Yakob 5:6 - Bible en Guidar

⁶ Kətawənək wən aket ɗiy məs tahəŋ də mambray ɓa, kəbeyinke. Net dəɓoŋgoŋ ɓa.

Nouveau Testament en Guidar

⁶ Kətawənək kita aket ɗii məs tahəŋ də mambray ɓa, kəbeyinke. Net bo dəɓoŋgoŋ ɓa.

Bible en Guidar

⁶ Kətawənək wən aket ɗiy məs tahəŋ də mambray ɓa, kəbeyinke. Net dəɓoŋgoŋ ɓa.

Yakob 5:6 ပူးပေါင်းရင်းမြစ်များ

Isaya 5:23

Tay əkaŋ wən ammba məsdaraw vi adawrəhaŋ zəga na mapalay səvani, tay əgayaŋ ka təstəs net ɗiy en dəɗɗaŋ zəga ta'sa ɓa adawla ɓa.

Isaya 53:7

Məzəmgəni sãhã, mərbəsəni wili ya dəhã' man ɓa va wət time mizilin məs adawkaŋ a təki nawtaw wəla zəga, va met time avet ɗiy məzufiwnin deɓekeɗ nan adawsan ɓatɓatə, dəhã' man ɓa.

Matiye 21:38

Adan məɗɗaŋ wəza net megezlembirkeɗ awlanən wətəni, apeleŋ a walaŋ ziti: Ndəni məzəmgəla. Mədam məbay səmə, an nawzəmgəla nan azan dəsan səmgəni.

Matiye 27:20

Yaŋ deyeɗe net məsdəlveŋge dit ɗiy məsɓet askanən wəlet ɗiy pak vi dəssohonəngən dəppangən Barabbas, dəbaygən Yesu.

Matiye 5:39

Ya naw in tat ənah sukum na: Kədamndaganən mambray ɓa. An ɗəf avərkuk a tapaslayuk dəzəŋ, akkpaŋgan sən zlaɓay.

Wəza net Masləŋɗe 22:14

Ananiyas aɓsu na: Maŋgəlva net efiŋgiɗim awelkuk dafsən vi kəsəngən əŋgla nani, kulagən an Təstəs nani, gəm kəprəmgən wəlani.

Wəza net Masləŋɗe 7:52

Məskəleŋ awani məs efiŋgiɗkum dəzəmgənən sahã ɓa di? Abeyinik en dəpeleŋ dafsən aka əzza na ɗəf təstəsə. Kakaŋ kan na məzəmaŋ kiyən gəm məbayaŋ gəbay kənanaŋgə.

Wəza net Masləŋɗe 8:32

Təki an adaŋɗa addəv ɗerewel van ndən yaŋka: Tay va time məs adawkaŋ kawtaw wəlani, va təmaŋgək tədawsat ɓatɓat aba mətaw zeŋze nata. Vaski, dəkol man ɓa.

Ibriɗe 10:38

Ɗəf naw təstəsə, də wətaf adawsan madarani. Ya an amilik dərɓe, zu asana nek dəndən ɓa.

Yakob 2:6

Ya nokum munokum tat əzeletin məssehẽŋɗe. Ya naway dədawzəmgukum sahã gəm dədawkukum abet mətawaŋ wən di? Məsaryeɗəŋ ɓa sa?

Yakob 4:2

Mokum tay aka wərah zəga, ya kawrəhaŋ ɓa, vini kan kədawzaɓanən zukum kawbay ɗiyi, munokum tatəɗɗa kotoroku. Munokum tat əkayaŋ zəga, ya kərəhaŋ ɓa. Vini kan kədawgayaŋgə, kədazlbaŋ vi kərəhaŋ an məs kəŋglaŋ ɓa, vi kəssohõnən ava Maŋgəlva ɓa.

1Piyer 4:18

Va Əver anah na: An ɗəf an təstəs akõhuk sãhãsãhã na, mbar adawsan sən ɗəf məs dəsən Maŋgəlva ɓa gəm sən məgəɗ mambray di?