Yeremiya 11:5 - Bible en Guidar

⁵ Vi nəknahangən əsway məs nəsway sit efiŋgiɗkum napsit dələv məs moŋvo də amama adawdaw akan loklok va asan nokum dəpaŋkəŋka.”» Yaŋ nəzlani, nəmna: «Dəsan vaska Yawe.»

Yeremiya 11:5 ပူးပေါင်းရင်းမြစ်များ

2Alabaraɗe Də Mabərkiziti 6:17

Gəgaŋ na, Yawe Maŋgəlva na Israyel, asɓan əpel nok an kəpel ammba gawla nok Davit!

Gəlyaɗe 105:8

Tay əɗɗumon wənmiyna nan pay pakə, wən məs aɗi sən sayit ɗiy gabalə,

Əgilye 13:5

Ya, pay Yawe adawkuk kəlaka dələv net mə Kana'anɗe, net Hittiɗe, net Amorɗe, net Hivviɗe gəm net Yebusɗe, məs asway sit afiŋgiɗkum napsuko, dələv məs moŋvo də amama adawdawaŋ akan lokloku. Wəzaŋka, aka təlaŋki kədaɗɗani:

Yeremiya 19:12

Vas nədawgəɗ sən təkiyəŋka gəm sit ɗiy naddəvən. Wanəkkpaŋgan walaŋgəla-metiŋgiŋ va Tofet Yawe aɗiymani.

Yeremiya 28:6

Dəsan vaska, kəta Yawe dəɗɗa vaska, kəta Yawe dəknahan əpel nok məs kəgəɗ kəleŋ akan nawmilgit zəgeɗ naddəv gəla na Yawe gəm ɗiy məsimgit a Babilon hã a təkiyəŋka, məskəleŋ Yeremiya anahə.

Yeremiya 32:22

Yas kəpsit dəlvəŋ məs kəsway sit efiŋgiɗit napsiti, dələv məs moŋvo də amama adawdawaŋ akan lokloku.

Məsdəlveŋge 20:24

Nənah sukumək na: Dələv net ambra vokumiyi, Intə nədapsukum ka nokum, Dələv məs moŋvo də amama asan addəvən diyɗa! Intə Yawe Maŋgəlva nokum, məs duwelkum səret ɗiyi.

Matiye 6:13

Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.

1Korintus 14:16

Ya an is tat əfet aka Maŋgəlva də əmpəsa, ɗəf an ɗar na waloŋkum dəpas mbar adawzlan Amin ammba əfet nok di? Adan dəsən an kədawpel ɓa di?

Əmsak aka Mahenziŋ 6:3

Kəprəmgəni Israyel, kəgəɗgən maɗɗula naɗɗa wəza dənɗaŋgə: vasna zuk wanneki, kənzləraŋgən diyɗa aka dələv məs moŋvo də amama adawdawaŋ loklok va Yawe Maŋgəlva net efiŋgiɗuk anahə.