Yeremiya 10:10 - Bible en Guidar

¹⁰ Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 10:10 ပူးပေါင်းရင်းမြစ်များ

Va'Atəŋ 21:33

Ampək wəlaŋga adawyaŋ na Esel a Ber-Seba adak akkaman Yawe Maŋgəlva an faɗ də iya nani.

1Milyeŋge 18:39

Adan ɗiy awlanən vaska, naway pak kiyən tək afuŋgu, aɓɗaŋ na: «Yawe yi, Maŋgəlva! Yawe yi Maŋgəlva!»

1Milyeŋge 8:60

Vi ɗiy nammba dələv gboŋ dəsənəngən na, Yawe, ndəni Maŋgəlva, maɓɓan tay ɓa.

1Alabaraɗe Də Mabərkiziti 29:11

Yawe, mẽmẽtiŋge, əɓapa, əkekeɓe'e, gagdaka, əkasaka, vi zəga na disiŋ də an naka dəlvafuŋ pak noki yi. Yawe istə məlĩ də gagdak aka zəga pakə.

2Alabaraɗe Də Mabərkiziti 15:3

Anziyək diyɗa, mə Israyelɗe assoŋ məza Maŋgəlva an gesiŋ ɓa, məza məsdələv narban sit wən ɓa, məza mahenziŋ ɓaŋka.

Ɗerewel na Yob 9:6

Ndən məzəɓlan dəlvafuŋ sə gəlani, dədəkeɗ nan əkkereŋgi.

Gəlyaɗe 10:16

Yawe yi məlĩ hã sləɗ faɗə; ɗiy-ɗar wazaŋ səka dələv nani.

Gəlyaɗe 100:3

Məsən na Yawe Maŋgəlva yi. Ndəni dəɗɗəmə, nan mənani, ɗiy nan mənani, gilew nawtaɗ nan mənani.

Gəlyaɗe 100:5

Vi Yawe moggoni: vi moggon nan tay hã faɗə, moggon nan tay va sayit ɗiy amə' pakə.

Gəlyaɗe 104:32

An awla dəlvafuŋ, asna dələv əkkere; An arəŋgitik mossorgoɗe gugriɗe, enene tirliŋgi.

Gəlyaɗe 114:7

Dəlvafuŋ, akker aba Yawe, aba Maŋgəlva na Yakob,

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Gəlyaɗe 146:6

Ndəni dəzəməɗ disiŋ də dəlvafuŋ, pehe gəm zəgeɗ naddəvit pakə, gegesiŋ avani hã faɗə.

Gəlyaɗe 18:7

Addəv tatwãh nawa, nəyak Yawe, yaŋ nəhəm sən Maŋgəlva nawa. Aprəmək wəlaw səddəv gəla nani; əhəm nəhəm sən agapək a sləmani.

Gəlyaɗe 29:10

Yawe azəmək məlĩ aka pay na buwən məvekeveke, Yawe asanək məlĩ ka na sete.

Gəlyaɗe 31:5

Wakəprətu səka bizwil məs anslənan abawa, vi istə təki nawkõh nawa.

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Gəlyaɗe 68:11

Dələv nok məs assoŋ akani, istə kəɗiya, Maŋgəlva aka moggon nok sən məssãhã.

Gəlyaɗe 68:8

Maŋgəlva gala kəgil abet ɗiy noko, gala kədaw abet a kapta-muyã, Əziwe

Gəlyaɗe 74:12

Maŋgəlva yi, məlĩ naw farə, ndəni afən əska wəla addəv dəlva,

Gəlyaɗe 76:7

Aka wəhãy noko, Maŋgəlva na Yakob, mawteɗ dit pilseŋge net pak azaŋka.

Gəlyaɗe 76:8

Istə kədah nawgeslne' suko, naway nawziw abok pay ədagədəv nok di?

Gəlyaɗe 77:18

Slaybuwən ametik iŋkile nani, maŋgalaw ahãyka, herɗe nok dayday tahəŋ telven-telveni.

Gəlyaɗe 84:2

Məŋgluwək təki nassa nok sawɓa, Yawe Məzuɓappakə!

Gəlyaɗe 9:8

Yawe asanək aka mazaŋga nan hã faɗə, asɓanək mazaŋga nawtaw wəna.

Gəlyaɗe 90:11

Naway dəsən gagdak nawdagədəv nok di? Məzugeslne' suk na, asənək herɗe noko!

Gəlyaɗe 90:2

Tak mossorgoɗe gugriɗ dərbaŋ ɓa, tak əsɗu dəlvafuŋ də enziya egge, far na sete, hã faɗə, istə Maŋgəlva.

Gəlyaɗe 93:2

Mazaŋga na məlĩ nok məsɓani farə; gala farfar is tatə.

Gəlyaɗe 97:4

Əwiɗ nan akkeɓe'ik dələv gboŋgu; dəlvafuŋ awlaka, akkerke;

Isaya 37:17

Yawe apak sləmok aprəma, akol horoko Yawe awla, aprəm əpel məs Senakerib aslənəŋ pak vi kawran Maŋgəlva madarani.

