Yeremiya 10:22 - Bible en Guidar

²² Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 10:22 ပူးပေါင်းရင်းမြစ်များ

Isaya 34:13

Geslembeɗ məs degirge azet wagilyoŋ akki gəla na məlyã, addivit gəleɗe gboloŋgboloŋ neti, kevile gəm nzewɗe wassoŋ hizikhiziki. Təki nawɗam net wawayɗe yi, gəm təki na herkeseŋ.

Yeremiya 1:14

Yas Yawe anah su na: Sə kəla disiŋgi yi tatwãh adazzan aket ɗiy naka dələv pakə.

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 4:15

Əpel tay əzzan hã sə Dan, əprəman wən na mbərayən hã səka mossorgo metiŋ na Efrayim.

Yeremiya 4:6

mətəl gabaga narban dələv dəka Siyon, mənzoŋ məɗamə, kədawziweŋ ɓa. Vi in tat əki tatwãh sə kəla disiŋ əza metiŋgini.

Yeremiya 49:33

Hasor wakkpaŋ təki nawɗam net wawayɗe, təki məraygən faɗə. Ɗəf tay nassan adak ɓa ɗəf titir tay nassan də gəla akan ɓa.

Yeremiya 5:15

In yakəŋ əki ɗiy-ɗar akokum sə faraɗa, ɗiy na Israyel, Yawe aɗiymani; ɗiy məs awyaŋ ɓaŋ, ɗiy na maguwa, ɗiy məs kəsən met ɓaŋ məs kaprəm an adawpeleŋ ɓaŋ.

Yeremiya 6:1

Mənzoŋ sə Yerusalem kirtin Benyamin. Muffon moho a Tekowa məmpa gabaga na dələv a Bet-Kerem Vi tatwãh arbək sə kəla disiŋ, əza metiŋgini.

Yeremiya 6:22

Vaŋ Yawe anahə: Awle ɗiy tahəŋ əzzoŋ səka dələv na kəla disiŋ; vanday net ɗiy-ɗar gədakə tay əzzan hã sə təki dələv abaymani.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Ezekiyel 12:19

Kənah sitgin ɗiy naka dələv na: Vaŋki Daya Yawe anah sit ɗiy dəssoŋ də gəla a Yerusalem aka dələv na Israyel: Də geslne adawzəmaŋ way neti, də mekret gbawgbaw adawsenin iŋkile neti, vi dələv nan waray də zəga an dəknah aka batam gagay net ɗiy en dəssoŋ akan pakə.

Malakiya 1:3

ya nəzelik Esaw. Nəreygitik mossorgoɗe gugriɗe nani gəm nəppanək dələv nawray van sit wawayɗe na kapta muyã.