Yeremiya 13:16 - Bible en Guidar

¹⁶ Məgagdakan Yawe Maŋgəlva nokum tak adawki guzliyo, tak təlkum adaŋgbay azet mossorgoɗe sən guzliyo. Əkeɗeɗe kədawgaŋ kəta, ya akkpaŋganən ka guzli tiɗimi kpaŋgən va guzli na buna.

Yeremiya 13:16 ပူးပေါင်းရင်းမြစ်များ

Ɗerewel na Yob 3:5

dəsan na guzliyo gəm na zeŋgile əmta, slaybuwən dəsan akani, guzli titir dəzəmgən sahã!

Gəlyaɗe 107:10

Meɓɓet ara guzli adassoŋgu, ka məfərsəneɗ ara guzli tiɗimtiɗim dit ngiyamɗe,

Gəlyaɗe 107:14

Agilgitik səra guzliyo, səra guzli tiɗimtiɗimi, aŋzliwik ngiyamɗe neti.

Gəlyaɗe 29:2

Məɗi ki gagdak na iya na Yawe! Məgul lukuɗe salala məvereti məppu' aba Yawe!

Gəlyaɗe 44:19

Məmil dirɓe ɓa, məmzlah səka tive nok ɓa.

Əgilye 10:21

Yawe anah sən Moyis na: «Atəl vok a disiŋ. Guzli titir dəgəɗgən aka dələv na Eziptə, guzli titir naɗɗa gbislgbisli!»

Wənməkkpaŋga 4:19

Tive net məsdarawɗe tay va guzluyo, awsənənən na aza miyi adawtaŋgbayaŋ di ɓa.

Məsmaɗula 11:8

An ɗəf azəvək diyɗa, dənnek addivit əzvaɗe an məpsən pakə, ya dəɗɗumon na ənziya nan addəv magamas wadayə, an dədazzan pak na zəga ɗari yi.

Isaya 5:30

Pay dəpaska, wahẽyẽti, wasan va məlpa məknahən, paysən adəgədəva. Kawkayani dələv van kawlani, ya kawla yi, guzliyə ɗəkɗəkə; slaybuwən gbimgbimi dədawki guzli aka əkeɗeɗe'e.

Isaya 59:10

Mənam tat əttəman təki dəttəm va daŋgar aza gəla, mənam tat əttəman təki dəttəm va ɗəf məs haran tay ɓa. Tataŋ paya, mənam tat ətaŋgbãy va kəɓəs na pay tay əbəta. Gbəgba tay azam ɓa ya mənam tat va məmtəmə.

Isaya 59:9

Vi vaski middergən təstəs ɓa' səzamə, təstəs agapəm ɓa. Məɗiyək əɗɗum nam aka əkeɗeɗe'e ya yaŋ təki pak guzluyo. Əga təki suwayya kəta ya ara guzli mədadawa.

Isaya 60:2

Guzli asərətək dələv pakə, guzli tiŋgbimzlim tay əgul ɗiyi. Ya akok na, Yawe arbəka gagdak nan tay ula akoko.

Isaya 8:22

Asna wawlaŋ kəlafuŋ, tatwãh yi adawlaŋgə, guzli titir tiŋgbizlimi yi, dəfəɗi yi məza təki wehhe ɓa.

Yeremiya 14:19

Əzga kəzgan Yuda sa? Siyon akiyək mok sa? Vimi kərgəm hã vamvi məza anzaɗ na ɓa ta' azam di? Məɗɗumuk nawrah zazaya ya zəga tay mərah moggon ɓa. Məɗɗumuk aka pay nanzaɗa geslne dəggbo' akam dərəŋgə.

Yeremiya 2:6

Dənahaŋ na: Ŋgay Yawe məs dəpeŋgəm səka dələv na Eziptə məs dədawgəm a kapta-muyã, aka dələv məs daŋdaŋ dit məŋkparaɗe, aka dələv mukuro də guzli ndiɗimi aka dələv məs ɗəf dətoŋ ɗah dəkan ɓa, məs ɗəf dəsan ɗah də gəla adak ɓaŋ di?

Yeremiya 23:12

Vini tive net adawsan də maslarkatay nawka ɗəfa. Kawsleŋgeti ara guzliyo, waskotoŋ addəvən, vi əzva nədawsilyew aketi wanəki əza aketi, Yawe aɗiymani.

Yeremiya 4:23

Nulak dəlvafuŋ tay foŋlorro mekeleŋ, disiŋ, əkeɗeɗe nan tay ɓa.