Isaya 37:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Isaya 40:15

Ɗiy-ɗar yeŋ təlem va iŋkile dədawbətaŋ sə gagiya, va burɗuk aka zəga nawsla gagdaka. Mətəwəraɗe yeŋ folfol va ologudum ndeŋge.

Isaya 40:28

Kəsən ɓa sa? Kəprəm na Yawe na, Maŋgəlva an faɗi yi, ndən dəzəmiɗ meŋge na dəlvafuŋ, addak ɓa, awya ɓa, keket tay nakgbeŋ əsən nan ɓa ɓa sa?

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 65:16

Ɗəf naka dələv dəŋgəl əzaɓ sən kini, waɗɗa də iya na Maŋgəlva an gesiŋ məs ɗəf adawɗi əɗɗum nan akani. Ɗəf naka dələv dəŋgəl əswaya, wasway də iya na Maŋgəlva an gesiŋ məs ɗəf adawɗi əɗɗum nan akani. Kazgəti ki əzəmsãha an na maddaabəŋ vi waɗam faraɗa səma harawa.

Yeremiya 23:36

Kədawnahaŋ na, əpel na Yawe zəga miynan nawslay əmpa ɓa. Vi wasan zəga miynan nawsla aka ɗəf məs dəpeli. Mənokum əkkpaŋgan əpel na Maŋgəlva madarani, Yawe Məzuɓappak Maŋgəlva namə.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Yeremiya 4:24

Nulek mossorgoɗe gugriɗe aɓlaŋka, mossorgoɗe tahəŋ geŋgeɗgeŋgeɗi.

Yeremiya 50:46

Aka ɓaɓəlma əmõh na Babilon, dələv aɓəlka; vaŋvəl agəɗək kaɗam kaɗam aweleŋgit ɗiyi.

Yeremiya 51:29

Dələv tay əkkere, tay ɓalwãy-ɓalwãy sən əssa vi əɗɗum na Yawe aka Babilon tay əknaha. Tay əkkpaŋgan dələv na Babilon təki məraygən məza ɗəf akan ɓa.

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 6:27

Nəɗiyək wən nani, aŋga aka dələv pakə, ɗiy dəgeslne'eŋ də əkker sən Maŋgəlva na Daniyel. Vi ndəni Maŋgəlva madarani, tay hã faɗə. Məlĩ nan agrak na ɓa, gagdak nan wasan hã faɗə.

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Mika 1:4

Mossorgoɗe gugriɗ tay əlyuɓoŋ ammba təlni walaŋɗe tay əpɗakaŋ va timbe akoffo va iŋkile darɓəzlaŋ səka mossorgo metiŋ.

Nahum 1:5

Aɓletik mossorgoɗe gugriɗe, mossorgoɗe tahəŋ uwwereŋgi. Dələv aɓələk abani, gəm dəlvafuŋ dit zəgeɗ nakan pakə.

Nahum 1:6

Naway nawɓap iziw aba ədagədəv nan di? Naway nawsilyen an makran asilik di? Makran tay vakvak va offo; awehetik gərmeŋge səbani.

Habakuk 3:10

Mossorgoɗe gugriɗ awlukunko: tahəŋ əkkereŋgi. Buwən aziyək zlir atoŋko, pehe tay əbay gagay, asilgitik vovolumɗe hã disiŋ.

Habakuk 3:6

Ndən ziw asla dəlvafuŋ. Awlaka, aɗɗe dəlveŋge hirɗiki. Mossorgoɗe gugriɗ na sete apoŋgoŋko, mossorgoɗe na maguw atirifeŋke. Tiveɗ na maguw nanəŋgə.

Malakiya 3:2

Naway nawɓap pay nazza nan di? Naway nawsan ziwwe pay adarban zən di? Vi tay va offo məzuhə̃s zəga, va sapuna na məzəskoɓo.

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 26:63

Ya Yesu asanək ɓatɓatə. Yaŋ daya net məsdəlveŋge aɓsən na: In tat əssohok də iya na Maŋgəlva madarani, vi kənah səmgəni an nok istə Kristu Wətən Maŋgəlva.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

Ibriɗe 10:31

Wəbəta ava Maŋgəlva madaran wən nan tuwãhi sawɓa.

Yosuwa 3:10

Yaŋ Yosuwa anah əmpa na: «Aza aŋki kədawsənnən na, Maŋgəlva madaran tay addakkum, gesiŋ warɓih mə kana'anɗe, mə Hittiɗe, mə Hivviɗe, mə Perziɗe, mə Girgasɗe, mə Amorɗe dit mə Yebusɗe səbokum.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.

Mətawaŋwəna 5:4

Yawe, səza kəgil sə Se'ir, səza kəmbat abe sura na Edom na, dələv aɓəlka, disiŋ afloŋgik iŋkile, slaybuwən afloŋgik iŋkile,

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»

1Samiyel 17:36

Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.