereŋ səboko!

Yeremiya 15:16

Səza nərəh əpel noko, nəzəmka; əpel nok asanək azaw mamyãk-mamyãk gəm ənnek a makrawa, vi də iya nok adawyəwəni Yawe Maŋgəlva Məzuɓappak.

Yeremiya 51:5

Vi dələv net aknahək də əɗɗa mambray aza Salala na Israyel. Ya Israyel də Yuda na, gil na gəbayəŋ ɓa, Maŋgəlva net dəmtə ɓa Yawe Məzuɓappaki yi.

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Əɓuhma 5:20

Vimi kədazgət kiyəm faɗ di? Kədazgam firik hã faɗ di?

Ezekiyel 48:35

Tərwəsl pakə: kilo metər vaytakə. «Təŋ səza dəpaska, iya na walaŋgəla-metiŋ van dəsangən na: Yawe tay aŋka.»

Habakuk 1:2

Hã pay gbəŋgbar kandi Yawe? Nəŋgəzlək vaŋvəl kawrəh əbbaha, kəprəm su ɓa, nəŋgəzlək vaŋvəl azok sən gagay, kəkõhgu ɓa.

Zakarya 2:5

In haraw le'gən na: Yaŋ nuwəl ɗəfa, helege nawsla zəga avan kawwa.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Əŋɗa 11:23

Yawe azlan sənək Moyis na: «Va Yawe duɗukkoy sa? Ya kakaŋ na wakula an əpel naw nəpel sukəŋ wagəɗə awaniɓa agəɗ na ɓa.»

Wəza net Masləŋɗe 15:17

Vasna, madambirgit ɗiy wakayanən Daya, ɗiy-ɗar pak məs iya naw adawya aketi, Daya məs dəɗɗe zəgeɗis anahə.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Əmsak aka Mahenziŋ 23:14

Sakar dəsangən aret zəgeɗ noko, an kələk a gizbe na, kəso'gən təki dəndəni, kəndəkgən pəlu noko.

Əmsak aka Mahenziŋ 28:10

Ɗiy naket dəlveŋge temtem wawlukun na akoki iya na Yawe ayə, wageslne'eŋ sukuni.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.

1Samiyel 12:22

Yawe azget na ɗiy nan ɓa ammba iya nan metiŋginiŋka, vi Yawe armak a makran ka kəssoŋgən ɗiy nani.