Yakob 1:19 - Bible en Guidar

¹⁹ Milmiŋgiɗu na makrawa: Məɗɗum aka wənnəŋka, ɗəf pak dəpak sləman əprəm wəna, ya adawgəm zən wəpel də kakara ɓa, adawgəm zən wədagədəv ɓa'a.

Nouveau Testament en Guidar

¹⁹ Milmiŋgiɗu na makrawa: Məɗum aka wənnəŋka, ko naway dəpak sləman wəpprəm wənnəŋka, amma adaw gəm zən wəpel də kakara ɓa, adaw gəm zən wəda gədəv ɓa'a.

Bible en Guidar

¹⁹ Milmiŋgiɗu na makrawa: Məɗɗum aka wənnəŋka, ɗəf pak dəpak sləman əprəm wəna, ya adawgəm zən wəpel də kakara ɓa, adawgəm zən wədagədəv ɓa'a.

Yakob 1:19 ပူးပေါင်းရင်းမြစ်များ

Nehemi 8:18

Əŋɗanən ɗerewel na mahenziŋ na Maŋgəlva pay pakə, təŋ səza pay maddaabəŋ hã gap aka an meddirɓe. Aɗɗaŋgək wəzləra lumu taka, əvoŋ madədopoɗon na, əkkal na paya, va matuya net aŋgələ.

Nehemi 9:17

Aɓoŋgoŋguk daprəma, dəɗɗumetin zəgeɗ naggət aket məs kəgəɗ dənɗaŋ ɓa, aɓɓəlanən kiyti. Yaŋ aɗiyaŋ məlyã, vi kamndoŋ aka balam addəv əɓoŋ neti. Yaŋ is Maŋgəlva məvvuyon mambraya, məgəɗ mbəlembəle, muwəl-sasãhĩ awdagədəv go' ɓa, məgəɗ moggoni diyɗa.

Nehemi 9:3

Amsak əsilyoŋ a gəleti, aŋɗanən ɗerewel na mahenziŋ na Yawe Maŋgəlva neti zəga na təbəz hoku; gəm əmpa zəga na təbəz hoku sən əɗi marava səka gbudukko aba Yawe Maŋgəlva neti.

Ɗerewel na Yob 32:16

Nəgaka vi tay əpeleŋ ɓa assoŋguk ɓatɓatə, dəpeleŋ əmpa ɓa,

Wənməkkpaŋga 10:19

Addəv əpel diyɗa na, mbərayən awbew dawsan ɓa; məs dərma man na, ndəni ɗəf məsla zəni.

Wənməkkpaŋga 13:3

Ɗəf məzərma man na, zeŋgilen adawga, mə wowo na, əray tay viyən.

Wənməkkpaŋga 14:17

Mədəgədəv go' wagəɗ zəga na dərwa, ɗəf məɗɗum kpum wasan kiyən trãhə.

Wənməkkpaŋga 14:29

Dəf məs awgəm zən ədagədəv ɓa na, aɗɗumuk kpumu; mədəgədəv go' na, warban vadərwa.

Wənməkkpaŋga 15:18

Maŋrazla awsilgin əgaya; makra zəzay affeten əgaya.

Wənməkkpaŋga 15:2

Hərzlumit ɗiy məsmaɗɗula akkpaŋgan əsən neki; met dərweŋge tay əgilgən əpel na dərwa.

Wənməkkpaŋga 16:32

Məs makran zay moggon day ki gərom; məgəkiyən adayək ki ɗəf dəzəm walaŋgəla-metiŋ.

Wənməkkpaŋga 17:14

Ətəŋ əkklop na, əkol met iŋkile yi; tak əgay adaɗɗa na, agdəh kiyko.

Wənməkkpaŋga 17:27

Ɗəf dərma man aza əpel na, tay də əsən diyɗa; ɗəf məɓatɓatə, məsən əwelen wəni.

Wənməkkpaŋga 18:13

Ɗəf məzlan tak əprəm gabba wən na, vadərwa dit wil wassoŋ akani!

Wənməkkpaŋga 18:21

Əmta də zeŋgile pak ammba va hərzlum ɗəfəŋgə; ɗəf an dəŋglu na, wazəm uwa nani.

Wənməkkpaŋga 19:11

Maɗɗula na ɗəf dədaffeten sən ədagədəv nani, əzgət ki mambray an məgəɗ sən adawla azan ka zəga na sləma.

Wənməkkpaŋga 19:19

Məs herɗe nawda gədəv adaɗɗaŋ pak, warah ammba vani; an kəppanək əmpa, watəpsəni.

Wənməkkpaŋga 21:23

Ɗəf dətaɗ man gəm hərzlumən tay əga kiyən səza tatwãhã.

Wənməkkpaŋga 25:28

Va walaŋgəla məpiwen tay də zlava akan ɓa, vas ɗəf məs man arma ɓa asani.

Wənməkkpaŋga 29:20

An kərahək ɗəf məgəm zən aza əpel nan na, aza dərwa kədawrəh an nawtəruk dayki səzani.

Əŋɗa 22:27

Koruk tulak maslay na Yawe; ndət səmmba Balam ɗuf əvoŋgo, gədəv Balam fiyõ əda, argət də zleŋge.

Matiye 5:22

Ya naw in tat ənah sukum na: Ɗəf pak məs dədə gədəv aka məlmən na, kawtawi wən akani. Ɗəf pak dənah sən məlmən na: Zəga ɗəɗar kənani na, kawkani abet ɗiy gugriɗ na dəlva. Ɗəf pak dənah sən məlmən na: Dərwa kənani na, agapək nawgulun addəv offo məs amta ɓa.

