Wənməkkpaŋga 16:33 - Bible en Guidar

³³ Ɗəf wagəɗ vẽpəlwa, ya əzlan nan pak sə ma Yawe yi.

Wənməkkpaŋga 16:33 ပူးပေါင်းရင်းမြစ်များ

Nehemi 11:1

Ɗiy gugriɗ net ɗiy assoŋguk də gəla a Yerusalem. Madambirgit ɗiy aɗɗaŋ vẽpəlu nawki ɗəf taka səddivit kəlaw nassa də gəla a Yerusalem walaŋgəla-metiŋ an salala; en vaytak dəppaŋ tam addivit walaŋgəleɗe temtemi.

Wənməkkpaŋga 16:32

Məs makran zay moggon day ki gərom; məgəkiyən adayək ki ɗəf dəzəm walaŋgəla-metiŋ.

Wənməkkpaŋga 18:18

Vẽpəlwa waziwgin əŋzla ma, awtawwən sə weleŋgit guromɗe.

Wənməkkpaŋga 29:26

Ɗiy diyɗa dədawkayaŋ kinenek ava ɗəf metiŋ na dəlva, ya səza Yawe yi an dəslə sən ɗəf adazzani.

Ezekiyel 21:21

Asla zuko, dok dəka dəzəŋ, dok dəka zlaɓay, də təki kəɗi horok pakə.

Məsdəlveŋge 16:8

Aron dəgəɗgən vẽpəlwa aket porsokɗe sula neki vẽpəlwa taka vi kawsən an na Yawe gəm kawsən an na Azazel.

Yonas 1:7

Apeleŋgək a waleŋ zit na: «Məgəɗ səm vẽhpəlu, kawsən ɗəf dəki səm tatwãhəŋka.» Aɗɗaŋgək vẽpəlu nak aketi, yaŋ abət aka Yonasə.

Wəza net Masləŋɗe 1:26

Yaŋ aɗɗaŋ vẽpəlwa aketi, yas vẽpəlwa abət aka Matiyas, yaŋ məŋɗan aret maslənɗe kəlaw kiyit taka neki.

Yosuwa 18:10

Yaŋ Yosuwa aɗɗa sit vẽpəlwa aba Yawe a Silo, awɗak dələv van sit mə Israyelɗe naway pak də haran nani.

Yosuwa 18:5

Duɗakanəngən dələv van təɓələn buhul a weleŋti: Yuda dəsangən aka dələv nan kəla dohoŋ, gəla na Yosef tam akan nan də disiŋ.

Yosuwa 7:14

Kəzzoŋgən pum ərma wəla, naway pak də mahəlfa nani. Mahəlfa məs Yawe adawya pak dərbangən zən aza məlma na zəni, məlma məs Yawe adawya pak dərbangən zən aza daŋgla nani, Daŋgla məs Yawe adawya pak dərbetgin zel naddəvən takataka.

Mətawaŋwəna 20:9

Gəgaŋ na, zəga an mədawgəɗ sən Gibeya yaŋka: «Əɗɗa vẽpəlu nawaksəni.»

1Samiyel 10:19

Yaŋ dəpaŋ kəzganən Maŋgəlva nokum, məs dəkõhgukum səddəvit tatwãhɗe də wəzəmsahã nokum, kənahaŋ sənən kan na: “Apsəm məlyã!” Kakaŋ na, məde miziw aba Yawe, va mahəlfaɗe gəm va məlma nokum assoŋgu.»