Yeremiya 11:6 - Bible en Guidar

⁶ Yawe anah suwək əmpa na: Aslan wəlok a walaŋgəleɗe gugriɗ na Yuda gəm aket tiveɗ na Yerusalem apel əpeləŋ də ənəh na: Məprəm əpel na wənmiynaŋka, vi kəɗɗaŋgən wəza dəndən.

Yeremiya 11:6 ပူးပေါင်းရင်းမြစ်များ

Gəlyaɗe 15:5

Apsit dəmən sit ɗiy dit iŋkile ɓa, may awtaf zəga vi kawzan ɗəf an man bartata ɓa. Məgəɗ vasna, aɓəl na kpak ɓa.

Isaya 58:1

Akol wəlok ayə, kəɓətgən gozloro ɓa, aslan wəloko. Arban əɓoŋ net ɗiy nawa, arban mambray net ɗiy na Yakob.

Yeremiya 19:2

Kəgilgin də walaŋ na Ben-Hinnom, məs dəsan a maddamba net galmayãɗe; Adaka, kətəlgən ma na əpel an nədawnah suko.

Yeremiya 2:2

Doko, kəpelgən a sləmet ɗiy na Yerusalem də wənah na: Vaŋ Yawe anahə: In tat əɗɗumon moggon nok aka kəsok gore. Aka əŋgla na gəre noko! Gala kədazbaw a kapta-muyã, aka dələv məza guli adak ɓa.

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 7:2

Aziw a ma gəla na Yawe, apel əpeliŋ adaka, kənahgən na: Məprəm əpel na Yawe mənokum ɗiy na Yuda baymokum, məzutoŋgoŋ də maddambeɗeŋ vi kappu' aba Yawe əŋka.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Yohanna 13:17

An kəsənənək vaska, zukum wasan neki, an kəɗɗanənka.

Roma 2:13

Vi məprəmaŋ mahenziŋ də sləmetiŋ təstəs aba Maŋgəlva ɓa, abbər məɗɗaŋ wəza də mahenziŋ nassoŋ təstəsə.

Əmsak aka Mahenziŋ 4:1

Ya kakaŋ na Israyel, aprəm mahenziŋɗe, dit tiveɗnanziya məs nədawyeget sukum nazba: vaski kədassoŋ modorokum, kətoŋgoŋgən ətaf dələv məs Yawe Maŋgəlva net efiŋgiɗkum adapsukum.

Əmsak aka Mahenziŋ 4:5

Mula, niyeget sukumək mahenziŋɗe dit tiveɗnanziya, va Yawe Maŋgəlva naw aɗi su wən nani, kəzbetingin aka dələv məs kədaŋgla ətoŋgoŋ adak kawmõhən ka nokum;

Yakob 1:22

Kədassoŋ məzaprəm wən na Maŋgəlva də sləmokum kaka ɓa, gəssi. An kaɗɗanən an wən na Maŋgəlva anah ɓa asna əmbəɗan ki zukumi.