Yeremiya 11:10 - Bible en Guidar

¹⁰ Amndoŋguk azet heslepeɗe net efiŋgiɗit, məs dətəŋgaŋ əɓoŋ daprəm əpel nawa. Net azbetinik meŋgilveɗ meɓɓet kawgəɗ sit wəza. Ɗiy na Israyel gəm en na Yuda Aŋzluwənək wənmiyna naw an niynə dit efiŋgiɗti.

Yeremiya 11:10 ပူးပေါင်းရင်းမြစ်များ

Gəlyaɗe 78:57

Asmaɗaŋka, ambəɗanənək Maŋgəlva va net efiŋgiɗti, akkpaŋgək va bəle goslorro.

Isaya 24:5

Dəlvafuŋ arnokuk səmmbet ɗiy nakani, vi amzlahaŋgək səka an Daya ayagan siti akkaɗaŋgək ki mahenziŋ, apələnək wənmiyna, an dəsan faɗə.

Yeremiya 13:10

Ɗiyəŋ mbəreytiŋ məzuɓoŋgoŋ daprəm əpel nawəŋ, məzəzbanən əɗɗum na mekretiŋ, məzəzbetin meŋgilveɗ meɓɓet kawgəɗ sit wəza gəm kappu' abetiŋki, dəkkpaŋgaŋ va helege na gizeŋ məs atər na kpak ɓaŋka!

Yeremiya 17:23

Net dəprəmaŋ ɓa, dəpakən sləmet ɓa, aɓɓəlanənək kiyti, vi adaprəmnən ɓa, ka adawrahaŋ əzga' ɓa.

Yeremiya 22:9

Kawzlan siti na: Vi azganən wənmiyna na Yawe Maŋgəlva neti, appu'oŋ abet meŋgilveɗ meɓɓeti gəm agəɗ sitin wəzay yi.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Yeremiya 44:16

Əpel kəpel səm də iya na Yawe əŋ na, məprəm suk na ɓa.

Yeremiya 44:5

Ya dəprəmaŋ ɓa, dəpakən sləmet ka kappan əɗɗa zəga mbərayən net ɓa, ka kappan gabba əzla tursan sit meŋgilveɗ meɓɓet ɓa.

Yeremiya 7:28

Kəneh sitgin na: Ɗiy məs aprəmən ma Yawe Maŋgəlva net ɓa gəm məzuɓoŋ sən əzga' nani. Təstəs tay azet ɓa, agilik sə meti.

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Ezekiyel 16:59

«Vi vaŋ Daya Yawe anahə: Wanəgəɗ suk va kəgəɗə, is məs kəddəɗan mok də əpəl wənmiyna na walaŋməŋka.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Ezekiyel 5:6

Yaŋ aɓoŋ aket tiveɗnanziya nawa, vi daraw nan adayək kiyit dəlveŋge na guwa; gəm aɓoŋguk aket tiveɗnanziya naw daykiyit dəlveŋge en kiyən tərwəslə vi andolənək an nəɗi naɗɗa temtemi, dədawaŋ aket mahenziŋɗe naw ɓa.

Hose'a 6:4

Efrayim, mi nədawgəɗ suk di? Is Yuda, mi nədawgəɗ suk di? Moggon nokum akaw tay va slaybuwən na mompummo, va minɗe məzuziyaŋ, məzəssaraŋ go'u.

Hose'a 6:7

Net van va Adam, aggaraŋ ki wənmiyna, adaki aɗɗaŋ mbərayən azawa:

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

Məsdəlveŋge 26:15

an kəzgetinik mahenziŋɗe nawa, an kəzelinik tiveɗnanziya nawa, yaŋ kəzbanən əpel na ənziya ɓa, kəŋzləwən wənmiyna naw vaska,

Sefanya 1:6

En dəmilyoŋ səmmba Yawe, məs awkayanən Yawe ɓa gəm assohõnən ɓa.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Zakarya 7:11

Ya aɓoŋgoŋko, dəzgaŋ sləma ɓa; ndəɗaŋ kiyvet zloŋgoŋgu, sləmet dəsldəsl vi adaprəmnən ɓa.

Zakarya 7:13

Vaski «va nəye lahəŋ dəprəmnən ɓa, wayuwəni, ya nəprəm sit na ɓa, Yawe Məzuɓappak anahə.

Əmsak aka Mahenziŋ 31:16

Yawe aɓsən Moyis na: «Nok yaŋ wakəsbet efiŋgiɗuk avovu, ɗiyiŋ waɗɗaŋ polkoyo də wəzbet meŋgilveɗ meɓɓet məs dəssoŋ aka dələv məs adawtoŋgoŋ adakəŋka. Wazgawəni, waŋzluwən wənmiyna nawa məs niynə dənɗaŋ.

Əmsak aka Mahenziŋ 9:7

Aɗɗumoni, kədazgət na kədan sənək gədəv Yawe Maŋgəlva nok a kapta-muyã ɓa! Təŋ səza pay kəgil sə Eziptə gap əzza nokum a təkiyəŋka, məɓoŋkum kənanən aka Yawe.

Ibriɗe 8:9

Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.

Mətawaŋwəna 2:11

Yaŋ mə Israyelɗe aɗɗaŋ mbərayən a mahara Yawe, agekdeketin Ba'alɗe.

Mətawaŋwəna 2:17

Ya dəprəmən met mətawaŋwən net nak dayday ɓa. Ndəɗaŋ əɓe'eŋ sit meŋgilveɗ meɓɓeti, əppu'oŋ abeti; amzləhaŋgək go' ləŋ səka tive məs efiŋgiɗit adawaŋ dəkan də əprim wəsəɓɗe na Yawe naka; net dədawaŋ vas ɓa.

Mətawaŋwəna 2:19

Ya an mətaw wən amtəka, ndəɗaŋ əmsak əɗɗaŋ mambray daykiyit efiŋgiɗti, əzbetin meŋgilveɗ meɓɓeti, əɗɗaŋ sitin wəza may əppu'oŋ abeti; tay adappaŋ səza zəga naɗɗa neti may səza ədaw na kiɓəɓəl net ɓa.

1Samiyel 15:11

«Maw nzoki də wəɗi Sawlu aka məlyã, awla aktohuk gəɓan səzawa, dəzban əpel naw ɓa.» Gədəv Samiyel adəka, ndən kim əkkaman Yawe.