Yakob 1:25 - Bible en Guidar

²⁵ Ya ɗəf an məzəɗɗum aka mahenziŋ na Maŋgəlva məzupələm məsamgən na kiymə, məzəzbani, waprəm əpele, azgət na ɓa waɗɗa an əpel van anahə, ɗəf nani zən wasan nek addəv an adaɗɗa pakə.

Nouveau Testament en Guidar

²⁵ Amma ɗəffan məzə ɗum akani məzəsban wən məs ma henziŋ na Maŋgəlva anahə, Maŋgəlva waɗɗa zəzay aka wəza nani, vi tayəɗum akani, tayəɗum aka ma henziŋ van pay pakə, məza wəpprəmən ɗar mekeleŋ go'ləŋ ndən zəgət kiyən ɓa. Vi ma henziŋ nan mogoni sawɓa, tay də sembe nawgil gəm sədəv balam na mambraya.

Bible en Guidar

²⁵ Ya ɗəf an məzəɗɗum aka mahenziŋ na Maŋgəlva məzupələm məsamgən na kiymə, məzəzbani, waprəm əpele, azgət na ɓa waɗɗa an əpel van anahə, ɗəf nani zən wasan nek addəv an adaɗɗa pakə.

Yakob 1:25 ပူးပေါင်းရင်းမြစ်များ

Gəlyaɗe 106:3

Wəzaɓ azet mərmanən mahenziŋ nani may məɗɗaŋ zəga təstəs pay pakə!

Gəlyaɗe 119:32

In tat ənzaw aka tive net əsəɓɗe noko, vi is tat əkol su kiywa.

Gəlyaɗe 119:45

Wanəbbal kiyu foŋgo, vi nəkayetik wəsəɓɗe noko.

Wənməkkpaŋga 14:15

Mətiɓiɓ wataf an məpel pakə, ya ɗəf an petpet nan wawelen təki nawɗi tələn.

Isaya 8:20

Məzlan sit na: Məprəm mahenziŋ gəm əpel na Maŋgəlva. An kənah sitin vas ɓa, ɗəf tay nawla bapummo səmmbet ɓa.

Luka 11:28

Yaŋ nan amna: Əzaɓ aket məzəprəmən əpel na Maŋgəlva, məzərmanən wən nan dərəŋgə.

Yohanna 13:17

An kəsənənək vaska, zukum wasan neki, an kəɗɗanənka.

Yohanna 8:36

An Wətən dəpəlkum kana, asna wakəssoŋ gesiŋ.

Wəza net Masləŋɗe 13:43

Səza ɗiy atrayaŋ səddəv gəla nakkal net mə Yudeɗi, sə walaŋgit mə Yudeɗ diyɗa gəm səret məs dətafən əzba net azbetinik mãy Pol də Barnabas. Addəv əpel dənɗaŋ na, asɓetinik dəssoŋgən ɓəlɓəl addəv mbəlembəle na Maŋgəlva.

Wəza net Masləŋɗe 2:42

Assoŋguk pay pak aba əyak net maslənɗe, addəv əsap a walaŋ ziti, addəv uɗakan waya gəm addəv əkkama.

Wəza net Masləŋɗe 26:22

Ya nərahək əbbah an na Maŋgəlva, hã gap pay dəpaŋka, in tat əzban ərban abet kirni dit ɗiy gugriɗe. Nənah wən maɓɓan abbər an məs məskəleŋɗe də Moyis apeleŋ far aka an dədaɗɗa ɓa.

Roma 11:22

Azlək sləma aka moggon gəm daraw na Maŋgəlva, daraw nan aket en məlotti, moggon nan akoko an kəsokuk addəv moggon vani, an vaski ɓa na, nok pak kawlotki yi.

Roma 2:13

Vi məprəmaŋ mahenziŋ də sləmetiŋ təstəs aba Maŋgəlva ɓa, abbər məɗɗaŋ wəza də mahenziŋ nassoŋ təstəsə.

