Səweleŋgit meŋgilvet net ɗiy-ɗar vet na tay məs nawɓap əzi buwən sa? Awaniɓa disiŋ dədawki buwən sa? Nam na is Yawe Maŋgəlva nam məs məɗi əɗɗum nam akok tə ɓa sa? Vi istə kəɗɗe zəgeɗis pakə.
In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?
Akkpaŋgawənək məskotorok dit meŋgilveɗ en ɗarə, adan suwənək gədəvu dit ɗarɗarɗe neti. Naw pak, wanəsilgin kotorok neti dit ɗiy en dəgapaŋ ɗiy ɓa, wanədan sit gədəvit dit ɗiy məza maɗɗulet ɓa.
Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.
Waɗisit offo sit gəleɗe net meŋgilveɗ na Eziptə, wazle, warme, wakoson dələv na Eziptə va məzutaɗa adawkoson hentere səza lukut nani, ya wagil sədak də zazaya.