Yeremiya 1:9 - Bible en Guidar

⁹ Yas Yawe atəl vani, arəŋgən mawa yas Yawe amna: Awle nəɗiyək əpel naw a moko.

Yeremiya 1:9 ပူးပေါင်းရင်းမြစ်များ

Isaya 49:2

Aɗɗak maw va masalam hoɓhoɓu aɗamawək də əɗup van akawa. Akkpaŋgawək va har mətakaɗ mani, aɗɗamawək addəv gulom nani.

Isaya 50:4

Daya Yawe avayək hərzləmu net məzuyakaŋgə, nəsəngən va nədabbah sən ɗəf məddakən. Də mompumo pak tay əfɗahawa, tay əkol su sləmaw nəprəmgən va net məzuyakaŋgə.

Isaya 51:16

Nəɗiyək əpel naw a moko, nəɗupuk vaw akoko, nəpakək disiŋ, nəzəməɗek dəlvafuŋgu, nənah sitik ɗiy dəssoŋ a Siyon na: Mənokumtə ɗiy nawa.

Isaya 59:21

Yawe amna: Aŋki wənmiyna naw dənɗaŋ: Əmpəs naw məs dəsan akoko də əpel naw məs nəgul amoko adawzaraŋ səmok ɓa, may səmet kirtuk ɓa, may səmet kirtit kirtuk ɓa Yawe anahə, təŋ kakaŋka hã faɗə.

Yeremiya 15:19

Vini Yawe anah na: An kəmilke, asna wanətafko, wakəziw abawa. An kəsənək əgohon əpel an moggon səza an ɗarə asna wakəsok mawa. Ɗiy wamilyoŋ azoko, istə namndok azet ɓa.

Yeremiya 34:6

Məskəleŋ Yeremiya amanək əpeləs pak sən Sedekiya məlĩ na Yuda a Yerusalem,

Yeremiya 36:2

«Agəm ɗerewel məktəmən, kevergən əpel an nəpel suk aka Israyel, aka Yuda gəm aket ɗiy naket dəlveŋge pak təŋ səza pay nəpel suko, təŋ səza pay na Yosiyas hã gap pay dəpaŋka.

Yeremiya 5:14

Vi vaski Yawe Maŋgəlva Məzuɓappak anah na: Adan kəpelin əpelis na, inyakən əɗɗi əpel naw amok va offo, ɗiyiŋki net sesemeŋgə offo wazime.

Ezekiyel 3:10

Yaŋ aɓsu na: «Wətən ɗəfa, ataf əpel naw nəpel sukuŋ pak a mokroko, aprəm də sləmoko.

Daniyel 10:10

Yas va ɗəf arəŋguwa, aɗiyu guduk vaw afuŋ gakgak aka in tat korkoru.

Daniyel 10:16

Ndəni an dəgil va wətən ɗəf nak ade arəŋgən mawa. Nəkol maw nətəŋ əpele. Nənah sən ɗəf dəziw abaw nəwəl nak na: Daya nawa geslne arməwək sən ula vani hã zu yuwar yuwarə, gbogboŋ tay azaw ɓa.

Əŋɗa 23:5

Yaŋ kan Yawe agul əpel ammba hərzlum Balam, aɓsən na: «Amil aza Balak, kəpelgən vaska.»

Matiye 10:19

Pay adapsukkuməni, kədawgeslne'eŋ na, mbarmbari awaniɓa mi kədawnəhaŋ di ɓa. Vi an kədawpeleŋ wade amokum pay nani.

Markus 7:33

Yesu agilgənik sə walaŋgit ɗiyi, aziwginik takərgəni, aguluk pərəm van a sləmani, atufuk mefɗe arəŋgənək hərzləmən.

Luka 12:12

Vi Zeŋgile Salala warban sukum an məs nawpele pay nanəska.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Əmsak aka Mahenziŋ 18:16

Aski kpak kəssõhon Yawe Maŋgəlva nok aka gərəm na Horeb pay əkkal na mahenziŋ; kəmna: «Maw tay aka əprəm wəla Yawe Maŋgəlva naw ɓa, maw tay aka ula offo mə zilimziliməŋ əmpa ɓa: vi nədamta ɓa!»

Əmsak aka Mahenziŋ 18:17

Ndəni Yawe anah su kan na: «An apeleŋgəs na təsiyi.

Əmsak aka Mahenziŋ 18:18

Məskəleŋ nədawgilgin səret milmiŋgiɗit va isi; wəpel naw nədawgul amani, an nəɗi sən wən nan adawnah siti.