Yeremiya 1:15 - Bible en Guidar

¹⁵ Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 1:15 ပူးပေါင်းရင်းမြစ်များ

Isaya 22:7

Walaŋɗe məs kəwel aknahaŋgək dit məpeŋgəŋ pilseŋge dit pilseŋge aziweŋgik a maddamba.

Yeremiya 10:22

Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Yeremiya 13:20

Məsilgin horokum mule ɗiy en dədazzoŋ sə kəla disiŋ. Ngay gazlaŋ net gilew məppan avok lahəŋ məzənnek zukuŋ di?

Yeremiya 25:28

Ya an aɓoŋgoŋguk dawtafət huloŋguk səvok vi kawsəta, asna kənah sitgin na: An Yawe Məzuɓappak anah yaŋka: Va agəɗ pak wakəsətəni.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 33:10

Vaŋki Yawe anahə: «A təkiyəŋ məs kədawnəhaŋ na: Aŋkəlka, ɗiy tahəŋ ɓa, zəgeɗ memeyẽɗ tahəŋ addivit walaŋgəleɗe gugriɗ na Yuda ɓa may tiveɗ na Yerusalem seŋseŋgəŋ məza ɗiy ɓa, ɗiy tahəŋ də gəla ɓa zəgeɗ memeyẽɗ tahəŋ ɓa əŋka, kaprəmi əmpa:

Yeremiya 34:1

Əpel na Yawe yaŋ dəde sən Yeremiya aka pay na Nabukodonozor məlĩ na Babilon dit məzəlpaŋ nani gəm milyeŋge naka dələv məs asan daya aketi dit ɗiy pak tahəŋ əlpaŋ də Yerusalem gəm dit walaŋgəleɗe gugriɗ na Yuda meɓɓet dawnah na:

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 39:3

Ndəni deyeɗe na məlĩ na Babilon atoŋgoŋ addəv walaŋgəla-metiŋgini, aziweŋ ama tive naddak təkiya. Ndəɗaŋgə Nergal-Sareser daya net deyeɗe nalpa, Samgar-Nebo, Sarsekim, daya net mətawaŋkoyom, daya net məsənaŋ wən net ngərzleɗi gəm madambirgit deyeɗe na məlĩ na Babilon.

Yeremiya 4:16

Mənah sit ɗiyi, məssak sən Yerusalem na: ɗiy nawguloŋ təki tay əzzoŋ səka dələv faraɗa, tahəŋ əŋzlaŋ vaŋvəl na wəgay aket walaŋgəleɗe gugriɗ na Yuda.

Yeremiya 4:6

mətəl gabaga narban dələv dəka Siyon, mənzoŋ məɗamə, kədawziweŋ ɓa. Vi in tat əki tatwãh sə kəla disiŋ əza metiŋgini.

Yeremiya 43:10

Kənah sitgin na: An Yawe Məzuɓappak Maŋgəlva na Israyel anah yaŋka: Inyakəŋ əslən gawla naw Nabukodonozor məlĩ na Babilon, wanəɗi mazaŋga na məlĩ nan aket gərmeŋge məs nəndəkiŋki. Wazlzlar gizlirke na məlĩ nan aketi.

Yeremiya 44:6

Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.

Yeremiya 46:24

Waŋ na Eziptə tat aket wili: məpsittə yi avet ɗiy na kəla disiŋ.

Yeremiya 5:15

In yakəŋ əki ɗiy-ɗar akokum sə faraɗa, ɗiy na Israyel, Yawe aɗiymani; ɗiy məs awyaŋ ɓaŋ, ɗiy na maguwa, ɗiy məs kəsən met ɓaŋ məs kaprəm an adawpeleŋ ɓaŋ.

Yeremiya 6:22

Vaŋ Yawe anahə: Awle ɗiy tahəŋ əzzoŋ səka dələv na kəla disiŋ; vanday net ɗiy-ɗar gədakə tay əzzan hã sə təki dələv abaymani.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 5:11

Tay əvoŋgitin gil na gəgay a Siyon, gəm gorɗeŋge a walaŋgəleɗe gugriɗ na Yuda.

Ezekiyel 32:30

Deyeɗe na kəla disiŋ dit mə Sidonɗe pak məs dəprikeŋ dit ɗiy mebeyit tahəŋ adaka; də aggbo'ən geslne' aket ɗiy pakə, wil arbaŋ sən gambara neti, ganyẽɗis amtaŋgək sap dit en dəmtaŋ ama masalam. Aslanənək ərba wil net dit en dəprikeŋ a vovu.

Yo'el 2:20

An dədazzan sə kəla tapaslay na disiŋ, wanərɓahan səzokum; wanərɓahan aka dələv mukuro gəm kpõkpõhõ, ngaɓa an nabe, kəla pehe, dəmmba pay nampum, ŋgaɓa an na dərɓe, kəla pehe, dəmmba pay na moskoyo; vavrãh nan wagili, əŋgəna nan wagili: Vi aɗɗek zəgeɗ gugriɗe.»

Zakarya 6:6

Wətok net pilseŋge tuturɗe ambatək dəka dələv na kəla disiŋ. Babarɗe azbetini, en borzlozlo də pepreŋ azet tam adawmbataŋ dəka dələv na kəla dohoŋ.