Yeremiya 14:10 - Bible en Guidar

¹⁰ Aŋki an Yawe anah aket ɗiyəŋki: Vas aŋglaŋ əbbal ɓa, tilit awziw a gəlan ɓa. Ya Yawe tay ənan nek dənɗaŋ ɓa, Ya yaŋ na tay əɗɗumonən mambray neti, watawwən aka heslepe neti.

Yeremiya 14:10 ပူးပေါင်းရင်းမြစ်များ

1Milyeŋge 17:18

Yaŋ təɓsən Eliya na: «Miy a walaŋgu də is di ɗəf na Maŋgəlva? Kəde anawda əfɗahan mambray naw sən Maŋgəlva ka wətu dəmtəgən sa?»

Gəlyaɗe 119:101

Nəslak təlu səka tive na mambray pakə, vi nərmagən əpel noko.

Gəlyaɗe 95:10

Wəzva kaklaw poɗo, sayit ɗiyəŋ azla su makrawa, yaŋ nəmna: «Ɗiy məsmaɗɗulet dəzə əŋgə; dəsənnin tiveɗ naw ɓa.»

Əgilye 32:34

Ya kakaŋ na, doko! Ake ɗiy a təki nənoh suko, maslay naw yaŋ wambat aboko. Ya pay nədaɗɗum aka wən nan na, asna wanəzge'sit aka mambray neti.»

Yeremiya 2:36

Mbar kəgəm zuk əddok faraɗa kaddəɗan tive nok di? Aba Eziptə dayday wakərbə wil va kərbə wil aba Asiri.

Yeremiya 3:13

Asən mbərayən nok kaka'ə, vi aka Yawe Maŋgəlva nok kəɓoŋgu. Kəmbatək də kakara ammbet meŋgilveɗ meɓɓeti awetdi pak gəm ammba wəlaŋga hirikhirik awandi pakə, kəŋgəm əprəmu ɓa Yawe aɗiymani.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 6:20

Mi tursan na Saba adawtər su gəm kevile məffok nek naka dələv faraɗa di? Əvəl nawzla kurmbuɗuk nokum tay əmbat su ɓa əzaɓ-Maŋgəlva kədawdaŋ tay nek azaw ɓa.

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Ezekiyel 29:16

Asan na zəga məs mə Israyelɗe adassoŋ fenndeŋ viyən ɓa, vi dəɗɗumonəngən heslepe net gala amndoŋ dirɓe. Vasna, wasənnən na, intə Daya Yawe.»

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Hose'a 11:9

Nəkiy na herɗe akok ɓa, nəmndaw na əzan Efrayim ɓa; vi Maŋgəlva nani, ɗəf nan ɓa; a waloŋkum na, salala nani: nəde na dit herɗe ɓa.

Hose'a 7:13

Əray aketi, vi anzoŋ faraɗa səzawa, əray neti, vi aɓoŋgoŋgək akawa! Wanəbit kəta, yaŋ net awaŋ wən akawa.

Hose'a 7:2

Awnahaŋ a mekret na mbərayən mədaɗɗa ɓa, nəɗɗumonək akawa, kakaŋ na wəzeɗe net akaraŋgək kiyiti, yeŋ ama harawa.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Amos 3:2

«Anokum kaka' nəsən səddəv məlma nammba dələv pakə; vini nədawtaw wən akokum aka mbərayən nokum baymani.»

Amos 5:22

An mənokum tat əkiyaŋ suwən əvəl nawzla kurmbuɗuku gəm əzaɓ-Maŋgəlva nawrəh zazay na, nawnan nek ɓa. Nawla aza əzaɓ-Maŋgəlva kədawzaɓaŋ dit zəgeɗ memeyẽɗ nokum məkiritiŋ ɓa.

Ibriɗe 8:12

Vi wanəwəl sãhã aket viyit heslepeɗe neti nəɗɗumet na mambrayɗe net ɗah əmpa ɓa.

1Samiyel 15:2

Yaŋ an Yawe Məzuɓappak na disiŋ anahə: Nəɗɗumonək an mə Amalekɗe aɗɗaŋ sitin ɗiy na Israyel, atakənək tive gala əgilya net sə Eziptə.