Yakob 3:6 - Bible en Guidar

⁶ Hərzlum ɗəf pak tay va offo, akkalanək mambray naka dələv pak azani, tay əsan addəv gəɓa zə ɗəfa, tay ətraygən mambray addəv gəɓa zə ɗəf pakə. Hərzlum ɗəf tay əsɗa offo məs nawzla pay nanziya nam pak təŋ səza uwa namə hã gap pay namta, hərzlum ɗəfa offo nan tay va offo məs amta ɓa.

Nouveau Testament en Guidar

⁶ Hərzləm ɗəf bo tay va offo, akkalanək mambray na duniya pak azani, tay san adəv gəɓa zə ɗəffa, tay tray gən mambray adəv gəɓa zə ɗəf pakə. Hərzləm ɗəf tayəsɗa offo məs naw zla pay nanziya nam pak təŋ səza uwa namə ha gap pay namta, hərzləm ɗəffa offo nan tay va offo məs amta ɓa.

Bible en Guidar

⁶ Hərzlum ɗəf pak tay va offo, akkalanək mambray naka dələv pak azani, tay əsan addəv gəɓa zə ɗəfa, tay ətraygən mambray addəv gəɓa zə ɗəf pakə. Hərzlum ɗəf tay əsɗa offo məs nawzla pay nanziya nam pak təŋ səza uwa namə hã gap pay namta, hərzlum ɗəfa offo nan tay va offo məs amta ɓa.

Yakob 3:6 ပူးပေါင်းရင်းမြစ်များ

2Samiyel 16:20

Absalom aɓsən Ahitofel na: «Məzək meŋ aka walaŋ zukum aka an mədaɗɗa.»

2Samiyel 19:43

Ɗiy na Yuda azlan sitin ɗiy na Israyel na: «Vi məlĩ həlfəmi na gogo day kiykum! Vimi kədawdaŋ gədəv aka wən nan di? Tay an məzəm seva məlĩ sa? Tay an aki səm sa?»

2Alabaraɗe Də Mabərkiziti 13:17

Abiya də dula nan adəmsənək dula net mə Israyelɗe. Abayaŋgək gabal səkat sle' səret məzəlpaŋ net məs vet awbəta afuŋ ɓa neki.

Gəlyaɗe 140:3

səzet məɗɗumoŋ mbərayən a mekreti, məsilgənən əgay pay pakə.

Gəlyaɗe 64:3

Aɗamaw faraɗa səza wən mətuvuro net məɗɗaŋ mambraya, faraɗa səza gogoyo net məɗɗaŋ ɗarɗarə.

Wənməkkpaŋga 15:1

Əzlan an də nenek affeten ədagədəva, əpel nassa awsilgin ədagədəva.

Wənməkkpaŋga 16:27

Ɗəf mbərayən nan tatwãh adahẽwẽ; man va offo məzuzla gidigidi.

Wənməkkpaŋga 6:19

məziwe məwə tepelke gəm məsilgin əgay a walaŋ məlma.

Wənməkkpaŋga 7:5

vi kawtaɗuk səzat guluk na gizbe, məpolkoyok ma neneke.

Isaya 30:27

Yawe sən kiyən yaŋka, tay əzzan sə faraɗa, tay məknahən sən ədagədəva. Metteɓ man tay ərban ədagədəva, əpel na mam tay va offo məzlə təkiya,

Isaya 50:11

Nokum, mənokum məs kəsɗanən offo pakə, kəziweŋ vender-vender dit offoɗe mətelti, məddoŋ a gulo na offo nokum, gəm a təki kətalən offoɗe. Də vawi as van agəɗ akokum; wakəmtaŋ addəv əzəmsahã.

Yeremiya 20:10

Vi in tat əprəm əpel mbərayən sə met ɗiy diyɗa; əyəwən na: «Geslne tərwəslə.» Məssak akani, waməssak akani. Bayneŋgiɗu pak tahəŋ heret ɗəhərra ammba əzlzlaɓ nawa, kuzuŋ wappan zən sən ərak soko, məskagən wəlani, məmpəlgən kiya.

Yeremiya 28:16

Vini Yawe anah na: Wanəzarguk səka dəlvəŋka, wakəmtə dəbyaŋka vi kəpelik nawɓoŋgit ɗiy aka Yawe.

Məsdəlveŋge 24:11

wətət guluk mə Israyelək nak apelik mbərayən aka Maŋgəlva gəm aranəka; yaŋ məkan aba Moyisi. Dawyətən man na Selomit, wətən Divri, zev Dan.

Əŋɗa 25:2

Gil vet ayenin ɗiy aka əzaɓ-Maŋgəlva sit meŋgilveɗ neti; ɗiy azəmaŋgə, agdukoŋ abet meŋgilveɗ net adaka.

Əŋɗa 31:16

Kəsənnən lewlew na, ndəɗaŋgə addəv wən na Balam dəreɗin mə Israyelɗe əɗɗa zəga mbərayən aba Yawe addəv wən na Pe'or; təŋ siskeyi gəbay mbərayən aprik aket ɗiy na Yawe.

