Yeremiya 12:5 - Bible en Guidar

⁵ An ənza dit ɗiy ayokuk na, mbar kədawsla zuk azet pilseŋge di? Is tat kiyuk foŋgo addəv dələv məs də zazay ɓa mbar kədaɗɗa addivit wəleŋɗe rəɓ na ma Yurden di?

Yeremiya 12:5 ပူးပေါင်းရင်းမြစ်များ

1Alabaraɗe Də Mabərkiziti 12:15

Eskiŋ kirtin Gad, deyeɗe nalpa; muzliya nammbet na gba ɗiy səkati yi; an metiŋ naret tamə, gba ɗiy gabalə.

Gəlyaɗe 42:7

Maŋgəlva nawa, nəkurumsu'ko, vini nədaɗɗumok hã səka dələv na Yurden, səka Hermon gəm səka mossorgo metiŋ na Mise'ar.

Wənməkkpaŋga 24:10

An mokrok amtək pay na tatwãh na, asna mokrok tay ta'sa lahəŋ van ɓa.

Wənməkkpaŋga 3:11

Wətuwa, kədawzelen ərba na Yawe ɓa, kədawda gədəv sən əzga' nan ɓa.

Yeremiya 11:21

Vi vaski Yawe anah vaŋ aket ɗiy na Anatot məzukoyokun dawnəh na: Kədaɗɗa kəleŋ aka əya na Yawe ɓa, vas ɓa wakəmtə a vamə.

Yeremiya 26:8

Səza Yeremiya agrak əpel an Yawe aɗi sən wən nan nawpel sit ɗiy pakə, ndəni məsdəlveŋge, məskəleŋɗe dit ɗiy pak armanəni dawnəh na əmta kədamta!

Yeremiya 36:26

Yas məlĩ aɗi wən nan sən Yerameyel wətən məlyã, sən Seraya wətən Azriyel gəm sən Selemiya wətən Abdel dərmanəngən Baruk məzuvere gəm məskəleŋ Yeremiya. Yas Yawe aɗemeti.

Yeremiya 49:19

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa ɓa di? Məlĩ mawani as van nawziw abaw di?

Yeremiya 50:44

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa di? Məlĩ mawani as van nawziw abaw di?

Yosuwa 3:15

Mawalayi aka Yurden adawsan məknəhən də mabuzgumɗe nan sulupəŋka. Adan ɗiy dəslanən akoti nawsler agapaŋ hã a Yurden tilit məsdəlveŋge məs dəslanən akoti atoŋ aret iŋkile,

1Piyer 4:12

Bayneŋgiɗəw na makrawa, kədassoŋ gərəŋ an mənokum tat addəv offo na əzəmsahã naslukum, va kəmna zəga məs də tiveni ɓa ɓa.