Yeremiya 1:8 - Bible en Guidar

⁸ Kəgeslne sit ɓa, vi in tat də is kawkõhguko Yawe aɗiymani.

Yeremiya 1:8 ပူးပေါင်းရင်းမြစ်များ

Əgilye 3:12

Maŋgəlva amna ha'aw: «IN TAT də isi. Awle, zəga an narban suk na, intə nəslunko: pay kədawgilgit ɗiy naw sə Eziptə, kəgagdakanəngən Maŋgəlva aka gərməŋka.»

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Isaya 51:12

Intə, intə nədaffeten sukum mokrokum, naw kənanaŋgə, vimi kədawgeslne sənən ɗəf titir namta sən ɗəf titir məs dəsan va kevile di?

Isaya 51:7

Məprəmwa, mənokum məs kəsənnən təstəsə, ɗiy məs mahenziŋ naw a mekreti kəgeslne'eŋ sən əzel na ɗəf titir ɓa, may əvviren zukum sən əra net ɓa.

Yeremiya 1:17

Nok na aynan dadakko. Asil dok əpel sit an nəɗi suk wən nan pakə. Kəgeslne' sit ɓa vi nədawgeslneguk abet ɓa.

Yeremiya 1:19

Wagayaŋ də isi, ya askanən na wəlok ɓa, vi in tat də is kawkõhguko Yawe aɗiymani.

Yeremiya 20:11

Yawe tay də in va məzəlpa gurom. Vini məzərɓahawən adaskotoŋgu; askaŋ na wəla ɓa. Warbaŋ wil diyɗa, vi ahhar na ammbet ɓa wasan sit zəga net wil an faɗ məs kazgəti kiyən ɓa.

Yeremiya 30:11

In tat də is vi kawkõhguko Yawe aɗiymani; pay nədawki əza aket dəlveŋge en nətraygukum adak pak na, istə kaka' məs nəzok na ɓa. Wanəzga suk va an dəslə nuluk na va ɗəf məs də mezlibezlibe na man ɓa!

Yeremiya 39:11

Yas Nabukodonozor məlĩ na Babilon aɗi wən nan ava Nebuzaradan daya net məzugaŋ aka wən na Yeremiya dawnəh na:

Yeremiya 42:11

Kəgeslne'eŋ sən Məlĩ na Babilon ɓa. Kəgeslne'eŋ aban ɓa Yawe aɗiymani, vi in tat də mənokum kawkõhgukum gəm kamõhkum səvani.

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 3:25

Yaŋ azlani, amna: In tat ula ɗiy poɗo əbbalaŋ addəv offo də meti, məza vaŋvi tay azet ɓa, ya mopoɗo'it tay va maslay.

Matiye 10:26

Kədawgeslne'eŋ sitin ɓa. An mətərən pak wappasə, tay an məɗama məs agil na appaka ɓa ɓa.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Wəza net Masləŋɗe 18:10

Vi naw in tat də isi. Ɗəf tay narmuk kawzəmguk sahã ɓa, vi ɗiy naw tahəŋ diyɗa a walaŋgəla-metiŋgəŋka.

Wəza net Masləŋɗe 26:17

Wanəkõhguk səvet Israyelɗe dit ɗiy-ɗar məs nəslənuk azet pakə.

Wəza net Masləŋɗe 4:13

Adan awlanən Piyer də Yohanna tahəŋ ɓəlɓələ, arəhən na ɗiyəŋ də əsən ɓa, ɗiy-ɗarəŋgə na, agəɗ sitik gərəŋgə, asənnənək na adawaŋgək də Yesu,

Wəza net Masləŋɗe 4:29

Kakaŋ na Daya, azi horok aka əhãy neti. Apsit ɓəɓəl sit belemɗe nok nawpel əpel nok gərakə.

Efesus 6:20

məs nəsaw maslən nan addivit ngiyamɗe, vi nəpelgən məza geslne ɓa va dəslə nəpelgən wən nani.

Əmsak aka Mahenziŋ 31:6

Məssoŋ tokproku, mərma mokrokum, kəgeslne'eŋ ɓa, kədakkereŋ sən geslne abet ɓa, vi Yawe Maŋgəlva nokum məzudaw də mənokum: appokum na firik ɓa, azgokum na ɓa.»

Əmsak aka Mahenziŋ 31:8

Yawe yi dədadaw aboko, Yawe ndəni də isi, appok na firik ɓa, azgokna ɓa; kəgeslne' ɓa, kədawsok zuk baybay ɓa.»

Yosuwa 1:5

Ɗəf tay nawziw abok ɓa hã ma way nok gərakə. Va nəsaw də Moyisi, wanəsaw də isi; nəzgok na ɓa, nəppok na frik ɓa.

Yosuwa 1:9

Nəɗi suk wən nan na: asok gboŋgboŋ də zuk soksoku ɓa sa? Kədakker ɓa gəm kədaddakan zuk ɓa, vi Yawe Maŋgəlva nok wasan də is a təki kədaddok pakə.»