Yakob 5:19 - Bible en Guidar

¹⁹ Milmiŋgiɗwa, an ɗəf amzlahək ki tive na Maŋgəlva, yaŋ ɗəf amilgin aka tive,

Nouveau Testament en Guidar

¹⁹ Milmiŋgiɗwa, an ɗəf amzlahək ki tive na Maŋgəlva, an ɗəf amil gənək aka tive,

Bible en Guidar

¹⁹ Milmiŋgiɗwa, an ɗəf amzlahək ki tive na Maŋgəlva, yaŋ ɗəf amilgin aka tive,

Yakob 5:19 ပူးပေါင်းရင်းမြစ်များ

Gəlyaɗe 119:118

Is tat əzel məzəggaraŋ kiyit əsərəkɗe nok faraɗa pakə, vi pepet net pak uwawəni yi.

Gəlyaɗe 119:21

Kəhẽyẽtik məzukaɓaŋ məreygit məzuzaŋ faraɗa səzet wəsəɓɗe noko.

Wənməkkpaŋga 19:27

Wətuwa, əŋga appan gabba əprəm an məyagan suk kana, an kəzgət ki əsən ɓa.

Isaya 3:12

Kirin memeɗeŋɗeŋgə məzuzəmgətin sahã net ɗiy nawa; giliŋ dəzəmaŋ məlĩ aketi. Ɗiy məzədawgitin ɗiy naw tahəŋ əmzlahaŋ səka tive, gəm tahəŋ əraygən tive neti.

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Ezekiyel 34:4

En dəddakaŋgə kasɓetin ɓa, məsgbəgba'ɗe kanzeɗnin ɓa, məŋzlu tilti kiynan sitin ɓa, kəmndegetin en dəgohoŋ ɓa, kəkeyetin en dəzaŋ ɓa, də gagay kəssoŋ aket də wəzimgit sahã.

Matiye 18:15

An məlmuk agəɗ sukuk mbərayən, dok əpel sən munokum sula sula. An aprəmkuko asna kəkõhgənək məlmuko.

Luka 22:32

Ya nəkkamək viko, vi ətaf nok adawza ɓa. Nok an kəmilke asɓet milmiŋgiɗko.

Galatiyen 6:1

Məlmiŋgiɗwa, an məggbati aka ɗəf daɗɗa heslepe awandi pakə, munokum məs də Əmpəsa, məki zev ɗəf vas aka tive də makra na zazayə. Asla zuko, vi kədawtoŋ addəv ərak ɓa.

1Timote 6:10

Vi əsim deleɗi, ndəni slalwãy mambray pakə. Ɗiy meɓɓet asiminik sawɓa, hã amzləhaŋgək ki ətaf neti, akiyənək əzəmsahã diyɗa aka ziti.

1Timote 6:21

Ɗiy meɓɓet agagdakanən əsən nan ama heret ɗiyi, ya amzləhaŋgək ki tive na ətafa. Mbəlembəle na Maŋgəlva dəsan də munokum.

2Timote 2:18

Net dəwəl sən gegesiŋ na, agəmənək tive mbərayən dawnəh na əsilye səka əmta agəɗək səkayə, tahəŋ əraygən ətaf net ɗiy meɓɓeti.

Ibriɗe 5:2

Waɓap əsən gabba əssa net ɗiy məs tahəŋ də əsən ɓa, məzuzaŋgə, vi ndən sən kiyən pak attəmanək əddak temtem diyɗa.

Yakob 1:16

Milmiŋgiɗwa, kədawmbəɗanən zukum ɓa.

Yakob 1:19

Milmiŋgiɗu na makrawa: Məɗɗum aka wənnəŋka, ɗəf pak dəpak sləman əprəm wəna, ya adawgəm zən wəpel də kakara ɓa, adawgəm zən wədagədəv ɓa'a.

Yakob 3:14

Ya an kotorok tay azokum, an makrokum tay mbərayən, an wəɗɗum nokum pak aka zukumi kaka'ə, kədawɓaygənən kizukum ɓa, kədawaŋ tepelke vi kawzla ki gegesiŋ ɓa.

Yakob 5:20

məsən na, ɗəf dəmilgən ɗəf mambray səka tive na mambray nani, akõhgənək ɗəfəs səma əmta, sən an məs agəɗəska mambray nan dəsan diyɗa zlaŋ, Maŋgəlva waviyan səni.

2Piyer 3:17

Ya nokum bayneŋgiɗwa, kəsənənək wən nan daabəŋ. Məzi zukum, vi ɗiy məza mahenziŋ ɓeŋ adawzokumən kəskotoŋgən səka əziw ɓəlɓəl nokum ɓa.

Zuda 1:11

Əray aketi, vi azbanənək tive na Kaynu, addoŋguk addəv əza na Balam ammba zəga nawrəha. Aɓoŋgoŋguk va Kore, azaŋka.