Yeremiya 50:6

Ɗiy naw tahəŋ lahəŋ va gilew məzeti məzuteɗeŋɗe net azetinik aket mossorgoɗe gugriɗe. Tahəŋ əpirkeŋ səka mossorgo gəm əpeŋ aka mbərən azgətaŋgək ki gazlaŋ neti.

Yeremiya 6:21

Vini in Yawe nənah na: Wanəɗi zəgeɗ nazlbe ɗiyən abet dəskotoŋgən aketi wazaŋ beymeti efiŋgiɗti dit kirtit sapə, megge də bayna.

Yeremiya 8:15

Məɗɗumuk aka zazaya, ya moggon tay ɓa. Pay nambəla mədawga kəta kpaŋ na geslne.

Əɓuhma 4:17

Haram sam ayə əga əbbah ɗarə. Ɗəhərra a təki nawga məyə əgge ɗiy-ɗarə, məs aɓapaŋ na əkõhgəm ɓa.

Ezekiyel 21:15

Vi Kaŋgroɓ ɗiy yi mətakaɗani, məkkãhən dəwiɗgəni. Wamənnek də zeŋgle na məlĩ na wətu sa? Masalam tay əzelen mogundur pakə.

Ezekiyel 34:12

Va məzutaɗa adazga sləma aket zəgeɗ nan də kapay pay asan addekit gilew nan dətərayaŋgə, vaski nədazga sləma aket gilew nawa, wanəkõhgit sə təki atərayaŋ pay na kətəm də guzli tiŋgbizlimi.

Ezekiyel 36:15

Nəprəman suk na wən narba wil net ɗiy-ɗar əmpa ɓa, kərah na əra net ɗiy əmpa ɓa. Kətaŋgbãygit na ɗiy nok əmpa ɓa, va Daya Yawe aɗiymani.»

Yo'el 2:2

Pay na guzli yi gəm na guzli titire pay na slaybuwni gəm na guzli tigbizlimi. Ɗiy hõnyo' hõnyo' gboŋgboŋ tay əzzoŋ va təki ɓihhe adaɗɗa aket mossorgoɗe gugriɗe, mulay ɗah vas ɓa, asan na dərɓagan ɗah vas ɓa, hã gap wəzveɗe na sayit ɗiy kpototo.

Amos 4:13

Vi yaŋkəŋ na: an dəɗɗe mossorgoɗe gugriɗe, dəzəməɗ səmyã, məzərban an məs ɗəf titir aynan naɗɗa. Tay əkkpaŋgan guzli na dəfəɗ ka təki məddaŋgən. Tay ədaw aka təki an məɓayən ləklək naka dəlvafuŋ. Yawe, Maŋgəlva Məzuɓappaki iya nani.

Amos 5:18

Əray aket ɗiy məzəŋgluwən pay na Yawe! Madawki sukum pay na Yawe vanəs di? Təki kasak kasaki ɓa, guzli yi.

Malakiya 2:2

An kaprəmaŋ ɓa, an karmanən wən nagagdakan iya naw təstəs a mokrokum ɓa, wanəki əray akokum gəm əraygən əzaɓ nokum Yawe Məzuɓappak anahə. Gesiŋ, nəraygit na vi ɗəf tay məzərma zəga a makran səmbokum ɓa.

Yohanna 12:35

Yesu azlan sitik na: Əkeɗeɗe tay a walaŋkum pay siɗikke tagay. Mədaw aka əkeɗeɗe tay də mənokum, vi guzli adawgulkum ɓa, vi məzudaw ara guzli awsən a təki məs adaddan ɓa.

Yosuwa 7:19

Yosuwa aɓsən Akan na: «Kamə, wiyən nawa, aɗɗumon gagdak na Yawe Maŋgəlva na Israyel, aɗi kini; arban su an kəgəɗə, kəɗaman su taka səran ɓa.»

1Piyer 2:8

gəm əmpa na: Gərəm nawtaŋgbaygit ɗiyi, milɓe məzləb ɗəfa. Adaŋgbayaŋ na vi dətafən əpel na Maŋgəlva ɓa, aski dədawriti.

1Samiyel 6:5

Kəɗɗaŋgən zeŋgilet huwweɗ dit məskaɗe nokum gəm zeŋgilet kakkamɗe məzuraygənən dələv nokum, gəm məgagdakan Maŋgəlva na Israyel. Kuzuŋ wakkafan van səkokum, səket meŋgilveɗ nokum gəm səka dələv nokum soko.