Va'Atəŋ 8:20 - Bible en Guidar

²⁰ Nuwe arkək təki nawzaɓ-Maŋgəlva naɗɗa əvəl nawzla kurmbuɗuk sən Yawe. Agəmək sə weleŋgit zəgeɗ memeyẽɗ en nawzəm pakə, səret biŋgeɗ en nawzəma, aɗɗak əvəl nawzla kurmbuɗuk aka təki nawzaɓ-Maŋgəlva naka.

Va'Atəŋ 8:20 ပူးပေါင်းရင်းမြစ်များ

Va'Atəŋ 13:18

Abram aptu gizlirkeɗe nani, al əsan ammbet wəleŋɗe adawyaŋ na Elon na Mamre a Hebron; arkək təki nawzaɓ-Maŋgəlva sən Yawe adaka.

Va'Atəŋ 13:4

Akkiy arka təki nawzaɓ-Maŋgəlva naka, Abram akkamanək Yawe də iya nani.

Va'Atəŋ 22:2

Yaŋ Amna: «Agəm Isak, wutuk karmalay məs kəŋgələŋka. Dok aka dələv na Moriya, ataw su wəlan adak ka əvəl nawzla kurmbuɗuk aka taka net mossorgoɗe gugriɗe an nədawna suko.»

Va'Atəŋ 22:9

Adan agapaŋ a təki an Maŋgəlva anah naka, Abraham arkək təki nawzaɓ-Maŋgəlva, ndən motoffoɗe kpuɓkpuɓ akani. Aɓruk Isak, wətəni, ndən kərək əkrəkən aka təki nawzaɓ-Maŋgəlva aket motoffoɗe neki.

Va'Atəŋ 26:25

Yaŋ arkək təki nawzaɓ-Maŋgəlva adaka, akkaman Yawe də iya nani. Aherik gizlirke nan adaka, gewleɗ na Isak aso'oŋguk vov net iŋkile adaka.

Va'Atəŋ 33:20

Arkək təki nawzaɓ-Maŋgəlva adaka, aya na «El, Maŋgəlva na Israyel.»

Va'Atəŋ 35:1

Maŋgəlva anah sən Yakob na: «Asili, dok a Betel asok də gəla adaka. Arkə təki nawzaɓ-Maŋgəlva adak sən Maŋgəlva dərban zən azok pay kədanzok səba məlmuk Esaw.»

Va'Atəŋ 35:7

Arkək təki nawzaɓ-Maŋgəlva adaka, alvan na, «El-Betel» vi sədaki Maŋgəlva arban zən azan, gala adanzan sən məlməni.

Va'Atəŋ 4:4

Abel tam akiyək uwa na məlviya net gilew nani gəm səlhã neti. Yawe awələk aza Abel də əvəl nani,

Va'Atəŋ 7:2

Kəndəgən sə weleŋgit zəgeɗ memeyẽɗ en salala pak mizilin də mugolun təptəp buhulu, en məs salalaŋgə ɓa tamə, mizilin də mugolun mətəpet taka, mizilin dət muguluŋguta,

Va'Atəŋ 7:3

vaski yi, biŋgeɗ na disiŋgi'e, təp mizilin də mugolun gap buhulu, mizilin də mugolun, vi zeŋvit dəsangən madaran aka dəlvafuŋ.

Va'Atəŋ 8:19

Zəgeɗ memeyẽɗ gugriɗ dit vẽvẽɗe pakə, biŋgeɗi, gəm zəgeɗ məzəɓlaŋ naka dəlvafuŋ pakə, agilyoŋguk də kiyit səddəv bəlay.

Ɗerewel na Yob 1:5

An aɗɗaŋgək wəzləra aza ziti, Yob əyet vi kabbur heslepe səzeti. Ndən əsilyen də ba pummo əda əvəl nawzla kurmbuɗuk vi naway di pakə, vi Yob tay ənah na: «Awsən ɓa kuzuŋ kirtu aranənək Maŋgəlva addəv mekreti!» Vaski Yob adaɗɗan pay pakə.

Əgilye 10:25

Moyis amna: «Istə kədapsəm zəga nawzaɓ-Maŋgəlva gəm əvəl nawzla kurmbuɗuk sən Yawe Maŋgəlva nam van sa?

Əgilye 29:18

Kəzlagən ndargayã van dəwənnan aka təki nawzaɓ Maŋgəlva. Ndəni əvəl nawzla kurmbuɗuk sən Yawe, məŋgənən dəffeten səngən makrani, nan way məhhətən sən Yawe yi.

Əgilye 29:25

Kətefgin səveti, kəzlagən aka matuya aka əvəl nawzla kurmbuɗuku, vi məŋgənən dəffeten səngən makra Yawe, ndəni way məhhətən sən Yawe.

Əŋɗa 7:21

Medgeɗge taka, ndargayã taka, time taka məs wəzva taka ammba əvəl nawzla kurmbuɗuku.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Ibriɗe 13:10

Mənam tat də matuya məs məsdəlveŋge məɗɗaŋ wəza addəv gizlirke nalma də Maŋgəlva tahəŋ də tive nawzəm an dəsan adak ɓa.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.