Yeremiya 11:13 - Bible en Guidar

¹³ Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 11:13 ပူးပေါင်းရင်းမြစ်များ

2Milyeŋge 23:13

Məlĩ arnoketik gəleɗe-nettuyeŋge en na mahara Yerusalem dəka dəzəŋ na mossorgo metiŋ na kuɗupu məs Salomoŋ məlĩ na Israyel arkə aka iya nat Astera, zəga daryaw net mə Sidonɗe, Kemos, tuya na Mo'ab, Milkom, zəga daryaw net kirtin Ammon.

2Alabaraɗe Də Mabərkiziti 28:25

A walaŋgəla-metiŋ na Yerusalem pak agəɗək gəleɗe-nettuyeŋge kawzla tursan sit meŋgilveɗ məɓɓeti; vaski adan sən gədəv Yawe Maŋgəlva net efiŋgiɗni.

Isaya 2:8

Dələv net aknahək dit meŋgilveɗ en ɗarə, tahəŋ əppu'oŋ aba wəza na veti, aba zəga an va ɗəf agəɗə.

Yeremiya 11:17

Yawe Məzuɓappak məs dəmpuk apelik aka wən noko, vi mbərayən məs ɗiy na Israyel dit ɗiy na Yuda aɗɗaŋgə: adansuwənək gədəvu də əzla tursan sən Ba'al.

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 19:5

Arkaŋgək gəleɗe-nettuyeŋge sən Ba'al vi kawzle kirtit ka əvəl nawzla kurmbuɗuk sən Ba'al. Nəɗi wən vas ɓa, nəpel vas ɓa, dəde ɗah vas a makraw ɓa.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Yeremiya 3:24

Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 3:25

Məsamsəm addəvit wil namə, mətaf səm ərbet wil namə, vi məgəɗək mambray sən Yawe Maŋgəlva namə, mənamə va efiŋgiɗmə, far səka sawãmə hã gap pay dəpaŋka; məprəm ma Yawe Maŋgəlva nam ɓa.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Yeremiya 44:21

Tursan kəzlaŋ a walaŋgəleɗe gugriɗ na Yuda gəm aket tiveɗ na Yerusalem, mənokum, efiŋgiɗkum, milyeŋge nokum, deyeɗe nokum gəm ɗiy naka dəlva, Yawe dəɗɗumon wən nan hã dətoŋ a makran ɓa sa?

Yeremiya 44:5

Ya dəprəmaŋ ɓa, dəpakən sləmet ka kappan əɗɗa zəga mbərayən net ɓa, ka kappan gabba əzla tursan sit meŋgilveɗ meɓɓet ɓa.

Yeremiya 48:35

Wanəzet ɗiy məddoŋ a matuya kawzla tursan sit meŋgilveɗ net sə Mo'ab, Yawe aɗiymani.

Yeremiya 7:9

Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Ezekiyel 16:24

Kərkək təki ɗogro'o sən kiyko, kəgəɗək dalas sən kiyuk a təki pakə.

Hose'a 10:1

Israyel guli moggon na megezlembirke, məzuwa kirtini. An kirtin awanən ziti, ndən uwet matuyaɗe; an dələv nan tay əzaɓa, ndən əbay gawla sit serekɗe.

Hose'a 12:11

Wanəpel sit məskəleŋɗe, wanuwan ula, gəm də met məskəleŋɗe nədawsla kiyva wəna.

Hose'a 9:10

Va megezlembirke awra nərəh Israyel, va mədəvərziyo na sokoyo, də wətəŋ nan nulek efiŋgiɗkum. Səza agapaŋ a Ba'al-Pe'or, appannək ki zit sit ərba wili, akkpaŋgaŋ daryawɗe va zəga an aŋglaŋgə.