Yeremiya 12:14 - Bible en Guidar

¹⁴ Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 12:14 ပူးပေါင်းရင်းမြစ်များ

Gəlyaɗe 105:15

«Kədawrəŋgitin en məpeslit naw ɓa; kədaɗɗaŋ mbərayən sit məskəleŋɗe naw ɓa.»

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Yeremiya 2:3

Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 3:18

Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Yeremiya 48:1

Vaŋ Yawe Məzuɓappak Maŋgəlva na Israyel apel aka wən na Mo'ab: Əray aka Nebo: Vi arayka! Wil ara Kiryatayim məgulni! Wil ara walaŋgəla na korgu, addəv geslne yi.

Yeremiya 48:47

Wanəzaɓan wən na Mo'ab addəv pay an dədazzani Yawe aɗiymani. Aŋ ətawwən na Mo'ab adawziwwe.

Yeremiya 49:1

Aka wən net mə Ammonɗe na, vaŋ Yawe anahə: Zeŋvin Israyel tay ɓa sa? Məzəm gəla nan tay ɓa sa? Vimi məlĩ net mə Ammon amõh Gad may ɗiy nan assoŋ də gəla a walaŋgəleɗe gugriɗ nan di?

Yeremiya 49:7

Aka wən na Edom. Vaŋ Yawe Məzuɓappak anahə: Məsmaɗɗula tay aret mə Temanɗe əmpa ɓa sa? Əsən azək səweleŋgit məs kiyit sa? Maɗɗulet arayək sa?

Ezekiyel 28:25

«Vaŋ Daya Yawe anahə: Pay nədakkelet mə Israyel sə weleŋgit ɗiy məs mətəraygit areti, wanərban salala naw aweleŋgit ama heret ɗiy-ɗarə: wassoŋ də gəla aka dələv neti, məs nəpsən məgəɗ wəza nawa, sən Yakob.

Ezekiyel 28:26

Wassoŋ akan zeŋgleŋge, warkaŋ gəleɗe, wampaŋ megezlembirkeɗi; wassoŋ zeŋgleŋge. Pay nədawtawwən aket ɗiy məzuzeletin dəkaraŋ kiyit pakə, asna kawsənni na, intə Yawe Maŋgəlva neti.»

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Ezekiyel 36:5

Vini, an Daya Yawe anah yaŋka: Sessel də kotorok naw vakvak nədawpel aket dəlveŋge na guw meɓɓeti, gəm aka Edom dəwənnani, vi atakənək dələv nawa. Də ənnek a mekreti gəm əzel sə mekret gərakə, vi kappohon təki nawtaɗ nani.

Ezekiyel 37:21

Ya anah sit na: an Daya Yawe anah yaŋka: In yakəŋ ənde mə Israyelɗe səret ɗiy-ɗar en addoŋ anetda adaka; wanəkkelet sə təki pakə, wanəki aka dələv neti.

Zakarya 1:15

Makraw fiyõh fiyõhĩ aket dəlveŋge məs dərəhən kiyti; vi naw gədəvu siɗikke adə, ya net abbahaŋ sənənək əraya.

Zakarya 2:8

Yaŋ aɓsu na: «Anzok anah sən wiyən ndaka, is na: Yerusalem wasan va walaŋgəleɗe gugriɗ məs kiyit viŋŋge, vi ɗiy dit zəgeɗ memeyẽɗ nassoŋ addəvən diyɗaŋka.

Əmsak aka Mahenziŋ 28:63

Vaski Yawe anneken zən nawgəɗ sukum moggon də uwokum hõyõ' hõyõ'u, vaski ye'e Yawe agəm wən nawzokum kakãhə, karɓahokumi səka dələv an kədawtoŋgoŋ addəvən kawmõhən ka nokuməŋka.

Əmsak aka Mahenziŋ 30:3

Yawe Maŋgəlva nok wakkpaŋgan wəssa noko, wawla sasãhko, wamndak əkkalokum sənet ɗiy-ɗar da, a təki Yawe Maŋgəlva nok atəray gukuməŋka.