Yeremiya 13:10 - Bible en Guidar

¹⁰ Ɗiyəŋ mbəreytiŋ məzuɓoŋgoŋ daprəm əpel nawəŋ, məzəzbanən əɗɗum na mekretiŋ, məzəzbetin meŋgilveɗ meɓɓet kawgəɗ sit wəza gəm kappu' abetiŋki, dəkkpaŋgaŋ va helege na gizeŋ məs atər na kpak ɓaŋka!

Yeremiya 13:10 ပူးပေါင်းရင်းမြစ်များ

Gəlyaɗe 78:8

adassoŋ va efiŋgiɗit ɓa, sayit ɗiy məɓoŋti gəm mətemti, sayit məs mekret awziw ɓa, məsmaɗɗulet tay aka Maŋgəlva ɓa.

Məsmaɗula 11:9

Gawla, annek aka pay na gawla noko, mokrok dənan nek pay kədawman zuko, adaw va mokrok aŋgələ va an kədawla. Ya asən na, aket zəgeɗis pak na Maŋgəlva wakuk aba wətawwəna.

Isaya 3:24

A gəla tursan na zəga məŋgənən, a gəla helege nagze helege ɗarə. A gəla ətroɗ kiya təstəs na, kiya məklãhəŋ; a gəla lukut silip na sləma, lukut na gəlabaya. Əzla noffo a gəla gəɓa zə ɗəf lekeɗeklekeɗəki.

Yeremiya 11:10

Amndoŋguk azet heslepeɗe net efiŋgiɗit, məs dətəŋgaŋ əɓoŋ daprəm əpel nawa. Net azbetinik meŋgilveɗ meɓɓet kawgəɗ sit wəza. Ɗiy na Israyel gəm en na Yuda Aŋzluwənək wənmiyna naw an niynə dit efiŋgiɗti.

Yeremiya 11:18

Yawe assak suwəka, ndəni nəsəna. Yaŋ kərban su əɗɗa neti.

Yeremiya 13:7

Nəmndawək kan a Efrat, nəkayanək helege na gize sə təki məs nəɗaman naka, yas nəkdah sədaka. Nula na, helege na gize nak arayka atər na kpak ɓa.

Yeremiya 16:12

Nokum tamə kəɗɗaŋgək mambray day kiy an net efiŋgiɗkum; Naway pak tay əzban an makra ɓəɓəl daryaw aŋgələ, məza əprəm maw ɓa.

Yeremiya 16:4

Əmta damtaŋ sit gbəgbaɗe, kaɗɗay gəlabeyit ɓa, kawndikti ɓa. Wakkpaŋgaŋ ka ba'ar aka dəlvafuŋ. Waggrakaŋ ama masalam gəm sən mayã, kiygəbay net wasan zəga nawzəm net biŋgeɗ na disiŋ gəm zəgeɗ nawra.

Yeremiya 20:4

Vi an Yawe anah yaŋka: In yakəŋ kappok addəv geslne, is dit beyneŋgiɗuk pakə. Waskotoŋ pak ama masalam net məzuzelɗe neti, horok wawla. Yuda də wən nan pak wanəppan ammba va məlĩ na Babilon. Wasimgit a Babilon, wabey də masalam.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 23:17

Ndəɗaŋ məzupeleŋ dawnah sit məzumasaŋ na: Yawe amna: zazay wasan akokum. Sit məzəzbanən əɓɓəlan mekret na tahəŋ ənahaŋ na tatwãh ade na akokum ɓa.

Yeremiya 3:17

Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 44:16

Əpel kəpel səm də iya na Yawe əŋ na, məprəm suk na ɓa.

Yeremiya 44:5

Ya dəprəmaŋ ɓa, dəpakən sləmet ka kappan əɗɗa zəga mbərayən net ɓa, ka kappan gabba əzla tursan sit meŋgilveɗ meɓɓet ɓa.

Yeremiya 5:23

Ya kiyit ɗiyəŋ ɓəli, məɓoŋtiŋ. Aktuhunək dəɓeti, addoŋko,

Yeremiya 7:13

Ya kakaŋ na, Yawe aɗiymani, adan kəɗɗetin wəzeɗes pakə, də nəpel sukum pay pakə zlaŋ na, kəprəmnən ɓa; də nəyukum zlaŋ na, kəzlanən ɓa.

Yeremiya 7:6

kədawzəmgənən sahã na molhoyõ ɓa, na mitiwe ɓa, nat gagəbay ɓa, kədawbayaŋ ɗəf də mezlibezlibe na man a təkiyəŋ ɓa. Kədazbetin meŋgilveɗ meɓɓet kawki əray akokum ɓa.

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Yeremiya 9:13

Azbanənək ɓəɓəl na mekret ammbet Ba'alɗe məs efiŋgiɗit ayagan sitini.

Yeremiya 9:14

Vi vaski Yawe Məzuɓappak Maŋgəlva na Israyel anah vaŋka: Wanəzəmgit ɗiyin də ndərzla, wanəpsit iŋkile də muhun areti.

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Əŋɗa 14:11

Yawe apel sən Moyis amna: «Hã gap dewɗe ɗiyiŋ adazbanən əzelew di? Hã dewɗe adawɓoŋgoŋ dawtaf wən naw də va nədaɗɗe sekeneɗ naw aweleŋtiŋ pak di?

Wəza net Masləŋɗe 7:51

Mə ɓəɓəl kiyti, makra ɓəɓəl gəm məsuk sləmeti, kəɓoŋgoŋguk daprəm ma Zeŋgile Salala vanet efiŋgiɗkum aɓoŋgoŋ daprəm mani.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.