Yeremiya 1:16 - Bible en Guidar

¹⁶ Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 1:16 ပူးပေါင်းရင်းမြစ်များ

2Milyeŋge 22:17

Adan azgawən firik ambataŋ əzlaŋ tursan sit meŋgilveɗ meɓɓeti, vi kawdan su gədəvu də wəza na veti. Makraw afyõhũk aka təkiyəŋka, affet na ɓa!”

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 28:2

Yaŋ agəm zəga naɗɗa net milyeŋge na Israyel, yas azaɓ zeŋgilet ba'alɗe də təbəz məhəsən.

2Alabaraɗe Də Mabərkiziti 34:25

Adan azgawənka, azlaŋ tursan sit meŋgilveɗ məɓɓet vi kawdan su gədəvu də zəga naɗɗa netəŋ na, wanəke herɗe naw aka təkiyəŋka, affeteŋ na ɓa.

2Alabaraɗe Də Mabərkiziti 7:19

Ya hara kan na, an kəmilyoŋguk səmmbawa, kəzgetinik mahenziŋɗe nawa gəm an məs nəɗi sukum abokum, yaŋ kəddoŋ kəɗɗaŋ wəza sit meŋgilveɗ meɓɓeti, kəppu'oŋ abeti,

Isaya 2:8

Dələv net aknahək dit meŋgilveɗ en ɗarə, tahəŋ əppu'oŋ aba wəza na veti, aba zəga an va ɗəf agəɗə.

Isaya 37:19

Azgetik meŋgilveɗ net akoffo, vi meŋgilveɗ net Maŋgəlvaŋ ɓa, wəza na ɗəfəŋ kaka'ə, məzeɓit dit wəleŋɗe gəm girmeŋgeŋ. Azetinke.

Isaya 44:15

Wasan sit ɗiy zəga narma offo. Wandaŋ səret nawluho awaniɓa kawda way neti. Yas adawzaɓən ka maŋgəlva ka kappu' abani, tahəŋ əzaɓən zəgakamaŋgəlva ka kakkamani.

Isaya 65:3

Tahəŋ ədan suwənən gədəvu pay pakə. Tahəŋ əzaɓaŋ-Maŋgəlva addəv guli net wəleŋɗe gəm tahəŋ əzlaŋ tursan aka təki nawzaɓ Maŋgəlva mərkan dit menekeɗe.

Yeremiya 10:15

Zəgeɗ ɗarəŋgə, wəza nawmas akani yi. As pak wazə pay nedawsilyew aketi.

Yeremiya 10:3

Əzba net ɗiyiski atərna ɓa. Vi wabəlaŋ wəlaŋga sura məzaɓ-zəga wazaɓ də məsseɗe.

Yeremiya 11:12

Walaŋgəleɗe gugriɗ na Yuda gəm ɗiy en dəssoŋ a Yerusalem wahəmaŋ sitin meŋgilveɗ məs adawzlaŋ sitin tursan ya əkõh tay adawkõhgitin aka pay na əray net ɓa.

Yeremiya 11:17

Yawe Məzuɓappak məs dəmpuk apelik aka wən noko, vi mbərayən məs ɗiy na Israyel dit ɗiy na Yuda aɗɗaŋgə: adansuwənək gədəvu də əzla tursan sən Ba'al.

Yeremiya 15:6

Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 16:11

Asna kəzlangən na: Vi efiŋgiɗkum azgawənka yaŋ azbetin meŋgilveɗ meɓɓeti, aɗɗaŋ sitinik wəza, appu'oŋ abeti, Yawe aɗiymani. Yaŋ naw azgawəni, dərmanən mahenziŋ naw ɓa.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Yeremiya 4:12

Səmyã məknahən dit zəgeɗis dəsil sədak əzzan dəzawa. Kakaŋ na, naw tamə wanətawwən aketi.

Yeremiya 4:28

Vini dələv asan addəv əhəm na gəlabaya, guzli agəɗək a disiŋ. Vi nəpelke, nəɗɗumko, nəddəɗan na maw ɓa, nəmndaw na akan ɓa.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Yeremiya 5:29

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 5:9

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 51:17

Ɗəf titir pak dərwayi əsən tay akan ɓa. Məhəs zəga pak wil ədanni aka wən na zəgakamaŋgəlva, vi zəgeɗkamaŋgəlva məɗɗan də təbəz van uwawəni ɗarə. Əmpəs tay addivit zəgeɗ vet ɓa.

Yeremiya 7:17

Nok kawla an adaɗɗaŋ addivit walaŋgəleɗe na Yuda gəm aket tive na Yerusalem ɓa sa?

Yeremiya 7:18

Kirin tahəŋ əkraw seseme, efiŋgiɗit tahəŋ əsɗa offo, gil tamə tahəŋ əllaɓ gəpa kawda gato sət tuyaŋgək adawyaŋ na məlyaŋgək na disiŋ; an tahəŋ əpesl meŋgilveɗ na tay ədan su gədəvwa.

Yeremiya 7:9

Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Ezekiyel 16:18

Kəgimik lukutɗe na gabaga nok məbay sit gawla, kəsiritke; mẽl naw də tursan kəɗi abeti.

Ezekiyel 24:14

In Yawe nəpeli. As pak wagəɗə, wanəɗɗa; tay nədappa ətoŋ ɓa; nəwəl na sasãh ɓa, nəɗi na marava ɓa; aza ədaw nok də əɗɗa nok adatawən wən akoko, Daya Yawe aɗiymani.»

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 8:6

Sə Israyel məkini, ɗəfi dəzaɓa, Maŋgəlva yi ɓa; ha'aw wət wasliy na Samari petepete adakrapa.

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Wəza net Masləŋɗe 7:41

Aɗɗaŋgək wət wasli pay dəpaska, azaɓaŋgək-maŋgəlva sən zəgakamaŋgəlva aɗɗaŋgək əzləra gəm sən wəza na veti.

Əmsak aka Mahenziŋ 28:20

Yawe waki əray nani, geslne də wəttap aka zəga naɗɗa na vok temtem pakə, hã gap kawzok kuɗupu, hã gap kəhhigən də kakara, vi mambray kəgəɗ kəppaw firikəŋka.

Əmsak aka Mahenziŋ 31:16

Yawe aɓsən Moyis na: «Nok yaŋ wakəsbet efiŋgiɗuk avovu, ɗiyiŋ waɗɗaŋ polkoyo də wəzbet meŋgilveɗ meɓɓet məs dəssoŋ aka dələv məs adawtoŋgoŋ adakəŋka. Wazgawəni, waŋzluwən wənmiyna nawa məs niynə dənɗaŋ.

Yosuwa 24:20

Paysən kəppanən Yawe kəɗɗaŋ wəza sit meŋgilveɗ net ɗiy meɓɓet na, wasil də mənokum kawgəɗ sukum zəga mbərayən. Waggrakkum səɓɓa moggon an agəɗ sukum.»

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.