Yeremiya 12:16 - Bible en Guidar

¹⁶ An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Yeremiya 12:16 ပူးပေါင်းရင်းမြစ်များ

Gəlya net Gəlyaɗe 1:8

«An kəsən ɓa na, is, gamaralək net gili, azban betemit gilewi gəm ateɗ kirti gilew nok a maŋgava gəla net məzuteɗəŋɗe.»

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 45:23

Nəswayək də ki zuwa təstəs səmaw adawgilyeni, əpel van addəɗ ɓa, ɗiy pak wakdukun takperet abawa ma pak wasway də iya nawa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 65:16

Ɗəf naka dələv dəŋgəl əzaɓ sən kini, waɗɗa də iya na Maŋgəlva an gesiŋ məs ɗəf adawɗi əɗɗum nan akani. Ɗəf naka dələv dəŋgəl əswaya, wasway də iya na Maŋgəlva an gesiŋ məs ɗəf adawɗi əɗɗum nan akani. Kazgəti ki əzəmsãha an na maddaabəŋ vi waɗam faraɗa səma harawa.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 18:8

an ɗiy naka dələv nəpel aket vet appanənək mambray net məs dədan su gədəvu vani, asna wanəppan tatwãh an niynan nawgəɗ siti.

Yeremiya 3:17

Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Yeremiya 5:7

Aka askəsna wavvuyan suk sa? Kirtuk azgawənka, aswayaŋgək də zəga məs Maŋgəlva yi ɓa. Nəbetke, də as pak ndəɗaŋ əku a gizbe, ndəɗaŋ əsap addəv gəla nat məpolkoyoku.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Sefanya 1:5

gəm məzəppu'oŋ aka təgbalka abet məzəlpaŋ na disiŋ, gəm məzəppu'oŋ aba Yawe ndəɗaŋ əswayaŋ də iya na maŋgəlva net Melek.

Zakarya 1:6

Wəpel nawa dit mahenziŋɗe naw en nəɗi sit wən nan sit gewleɗ naw məskəleŋɗe, dəgepnin efiŋgiɗkum ɓa sa? Yaŋ amilyoŋ anahaŋ na: Vaski Yawe Məzuɓappak aziwgin wən nan nawgəɗ səm va tive namə gəm va wəza namə, vas vani agəɗ səmə.»

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Roma 11:17

An məlotni kiva wəlaŋga səzani, an mətipku yi is hereme nawra a gəleti, an kərahək haran nok səza suwerin də səza telembe na hereme vani,

Roma 14:11

Vi məverni na: Də zeŋgilewa Daya anahə, ɗiy pak wakdukun takperet abawa, ma pak wagagdakan Maŋgəlva.

1Korintus 3:9

Vi wəza na Maŋgəlva mədaɗɗa sapə, mənokumtə guli na Maŋgəlva. Mənokumtə ərka na Maŋgəlva.

Yosuwa 23:7

Kədawslahaŋ dit ɗiy en dəmmbraŋ awalaŋkuməŋ ɓa; kədawyanən sləmet meŋgilveɗ net ɓa, kədaswayaŋ dindit ɓa, kədaɗɗaŋ sitin wəza ɓa, kədappu'oŋ ebet ɓa.

Ɗerewel nat Rut 3:13

Addaŋ təki kana. Də mompumo na, an wamoko, moggoni, dəmoko. Ya an man tay aka əmok ɓa, suway va Yawe asan madarani wanəmoko! Avoŋ hã gap də mompummo.»