Roma 7:12

Gegesiŋ, mahenziŋ salalay yi, mahenziŋɗe salalaŋgə, təstəsəŋ gəm moggeti.

Roma 8:15

Vi əmpəs məs nakkpaŋgokum belemɗe əmpa kərahaŋ ka kawgeslne' ɓa, ya əmpəs nakkpaŋgokum kirtin Maŋgəlva kərahaŋgə, məs dəpsəm tive mədawyan na Abba, Afəni.

Roma 8:2

Vi mahenziŋ na Əmpəs məzuki zeŋgile addəv əsap də Yesu Kristu apəlmək səddəv mahenziŋ na mambray gəm səddəv əmta.

1Korintus 15:58

Vini, milmiŋgiɗu na makrawa, məssoŋ ɓəlɓələ, kədaɓlaŋ ɓa. Məddoŋ abe abe addəv wəza na Daya pay pakə, məsən na əzəm sahã nokum asan na ɗar addəv Daya ɓa.

2Korintus 13:5

Mənokum sən kikum mula, addəv ətaf kənanən sa? Mənokum sən kikum məkosoni. Awaniɓa, nokum kəsənənək na Yesu Kristu tay addəvkum ɓa sa? An tay vas ɓa na, təstəs kənanən ɓa.

Galatiyen 2:4

Sən wən net milmiŋgiɗəm mətoŋgoŋwən-gif məwaŋ wəna, məs dətoŋgoŋ aram vi kakkes gabba əssa na kiyəm mərah də Yesu Kristu vi kakkpaŋgamən belemɗe.

Galatiyen 5:1

Ka məsamgən na kiymi Kristu apəlmə, məziw kan ɓəlɓələ. Ɗəf adakkpaŋgokum belemɗe əmpa ɓa.

Galatiyen 6:2

Məbbah sən zukum də zəga nawsla, vaski kədaknahanən mahenziŋ na Kristu.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.

1Timote 2:15

Ya watəkõh də tive na uwa kirni, an tat addəv ətafa, əŋgla gəm əssa salala də maɗɗula.

1Timote 4:16

Azlək sləma aka zək noko gəm aka əyak noko, aziw ɓəlɓəl aket zəgeɗiski, vi də əɗɗa vaski kədawkõhgən kiyko gəm en məzəprəmkuni.

Ibriɗe 12:15

Məzi zukum ɗəf səmmbokum adawmilyen dərɓe kappan mbəlembəle na Maŋgəlva ɓa; ɗəf səmmbokum adawsan va gaslamba tatrah məzugilyeni, kattepet ɗiyi, kaslsləret diyɗa ɓa.

Yakob 2:12

Məpeli gəm mənzi va ɗiy məs nawtawwən aket də mahenziŋ nawpilit dəssoŋgən na kiyti.

1Piyer 2:16

Va ɗiy dəssoŋ na kiyti, kədakkpaŋganən əsso na kikum ka zəga nawsərət ki mambray ɓa, mədaw va məɗɗaŋ wəza na Maŋgəlva.

1Yohanna 2:24

Nokum an məs kəprəmaŋ də ətəŋ nan farə, dəsan a makrokum. An məs kəprəmaŋ də ətəŋ nan farə, an tay a mokrokum, asna mənokum tat addəv Wətəni gəm addəv Afəni.

Hənhən 14:13

Yaŋ nəprəm wəla ɗəf sə disiŋ dawnəh na: Aver na: Əzaɓi təŋ kakaŋ azet ɗiy en dəmtaŋ aka wəza na Daya! Yaŋ Əmpəs anah na: Vaski gesiŋgi, wafeteŋ səka wəza net tatwãhəŋ kana, mogon məs aɗɗaŋgəŋka tay əzbeti.

Hənhən 22:14

Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.

1Samiyel 12:14

An mənokum tat əgeslne'eŋ sənən Yawe, munokum tat əgəɗ sən wəza də wəprəm mani, kəggbakən ma Yawe ɓa, asna mənokum də məlĩ dəsan akokum pak wakəzbanən Yawe, Maŋgəlva nokum.