Matiye 12:24

Adan Farisaɗe aprəmən vaska, aɓɗaŋ na: Ɗəfəŋka Belzebul məlĩ net tuyeŋɗe dəpsən gbogboŋ adarɓih tuyeŋɗe.

Matiye 5:22

Ya naw in tat ənah sukum na: Ɗəf pak məs dədə gədəv aka məlmən na, kawtawi wən akani. Ɗəf pak dənah sən məlmən na: Zəga ɗəɗar kənani na, kawkani abet ɗiy gugriɗ na dəlva. Ɗəf pak dənah sən məlmən na: Dərwa kənani na, agapək nawgulun addəv offo məs amta ɓa.

Markus 7:15

Zəga tay an dədawtoŋ addəv ɗəf sə kəla gisbe dədawɓap əraygən ɓa, abbər zəgeɗ məzugilyoŋ sə makra ɗəfa, ndəɗaŋ dədawraygənəni. [

Luka 16:24

Aŋgəzlək vaŋvəla, amna: Afu Abraham awəl sahã akawa. Aslən Lazar dəyopgən metteɓ van aret iŋkile, dətte' su gən aka hərzlumwa, vi in tat əzəmsahã diyɗa addəv offoŋka.

Wəza net Masləŋɗe 20:30

Sərokum tusso ɗiy wasilyoŋgu, wawaŋ tepelke, vi ɗiy na Maŋgəlva dəzbetingəni.

Wəza net Masləŋɗe 5:3

Yaŋ Piyer amna: Ananiyas, sən mi Satan aknəh mokrok ka kəmbəɗangən Zeŋgile Salala, ka kəɗɗametgin deleɗ va kəvəl guli nok di?

Wəza net Masləŋɗe 6:13

Yaŋ akiyaŋ miziweɗe muwaŋ wəna, aɓɗaŋ na: Ɗəfəŋ dəppan gabba əpel mbərayən aka təki salalaŋka gəm aka mahenziŋ ɓa.

Əmsak aka Mahenziŋ 13:6

An dəwəlsən məskəleŋ awaniɓa məzula van na, nawbayə yi, vi wən nawɓoŋ aka Yawe Maŋgəlva nokum məs dəgilgukum səka dələv na Eziptə gəm dəbituk səddəv gəla na balam apeli; ɗəfəs man aka əgdahok ɓa' səka tive məs Yawe Maŋgəlva nok aɗi suk nazba. Agilgən mbərayən sə walaŋkum.

Titus 1:11

Amsan meti, tahəŋ əraygitin ɗiy də gəla net pakə, də əɗɗa əyak məs dəslə ɓa vi kawrəh ərəh net wili.

Yakob 2:7

Namna ndəɗaŋgəŋ məzuraygənən iya moggon məs Maŋgəlva apsukuməŋ ɓa sa?

Yakob 3:7

Ɗəf waɓap wəsərəkgən zəgeɗ nawra pakə: Biŋgeɗi, zəga məkrokoni dit kilif pakə.

2Piyer 3:3

Məsən tagay na, pay əgrak dəlva, ɗiy məmasaŋ aka ɗəf wazzoŋgu, wadawaŋ addəv əŋgla na gəɓa ziti.

3Yohanna 1:10

Vi vaski an nədeke, wanərban wəza nan məs agəɗ pakə, də əpel mbərayən məs adawpel, akamə. As pak dənnek zən ɓa ndən əɓoŋ dawtef milmiŋgiɗim en melekeɗi, ɗiy en dədaŋglaŋ ətefti ndən ətekti gəm ərɓehet səddəv Gəla na Maŋgəlva.

Hənhən 12:9

Yaŋ məslaŋgan Dohõtuya nak a gizbe, ndəni dohõ məgalən, məs adawyaŋ na Diyabəl awaniɓa Satan, məzumbəɗet ɗiy na dələv gboŋgu. Məslaŋgani aka dəlvafuŋ sap dit maslayɗe nan pakə.

Hənhən 13:14

Tay əmbəɗet ɗiy naka dəlvafuŋ pak də tive məs məpsən naɗɗa sekeneɗ ama hara zəga mamayã maddaabəŋ naka. Tay əhheɗet ɗiy dəɗɗaŋgən zeŋgile zəga vi kawgagdakan zəga mamayã məs də vaŋvi na masalam azan dəmbəl naka.

Hənhən 18:23

Əkeɗeɗe na lalam akasak na anokda ɓa. Kaprəmi ɗah gugoyo net məgəmaŋ gili dit məgəmaŋ zel a walaŋgəla nok ɓa vi məɗɗaŋ terere diyɗaŋ anokda daykiyit məɗɗaŋ terere naka dəlvafuŋ pakə, vi sekene nok nawa tepelke, aluɓinik ɗiy naka dələv pakə,

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.