Yeremiya 10:9 - Bible en Guidar

⁹ Təbəz babar məbayən məkiyən sə Tarsis, gəm də meleŋge dəde sə Ufaz. Wəza na məŋzlay gəm na məhəs zəgaŋ. Mugulsit lukutɗe pepreŋɗe gəm va əffiyo na muŋgus baymet pak wəza net ɗiy məs kokoneɗiŋ.

Yeremiya 10:9 ပူးပေါင်းရင်းမြစ်များ

1Milyeŋge 10:22

Vi məlĩ tay dit bəlayɗe a pehe nadda a Tarsis məzəddoŋ sap dit en na Huram, ama wəzva hoku pak bəlayɗe vetis tahəŋ əzzoŋ təl taka sə Tarsis əkiyaŋ meleŋge, təbəz babara, slay bekneɗi, bəryeŋge dit doloŋgozoyɗe.

2Alabaraɗe Də Mabərkiziti 9:21

Məlĩ tay dit bəlayɗe məzəddoŋ a Tarsis dit gewleɗ na Huram. A ma əzva hoku pak, bəlayɗe vet əzzoŋ sə Tarsis də meleŋge, təbəz babara, gozlobekne, bəryeŋge may doloŋgozoyɗe addivti.

Gəlyaɗe 115:4

Zəgeɗkameŋgilveɗ net na təbəz babarəŋgə gəm na meleŋge, məɗɗet də va ɗəfa:

Gəlyaɗe 72:10

Milyeŋge na Tarsis gəm naket mətəwəraɗe wakiyaŋ əvəla; milyeŋge na Saba gəm na Seva, wakiynən nzalaka neti.

Isaya 23:6

Məkkaɗ hã a Tarsis, məɓuh mokum, mənokum ɗiy na ma pehe.

Isaya 40:19

Zəgamaŋgəlva sa? Məzaɓ-zəga dəhə̃sa, yaŋ məhə̃s təbəz akkəɗ sən meleŋge, abaysən gawla dit everzleɗ na təbəz babar məhə̃sən.

Ezekiyel 27:12

Tarsis tay əman van də isi sən arya nok diyɗaŋka: təbəz babara, təbəz titire, way təbza gəm pəlu movoto adawkaŋ addivit lumiɗ nok kalbih zəgeɗ noko.

Ezekiyel 27:7

məzlzlara na bəlay nok məhõn də ngərayã na Eziptə məbay sən gawla; asanək gabaga nawsənuk azani. Minɗerit va uffiyo na bəbərət mətukə gəm pepreŋge, məkiyit səket mətəwəraɗe na Elisa.

Daniyel 10:5

Nəslan haraw na, nulak ɗəf də lukut na ngərayã gəm maslapa na meleŋge na Ufaz addakən.

Hose'a 8:6

Sə Israyel məkini, ɗəfi dəzaɓa, Maŋgəlva yi ɓa; ha'aw wət wasliy na Samari petepete adakrapa.

Yonas 1:3

Yas Yonas asil, vi kanzan a Tarsis, faraɗa səba Yawe. Ambatək a Yaffa, arahək bəlay məzəddan a Tarsis, afaɗək gəlan, vi kaddan dit ɗiy na bəlayəŋ əɗam faraɗa sə mahara Yawe.

Habakuk 2:19

«Əray aka ɗəf mənah sən wələŋga na: Asili, gəm sən gərəm virŋgbi'e na afɗahə, zəga tay adarba ɓa. Də məkkəɗ sit meleŋge də təbəz babar zlaŋ, əmpəs siɗikke tay addəvit dayday ɓa!