Yeremiya 11:4 - Bible en Guidar

⁴ məs nəɗi wən nan sit efiŋgiɗkum gala nəgilgit səddəv movoro offo nawhə̃s təbəz ana Eziptə dawnəh na: “Məprəm əpel nawa, kəɗɗeningin zəgeɗis pak va nəɗi sukum wən nani. Asna wakəssoŋ ɗiy nawa, naw nəsawgən Maŋgəlva nokum.

Yeremiya 11:4 ပူးပေါင်းရင်းမြစ်များ

Va'Atəŋ 17:8

Dələv məs kəsim akanəŋka wanəpsuk ka nok faɗə gəm sit kirtuk dərɓogoko, dələv na Kana'an dəwənnani. Wanəsaw Maŋgəlva neti.»

1Milyeŋge 8:51

Vi ɗiy nok nawray vokuŋ məs kəgilgit sə Eziptə səddəv movoro offo.

2Milyeŋge 18:6

Asanək də Yawe, dəmzla səmmban ɓa. Armek wəsəɓɗe en Yawe aɗi wən nan sən Moyis.

Əgilye 20:6

Ya, məzəŋgluwəni, məzərmanən an nəɗi naɗɗa, wanərban sit moggon naw hã gap sayit gabalə.

Isaya 30:6

Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.

Isaya 48:10

Awla, nəbburkumuk də offo, va adabburoŋ təbəz babari nəbburkum ɓa, addəv mesteɓe na tatwãhi.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 26:13

Ya kakaŋ na, məzaɓan tive nokum gəm wəza nokum, məprəm ma Yawe Maŋgəlva nokum, asna Yawe wappan əki tatwãh an apel nawki akokum.

Yeremiya 30:22

Wakəssoŋ ɗiy nawa, wanəsaw Maŋgəlva nokum.

Yeremiya 32:28

Vi vaŋki Yawe anahə: Inyakəŋ əppan walaŋgəla metingiŋ avet mə Kaldiyeɗi gəm ava Nabukodonozor məlĩ na Babilon, wazəma.

Yeremiya 38:20

Yeremiya amna, appokun na avet ɓa, aprəm əpel na Yawe məs nədawnah suk ɗa. Wasan suk moggoni, wakəsok modoroko.

Ezekiyel 11:20

vi dədawaŋgən va mahenziŋ naw aŋgələ, dərmeningən tivenanziya nawa, dəɗɗaŋgə wəza dənɗaŋgə, dəssoŋgən ɗiy nawa, nəsawgən Maŋgəlva neti.

Ezekiyel 14:11

Vi adawzetin ɗiy na Israyel əmpa səmmbaw ɓa, adarnokonən zit əmpa də wəɓoŋ net ɓa, wassoŋ ka ɗiy nawa, naw wanəsaw ka Maŋgəlva neti, Daya Yawe aɗiymani.»

Ezekiyel 36:28

Wakəssoŋ də gəla aka dələv nəpsit efiŋgiɗkum, wakəssoŋ ka ɗiy nawa, wanəsaw ka Maŋgəlva nokumu.

Ezekiyel 37:23

Arnokonən na zit dit zəgeɗmeŋgilveɗ net əmpa ɓa, də zəga daryaw net ɓa, may də əɓoŋ net ɓa; wanəkõhgit sə təki assoŋ də gəla, təki aɗɗaŋ mambray adakəŋka. Wanəbbure, wassoŋ ɗiy nawa, wanəsaw Maŋgəlva neti.

Ezekiyel 37:27

Təki nassa naw wasan azeti; wanəsaw Maŋgəlva neti, net wassoŋ ɗiy nawa.

Daniyel 3:26

Nabukodonozor adderək go'o ama movoro offo naka. Aye amna, Sadrak! Mesak! Gəm Abed-Nego! Məɗɗaŋ wəza sən Maŋgəlva Məsəɗəɗə, migili! Mide! Ndəni may Sadrak, Məsak gəm Abed-Nego agilyoŋ səkoffo.

Məsdəlveŋge 26:12

wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Məsdəlveŋge 26:3

An mənokum tat ədaw aket mahenziŋɗe nawa, an kərmanənək əpel na ənziya, kəɗɗaŋgək wəza dənɗaŋ,

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 6:15

En məs faraɗa wazzoŋ karka Gəla na Yawe, wakəsənnən na, Yawe Məzuɓappak dəslənu azokum. Wagəɗə, an mənokum tat əprəm ma Yawe Maŋgəlva nokum lewlewi.

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Əmsak aka Mahenziŋ 11:27

wəzaɓa, an kəprəmənək an Yawe Maŋgəlva nokum aɗi naɗɗa məs nəɗi sukum wən nan dəpaŋka;

Əmsak aka Mahenziŋ 4:20

Nokum na, Yawe andukuməko, agilgukum sə Eziptə dəsan va mosgoy nanwẽsl təbəz addəvən, vi kəkkpaŋgaŋgən ɗiy na vawray nan va kəssoŋ dəpaŋka.

Əmsak aka Mahenziŋ 5:6

Intə Yawe Maŋgəlva noko, məs dəgilguk səka dələv na Eziptə, səka balam.

Ibriɗe 5:9

Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.