Yeremiya 12:11 - Bible en Guidar

¹¹ Məkkpaŋgani va kapta akkpaŋgək daŋdaŋ abawa, dəlev dəwən nan arayka vi ɗəf tay dəɗi makran akan ɓa.

Yeremiya 12:11 ပူးပေါင်းရင်းမြစ်များ

Məsmaɗula 7:2

Dəɗah əmbat a gəlabay ki əmbat əzləra adan əmta əkgrak net ɗiy pakiyə, ya adahək ɗiy mederet dəɗɗumonəŋgəni.

Isaya 42:25

Ndəni aggbo' ədagədəv nan gəm gəgay nawgay aketi. Aɗisənək offo kiyit suləkə, ya dəsənən ɓa; azleke, ya dəɗinən aket ɓa.

Isaya 57:1

Ɗəf təstəs tay əmta, ɗəf tay dədaɗɗum akan ɓa. Məbeyti ɗiy en moggeti, ɗəf tay dəzlək sləma akan ɓa. Ha'aw ɗiy təstəs tay əzaŋgə sən daraw net ɗiy mbəreyti.

Yeremiya 10:22

Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Yeremiya 14:2

Ɗiy na Yuda tahəŋ addəv gəlabaya, walaŋgəleɗe gugriɗ nan tahəŋ əɓzlaŋgə, assoŋguk afuŋ tirif na sahã. Vaŋvəl na Yerusalem asilik a disiŋ.

Yeremiya 19:8

Wanəzan walaŋgəla-metiŋginiŋka, wakkpaŋ təki məraygəni. Ɗəf dədawtoŋ də maŋgavan pak wageslne'i, gəm waggət aka an dəgəɗə.

Yeremiya 23:10

Dələv aknahək dit ɗiy məkuwaŋ a gizbe. Vaski dələv tay addəv əhəm aka wən na mefɗeke; təki nawtaɗ a kapta-muyã akəlka, əɗɗum net aka əɗɗa mambrayi gurom net dəslə aza an naɗɗa ɓa.

Yeremiya 25:11

Dələvəŋ pak wakkpaŋ kiməski muyã ɗarə, ɗiy naka dəlvəŋ waɗɗaŋ wəza sən məlĩ na Babilon əzva kaklaw buhul.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Yeremiya 4:27

Vi vaŋki Yawe anahə: Dələv dəwən nan pak wakkpaŋ va kapta ya nəzan na kakãh ɓa.

Yeremiya 4:28

Vini dələv asan addəv əhəm na gəlabaya, guzli agəɗək a disiŋ. Vi nəpelke, nəɗɗumko, nəddəɗan na maw ɓa, nəmndaw na akan ɓa.

Yeremiya 6:8

Ataf əzga'a Yerusalem, vas ɓa na wamuɗakə vi nədakkpoŋgok va ki kapta, dələv məs ɗiy tahəŋ akan ɓa ɓa.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Yeremiya 9:9

Wanəhəmə, wanənɗəs aka wən net mossorgoɗe; wanəɓuh maw ammba təki nawtaɗ na kapta-muyã, vi məɗi siti offo. Ɗəf tay dədawtoŋ kəla dak ɓa. Əhəm na wasli tay dədaprəm adak ɓa. Təŋ səzet biŋgeɗ na disiŋ hã gap azet zəgeɗ nawra anzoŋko, addoŋko.

Yo'el 1:10

Gulyeŋge arayaŋka, dələv tay a gəlabaya. Haykəmari arayka, mbazla na meketeke təɗek dayday tay ɓa, mẽl akkpa'ka.

Məsdəlveŋge 26:32

wanəraygən dələv nokum dəvawa, məzuzelkumən en dəzzoŋ də gəla adak waggətaŋgə.

Zakarya 7:5

Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Malakiya 2:2

An kaprəmaŋ ɓa, an karmanən wən nagagdakan iya naw təstəs a mokrokum ɓa, wanəki əray akokum gəm əraygən əzaɓ nokum Yawe Məzuɓappak anahə. Gesiŋ, nəraygit na vi ɗəf tay məzərma zəga a makran səmbokum ɓa.

Roma 8:22

Vi məsənək na, an məzəməɗən pak tay əŋɗəsa gəm tay əzəm sahã sən əssa na əɓay uwa hã kakaŋka.