Yeremiya 1:5 - Bible en Guidar

⁵ Tak nəɓəl ərkuk addəvət mok ɓa nəsənkuko; nəwelkuk tak məɓəli əwuk tagay ɓa. Nəɗikuk ka məskəleŋ abet ɗiyi.

Yeremiya 1:5 ပူးပေါင်းရင်းမြစ်များ

Gəlyaɗe 139:15

Sleŋsleŋɗe naw dəɗamaŋ ama horok gala kəzəməɗu də mahaɗamma ɓa, gala kəsɗəwu addəv həhədək na dəlvafuŋ.

Gəlyaɗe 139:16

Horok awlak va məlaku asani. Məvertiŋ pak addəv ɗerewel noko, məziwgiti əvoŋɗe nan tak əgap neti.

Əgilye 33:12

Moyis aɓsən Yawe na: «Awle is kənah su na: “Ake ɗiyiŋki,” ya kənah su ɗəf an kədawslən də in ɓa, ɓa'sa kənah suwək na, “nəsənkuk də iya noko,” gəm əmpa na, “kəɗɗak moggon nok viwa.”

Əgilye 33:17

Yawe aɓsən Moyis na: «Wanəɗɗa va wən an kəpeləska, vi kəɗɗak moggon nok viwa, nəsənkuk də iya noko.»

Isaya 44:2

Aŋki an Yawe anahə, intə nəɗɗuko, gəm nəzəməɗuk tak uwa noko intat əbbah suko: Geslne aduk ɓa məgəɗ wəza naw Yakob, gəm Yesurun məs nəweli.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 49:5

Ya kakaŋ na, Yawe apelke ndən məs dəzaɓu səddəvət maw ka gawla nani. Ka kawki Yakob azani, gəm kakkalan Israyel azani. Wanərah gagdak a mahara Yawe, Maŋgəlva yi gbogboŋ nawa.

Yeremiya 1:10

Awle nəwelkuk dəpaŋ kawslənuko, azet ɗiyi gəm azet milyeŋge: kəptugəni gəm kəkkpaŋgangəni, kəɓzlugəni gəm kəkrapgəni, gəm əmpa kərkagəni gəm kəmpagəni.

Yeremiya 1:4

Əpel na Yawe ade suwək də wənah na:

Yeremiya 20:15

Əray aka ɗəf dəki alabara nanneken zə afu dawnəh na: «Məwəsuki wiyən mizilin!»

Yeremiya 25:13

An nəpel aka wən na dəlvəŋ pak wanəknahani, an məverin addəv ɗereweləŋ pak an Yeremiya apel na kəleŋ aka wən net ɗiy pakə.

Yeremiya 36:2

«Agəm ɗerewel məktəmən, kevergən əpel an nəpel suk aka Israyel, aka Yuda gəm aket ɗiy naket dəlveŋge pak təŋ səza pay nəpel suko, təŋ səza pay na Yosiyas hã gap pay dəpaŋka.

Yeremiya 50:34

Məzukõhgit gboŋgboŋgi, iya nan na, Yawe Məzuɓappakə. Əhãy adawhãy ammbeti, vi kawki zazay aka dəlva, gəm kakkergit ɗiy na Babilon.

Luka 1:15

Vi wasan metiŋ aba Daya. Asə na mbazla net megezlembirkeɗ ɓa, mbazla məhə̃sən ɓa. Waknah də zeŋgile salala səddəvət mani.

Luka 1:41

Səza Elizabet təprəm əsɗa nat Miryam, wiyən aɓələk addəvta. Elizabet təknahək də Zeŋgile Salala,

Luka 1:76

Noko, wətuwa, kawyuki na məskəleŋ na Məsəɗəɗə; vi wakədaw aba Daya vi kawzeɓet tiveɗ nani,

Yohanna 10:36

Ɗəf an Maŋgəlva aweli, aslən aka dəlva. Nokum, mənokum tat ənahaŋ na, is tat əpel mbərayən aka Maŋgəlva, vi nənah na Wətən Maŋgəlva nənani sa?

Roma 1:1

Pol balam na Yesu Kristu, miyan dəsangən maslən, məɗiyən ta' nawpel alabara nenek na Maŋgəlva,

Roma 8:29

Vi ɗiy en asən dafsən na, aɗiyik dafsəne'e dəssoŋgən va Wətən asani, vi nan dəsangən uwa maddaabəŋ naret milmiŋgiɗin diyɗa.

1Korintus 8:3

Ya an ɗəf aŋgluwək Maŋgəlva na, asna Maŋgəlva asənəka.

Efesus 1:22

Aɗiyək zəgeɗ pak ammba təlni, aɗiyək ka kiwən aka zəga pakə, ka Daya na əsap net məzutafaŋ,