Markus 12:37

Ya Davit sən kiyən ayak na Daya: Səŋga adawsan wətən əmpa di? Vanday diyɗa aprəmək əpel na Yesu də ənneke.

Markus 2:2

Ɗiy akkalaŋgək azani hã təki tay dəmbər ɓa, də memeŋgle pakə. Yaŋ Yesu arbə sit wəna.

Luka 15:1

Məkkalaŋ nzalaka dit məɗɗaŋ mambray pak azaraŋgək aza Yesu kaprəm əpel nani.

Luka 19:48

Ya awsənən va adarmanən ɓa, vi ɗiy pak tay əgayaŋ əprəm əpel nani.

Wəza net Masləŋɗe 1:15

Pay dəpaska Piyer le aweleŋgit milmiŋgiɗin, ɗiy waɗɗaŋ gap səkat də kaklaw sula adaka yas amna:

Wəza net Masləŋɗe 10:33

Yaŋ kan nəslən ləŋ azoko, ya noko, moggon kəgəɗ kəde. Kakaŋ kan na, pak nam məsam aŋ aba Maŋgəlva na vi kaprəm an Daya aɗi suk wən nan nawnah səmi.

Wəza net Masləŋɗe 13:48

Adan ɗiy-ɗar aprəmən wənəska, annekeŋke, agagdakanənək əpel na Daya, ɗiy en məɗiyit nawrəh zeŋgile nassa faɗ pak atafaŋka.

Wəza net Masləŋɗe 17:11

Ɗiy na Bereya tahəŋ va ɗiy na Tesaloniki ɓa, atafənək əpel na Maŋgəlva də zit soksoku, pay pak tay əkosonən Ɗerewel na Maŋgəlva. Vi kawsənən na, vaski gesiŋgi sa.

Wəza net Masləŋɗe 2:42

Assoŋguk pay pak aba əyak net maslənɗe, addəv əsap a walaŋ ziti, addəv uɗakan waya gəm addəv əkkama.

Efesus 4:26

An gədəvkum adəka, kədaɗɗaŋ mambray ɓa, pay adawtəpa aka ədagədəv nokum ɓa.

Efesus 4:31

Wən nassa awan di pakə, herɗe, ədagədəva, əklopo, əra gəm əɗɗa an dəslə ɓa, as pak dəzə sə walaŋkum.

Kolosi 3:15

Zazay na Kristu dəzəm məlĩ a mokrokum, məs məyukum akan kəssoŋgən gəɓa zukum taka. Məgəɗ sən soko.

Kolosi 3:8

Ya kakaŋ na, nokum van məppet zəgeɗiŋ pakə, ədagədəva, herɗe, əɗɗa daraw, ərma mama, wən net wil adawgilyen səmokum ɓa.

1Tesaloniki 2:13

Vi wən nani məppana əɗɗa soko sən Maŋgəlva ɓa, vi kətafənək alabara na Maŋgəlva sə mamə, kətafən va əpel net ɗiy ɓa, ya va əpel na Maŋgəlva kətafən gesiŋ gesiŋ. Tay əɗɗa wəza a makrokum munokum məs kətafaŋgə.

Yakob 1:16

Milmiŋgiɗwa, kədawmbəɗanən zukum ɓa.

Yakob 1:2

Milmiŋgiɗwa, mənneken zukum diyɗa an wən tatwãh temtem arəhkumuko.

Yakob 1:26

An ɗəf aɗiyək zən va ɗəf na Maŋgəlva, an awzi zən aza wəpel na man ɓa, zən adawɗiyəs ɗar mekeleŋgi, tepelke adawa aka zəni.

Yakob 2:1

Milmiŋgiɗu na makrawa, adan kətafənək Daya nam Yesu Kristu məs də gagdaka, kədawɗeketin ɗiy ɓa.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.

Yakob 3:10

Wən nawgagdakani, wən na wəra pak səza ma ɗəf takaŋ pak adawgilyani. Milmiŋgiɗwa an vas tay law kpak ɓa.

Yakob 4:11

Milmiŋgiɗwa, kədawndanən gebbet ɗiy meɓɓet ɓa, ɗəf dəpel mbərayən aka məlməni, awaniɓa dənda gabbani, apelik mbərayən aka mahenziŋ na Maŋgəlva, wən ataw aka mahenziŋ na Maŋgəlva. An kətawək wən aka mahenziŋ, asna ɗəf məzəzban kənan ɓa, nok mətaw wən akan kənani.

Yakob 5:12

Milmiŋgiɗwa, an məs nədawnah sukuməŋ na wən metiŋgini, an munokum tat əpeleŋ wən na, kədasuwayaŋ ɓa, kədasuwayaŋ də disiŋ ɓa, kədaswayaŋ də dəlvafuŋ ɓa, awaniɓa kədaswayaŋ də zəga maɓɓan ɓa. Abbər wənah na: Ha'aw awaniɓa awwo məkki kədawdaygənən ki as ɓa, vi Maŋgəlva adawtaw wən akokum ɓa.

Yakob 5:19

Milmiŋgiɗwa, an ɗəf amzlahək ki tive na Maŋgəlva, yaŋ ɗəf amilgin aka tive,

1Yohanna 2:21

Nəver sukum na vi kəsənnən gegesiŋ ɓay ɓa, kəsənnənkayi, uwawən tay dəde səza gegesiŋ ɓa.