Va'Atəŋ 7:23 - Bible en Guidar

²³ Yas azan zəga an dəsan aka dəlvafuŋ pak faffaɗə, ɗiyi, zəgeɗ memeyẽɗi, vẽvẽɗe dit biŋgeɗ na disiŋ daydayə. Azetik kakãh pakə, Nuwe dit en naddəv bəlay azan dəppaŋ kaka'ə.

Va'Atəŋ 7:23 ပူးပေါင်းရင်းမြစ်များ

Va'Atəŋ 6:17

Naw, in yakəŋ əɗɗa buwən məvekeveke dəzzoŋgə aka dəlvafuŋ pakə, vi kawzet zəgeɗ mederet məzəmpəsaŋ nammba dələv pakə; zəgeɗ mederet nammba dələv dəmtaŋgən kakãhə̃.

Va'Atəŋ 8:18

Nuwe vit dit kirtini, ɗak nani gəm gil net kirtini.

Ɗerewel na Yob 5:19

Wakõhguk səddivit tatwãhɗe pay pakə. Əgrak nan na əray aruhuk na ɓa.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Gəlyaɗe 91:7

Kəta ɗiy gabal dəmtaŋ amaŋgavoko, ɗiy məza aŋɗaŋ ɓa dəmtaŋ aka va dəzəŋ noko, nok arəŋguk na ɓa.

Wənməkkpaŋga 11:4

Arya awtər wəray pay nawdagədəv ɓa, təstəs awkõgən ɗəf səma əmta.

Matiye 25:46

Net waddoŋ a təki nawzəm sahã an faɗə, ɗiy en təstəs addəv zeŋgile an faɗə.

Ibriɗe 11:7

Ammba ətafi, Maŋgəlva assak sən Nuwe aket zəgeɗ en naɗɗaŋ məza hara ɗəf dule tagay ɓa, yaŋ Nuwe agəm əpel na Maŋgəlva məza də əsmay ɓa, azaɓ bəlay vi kawkõhgən gəla nani. Də əɗɗa vaski atawwən aka dəlva, akkpaŋ məzəmgəla na təstəs nawrəh də ətafa.

1Piyer 3:20

Ndəɗaŋgə ɗiy dəɓoŋgoŋ lahəŋ aka Maŋgəlva aɓəs aka pay Nuwe adawzaɓ bəlay. Ɗiy siɗikkeŋ kaka addəvən, ɗiy dədopoɗo dəkõhoŋ səret iŋkile.

2Piyer 2:5

Dəppan ənziya egge an far ɓa, abbər Nuwe ɗəf təstəs akõhgən dit ɗiy nan buhul aka aki buwən məvekeveke aka ənziya egge net ɗiy mbəreyti.

2Piyer 2:9

Daya asənək va adawkõhgit ɗiy təstəs səma əzəmsahã, ya tay əppet məɗɗaŋ mambray vi pay nawtaw wəna.

2Piyer 3:6

Ndəndit vani azan dəlvafuŋ an far dit iŋkile, asulupnəni.