Va'Atəŋ 6:6 - Bible en Guidar

⁶ Yawe man nzokiy, də wəzəməɗ ɗəf aka dəlvafuŋ. Makran assanəka,

Va'Atəŋ 6:6 ပူးပေါင်းရင်းမြစ်များ

Va'Atəŋ 6:7

Yawe amna: «Wanəvvuyet ɗiy nəzəməɗ aka dəlvəŋki, ɗəf titire hã gap azet zəgeɗ memeyẽɗ gugriɗe, gap azet vẽvẽɗe dit biŋgeɗ na disiŋ pakə, nəsawək maw nzok vi nəzəmiɗe.»

2Samiyel 24:16

Adan maslay atəl van kəla Yerusalem, aslak zən nawzani, ma Yawe agəɗək nzok dawki əraya. Aɓsən maslay məzuzet ɗiy nak na: «Məki kana, avoŋgən voko!» Pay nan na, maslay na Yawe tay go'o də kelle na mə Yebus adawyaŋ na Arawna.

1Alabaraɗe Də Mabərkiziti 21:15

Maŋgəlva aslənək maslay a Yerusalem vi kawzani, adan adawzet naka, Yawe awla, man agəɗək nzok aka wərayəska. Yaŋ aɓsən maslay məzet ɗiy naka: «Məkə! Kakaŋ avoŋgən voko!» Maslay na Yawe tay ziwwe a maŋgava kelle na Ornan mə Yebus.

Gəlyaɗe 106:45

Yaŋ aɗɗumon wənmiyna nan dənɗaŋgə, aɗiyək marava va aza mẽmẽtiŋ na moggon nani.

Gəlyaɗe 110:4

Yawe aswayka, addəɗan na mam ɓa: «Məsdələv kənan hã faɗ va na Melkisedek.»

Gəlyaɗe 119:158

Nəwələk məzəmaŋkiya, yaŋ makraw assawa vi dərmanən əpel nok ɓa.

Gəlyaɗe 78:40

Təl ɓaɓay aɓoŋgoŋ akan a kapta-muyã, adansənənək gədəvən a təki mukuro!

Gəlyaɗe 81:13

nəppetik addoŋ də mekret ɓərəsɓərəsə: dəzbanən va mekret aɗɗumu!

Gəlyaɗe 95:10

Wəzva kaklaw poɗo, sayit ɗiyəŋ azla su makrawa, yaŋ nəmna: «Ɗiy məsmaɗɗulet dəzə əŋgə; dəsənnin tiveɗ naw ɓa.»

Əgilye 32:14

Yawe akkpaŋganək man səka ədagədəv nan aka mambray an apel nawgəɗ sit ɗiy nani.

Isaya 48:18

Va kəgəɗək maɗɗula kaka' aket mahenziŋɗe nawa, asna, kəta zazay nok wasan va məlpa, təstəs nok va vovolumɗe na pehe.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Yeremiya 18:7

Pay mbərən an niynanək naptiw ɗiy naka dəlva awaniɓa kiva na məlyã, naɓzliwti may nawzeti,

Yeremiya 26:19

Hizkiya məlĩ na Yuda dit ɗiy na Yuda pak abayənək sa? Nam na Yawe ageslne sən ɓa sa? Yas affeten makra Yawe, ndəni Yawe appan tatwãh an apel nawki aketi, ya nam na mənam tat əki tatwãh metiŋgin aka zəmə.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Yo'el 2:13

Məŋgaran mokrokum məza lukutɗe nokum ɓa, məmndoŋ aza Yawe Maŋgəlva nokum: vi məgəɗ mbəlembəle yi, muwəl sasãhĩ, awdagədəv go' ɓa, məgəɗ moggoni diyɗa. Appanək wən naɗɗa mbərayən sən ɗəfa.

Yonas 3:10

Maŋgəlva awlak va ɗiy na Niniwe aɗɗaŋgə, tay əmilyoŋ səza mbərayən neti. Yas makran affeti, yas Maŋgəlva dəɗɗa tatwãh an aynə nawgəɗ siti ɓa.

Malakiya 3:6

Vi in Yawe, nəddəɗ ɓa. Ya nokum, mənokum kirtin Yakob məgrakumi ɓa.

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Roma 11:29

Vi əvəl na mbəlembəle gəm iya na Maŋgəlva avviyoŋ na ɓa.

Efesus 4:30

Kədawɗəkanən Zeŋgile Salala na Maŋgəlva, məs məɗɗa sukum lamba dəndən də əya əga pay nawmokuməŋ ɓa.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta:

Əmsak aka Mahenziŋ 32:36

Yawe wataw wən net ɗiy nani, wawla sasẽhit belemɗe nani, pay awle addakaŋgə, balam tay ɓa, ɗəf na kiyən tay ɓa.

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”

Ibriɗe 3:10

gap əzva kaklaw poɗo. Ndəni kan gədəvu adə aketi, yaŋ nənah na: Tahəŋ wəzlaɓaŋ də wəɗum neti, dəsənən tive naw ɓa.

Ibriɗe 3:17

Aket mãy gədəv Maŋgəlva adə gap əzva kaklaw poɗo di? Namna aket məs dəɗɗaŋ mambraya, məs dəzbəraŋ a kapta-muyã dəmtaŋ ɓa sa?

Yakob 1:17

Zəga moggon dədawrəhəm pakə gəm əvəl moggon pak sə disiŋ ade, səza Maŋgəlva, məs dəzəmiɗ əkasakɗe. Maŋgəlva nan addəɗ ɓa, akkpaŋ ɓa, guzli tay azan ɓa.

1Samiyel 15:11

«Maw nzoki də wəɗi Sawlu aka məlyã, awla aktohuk gəɓan səzawa, dəzban əpel naw ɓa.» Gədəv Samiyel adəka, ndən kim əkkaman Yawe.

1Samiyel 15:29

Əmpa na: «Məzuwwiɗ na Israyeləŋ awa wən ɓa, aɗi marava ɓa, vi ɗəfi yi dəɗigən marava ɓa.»

1Samiyel 15:35

Samiyel dula Sawlu ɗah əmpa ɓa, gap əmta nani. Samiyel aɗɗak gəlabay na Sawlu, Yawe man nzoki dawɗi Sawlu ka məlĩ aka Israyel.