Yeremiya 11:20 - Bible en Guidar

²⁰ Ya Yawe Məzuɓappak ndəni mətawwən təstəsə, məkkesen megenegene gəm makra ɗəfa. Wanula əmpəlkiya nok aketi, vi suk nəppan wən nawa.

Yeremiya 11:20 ပူးပေါင်းရင်းမြစ်များ

Va'Atəŋ 18:25

Dəslə kəgəɗgən vas kəta ɓa! Əzan ɗəf təstəs də an dəraygəni? Ɗəf təstəs də an dəraygən pak məstaka sa? Dəsle sle'sa ɓa! Mətawwən naka dələv gboŋ dayday aɗɗa na də tive təstəs ɓa sa?»

2Milyeŋge 19:14

Hizkiya letər səvet maslənɗe nek tafə, aŋɗani, atoŋ addəv Gəla na Yawe. Hizkiya appar aba Yawe.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

Ɗerewel na Yob 5:8

Ya naw na, ma Maŋgəlva nədattokoni, an dərəhwa, aba Maŋgəlva nədawɗiyən.

Gəlyaɗe 139:23

Maŋgəlva! Akkesen an nazawa, asən makrawa; asluwa, asən əɗɗumɗe nakawa.

Gəlyaɗe 35:2

Arma baray muzliya də an metiŋgini, asil abbah suwa!

Gəlyaɗe 43:1

Atawwən nawa Maŋgəlva, atəru səvet ɗiy mbəreytiŋki. Apəlu səvet muwaŋ wən dit məɗɗaŋ mbərayni.

Gəlyaɗe 57:1

Səza daya net məyaŋgəlya. Məyan də wəla məs adawyaŋ na: «Kəraygən ɓa.» Gəlyanalva səddəv gəlya na Davit. Gala adanzan səba Sawlu a bətəŋ.

Gəlyaɗe 58:10

Tak mesteɓeɗ nokum adawsənən na məsɗay offo net degirgeɗ ammbeti, hiɗhiɗ va ədagədəvi, wapalkete.

Gəlyaɗe 7:10

Mbərayən net məsdarawɗe dəbayman kana! Wakəɓɓəlan ɗəf an təstəsə! Də əsəŋglan mekret ɗiy gəm kpukpum naɗɗum neti Maŋgəlva an təstəsə.

Gəlyaɗe 7:8

Wəsap net ɗiy wakar kiyko; asok a disiŋ akani!

Gəlyaɗe 7:9

Yawe wasan mətawwən aket ɗiyi: apəlwa Yawe vi təstəs gəm bartata nani.

Gəlyaɗe 98:9

aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.

Yeremiya 12:1

Yawe təstəs kənan gərak ka nəgəɗgən wən də isi. Də as pak wanəpel suk aka wən nawtawwəna: Vimi tive net məsdarawɗe adahhar ammbet di? Vimi məzəmaŋ kiya assoŋ kiyit foŋgo di?

Yeremiya 12:3

Kəsənwəka Yawe, is tat uluwa, is tat əkoson makraw an tay də isi. Net aɗi temme va timeŋgiɗ nawfoto, azi sek əga pay nawtaw wəleti.

Yeremiya 15:15

Isi Yawe kəsənəka. Aɗɗum akawa, abbah suwa, akə wən ammbawa məza ammbet məzərɓahawən ɓa. Nədamta sən ɓatɓat nok ɓa! Asən na in tat əɓəs əra aka wən noko.

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Yeremiya 17:18

Məzuzəmguwən sahã dərbaŋ wili, naw nədarba wil ɓa hara! Ageslnegiti naw nədawgeslne ɓa hara! Aki pay na tatwãh aketi, aŋzlet əŋzla təl sula.

Yeremiya 20:12

Ya Yawe Məzuɓappak, kəsinik ɗiy en təstəsə, kawla kpukpum na mekret də əɗɗum neti. Nəppanək wən naw pak avoko, in tat əŋgla nulagən va kədampəlkiya.

Əɓuhma 3:58

Wəkõh kəkõhgən zeŋgilewa, Daya, kəbitwəka.

Əɓuhma 3:59

Kulak va adawzəmgəwən sahã, atawwən nawa.

Əɓuhma 3:64

Va zəga an aɗɗaŋgə vas kədawfaɗ siti Yawe.

Ezekiyel 11:5

Əmpəs na Yawe aprikik akawa, aɓsu na: «Anah na vaŋ Yawe anahə: Vaŋ kəpeleŋgi mə Israyelɗe, an dədawpeŋ aka maɗɗulokum, naw nəsənka.

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

Filipi 4:6

Kədattapaŋ ɓa, mərban wəray nokum pak aza Maŋgəlva də əkkama, əppu'o gəm də əffete.

2Timote 4:14

Mənzla Alekzaŋdər agəɗ suwək zəga mbərayən sawɓa, Daya wamndan sən va aza wəza nani.

1Piyer 2:23

Ndən məs mərani, məza ndən əmndan əra ɓa, dəzəmsãhã məza ndən əbaygagay sən ɗəf ɓa, appanək ki zən ava Maŋgəlva mətawwən də təstəsə.

Hənhən 18:20

Disiŋ annek də əray na walaŋgəla-metiŋ nani. Munokum'e ɗiy na Maŋgəlva, maslənɗe gəm məskəleŋɗe vi Maŋgəlva akək wən ammbokum də ətawwən aka walaŋgəla-metiŋ vani.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

1Samiyel 16:7

Yawe aɓsən Samiyel na: «Nok kədawla gəɓa zən də əɓay nan ɓa, nəzganəka. Vi naw nawla aza an ɗiy adawlaŋ ɓa: Ɗiyi, an na ma heret adawlaŋgə ya Yawe nan makra ɗəf adawla.»

1Samiyel 24:15

Ammba nawa məlĩ na Israyel adawka hẽllẽk di? Nawa kədarɓahan di? Ammba kəra məmtəni, ammbat dememesək ɗarə!