Va'Atəŋ 5:22 - Bible en Guidar

²² Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti.

Va'Atəŋ 5:22 ပူးပေါင်းရင်းမြစ်များ

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 24:40

Yaŋ azlan su na: “Yawe məs nədaw abanəŋ waslən maslay nan də isi, wadawgən malaka nok də moggoni: wakəgəm guluk sən wətu sənet ɗiy na nawda, səddəv gəla na əbba.

Va'Atəŋ 48:15

Aɓuhma sən Yosef amna: «Maŋgəlva məs afiŋgiɗu, Abraham də Isak adawaŋ abani, Maŋgəlva məs dətaɗu səza məwu hã gap dəpaŋkəŋka,

Va'Atəŋ 5:21

Henok anziyək egge əzva kaklaw sləre kiyən sle', awa Metuselah.

Va'Atəŋ 5:23

Wəzva na Henok pak agəɗək səkat hoku də kaklaw sləre kiyən sle'i.

Va'Atəŋ 5:24

Adan Henok adaw də Maŋgəlva, ahhika, vi Maŋgəlva yi dəslani.

Va'Atəŋ 6:9

Uwa na Nuwe yaŋka: Nuwe, ɗəf təstəs-gəraki aka pay sayit ɗiy nani, məziw aka wəni, gala pay nani. Nuwe adawək də Maŋgəlva,

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

Gəlyaɗe 116:9

vi nədawgən aba Yawe, aka dələv net ɗiy medereti.

Gəlyaɗe 128:1

Gəlya nawpəŋ ədda əkkam a Yerusalem. Əzaɓi aza məgeslne' sən Yawe pakə gəm məzudaw aka tive nani!

Gəlyaɗe 16:8

In tat əɗi Yawe ɗayɗay ama harawa, vi tay aka va dəzəŋ nawa, nəkker na ɓa.

Gəlyaɗe 26:11

Naw tive na təstəs nədazba, apəlwa, agəɗ su mbəlembəle!

Gəlyaɗe 56:13

An maw aynə suk tay akawa Maŋgəlva, wanəɗɗa suk də əzaɓ-Maŋgəlva nawfete.

Gəlyaɗe 86:11

Yawe, arban su tive noko, nədawgən va gesiŋ noko. Avay makra moggoni vi dəgeslne' səngən iya noko.

Əgilye 16:4

Yawe aɓsən Moyis na: «Wanəzi sukum peŋ sə disiŋ va buna. Va addaŋ pak, ɗiy dəgilyoŋ əkkalan an adawzəmaŋ va aza wəsɓəta, vi nəslegəni: wadawaŋ addəv mahenziŋ naw sa awaniɓa adawaŋ na ɓa?

Gəlya net Gəlyaɗe 1:4

Arma vawa, anzamsəmə. Məlĩ tay ətoŋgu a giziŋ nani: «Makram dəvoŋgu, zəm dənek viko» məgagdakan səm ərreɗ nok məzə ənneken zə ɗəf day ki mbazla. Təsiy kirin muguluŋgit aŋglukəni!

Hose'a 14:9

Miy naw azet zəgeɗ dəgilyoŋ va meŋgilveɗ əmpa di Efrayim? In nəzlani, ətaɗən. In tat məndufu va wəleŋɗe lelewɗe, səzaw uwa nok adazzani.

Məsdəlveŋge 26:12

wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Amos 3:3

Ɗiy sula wadawaŋ matak an dəslereŋ ɓa sa?

Mika 4:5

An ɗiy pak tay ədawaŋ naway pak aka iya na maŋgəlva nan na, nam mənam tat ədaw də iya na Yawe Maŋgəlva nam pay pak hã faɗə.

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Malakiya 2:6

Əpel təstəs tay amani, uwawən tay ammba harzlumun ɓa. Tay ədaw də in addəv zazay gəm addəv təstəsə, amilgitik ɗiy diyɗa səddəv mbərayən.

Luka 1:6

Sulegit pak ɗiy təstəsəŋ aba Maŋgəlva. Tahəŋ wəzbanən wən məs Daya aɗiyə gəm mahenziŋ nan pak məza heslepe ɓa.

Wəza net Masləŋɗe 9:31

Ndəni kan məzutafaŋ naka dələv na Yude na Galile dit na Samari pak assoŋ addəv zazaya. Asɓanən ziti, adawdawaŋ addəv geslne na Daya, adawanən zit də əbbah na Zeŋgile Salala.

Roma 8:1

Vas kan na, kakaŋ na ətawwən tay narme ɗiy dəsapaŋ də Yesu Kristu ɓa.

1Korintus 7:17

Naway pak dədaw va Daya apsəni va aka asan pay Maŋgəlva aya. Aski nədawɗi wən nan sit ɗiy na Maŋgəlva pakə.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Efesus 5:15

Məzi zukum kana, məssoŋ ɗeŋge aza ədaw nokum, məza va məs maɗɗula tay aket ɓa ɓa, məssoŋ də maɗɗula.

Əmsak aka Mahenziŋ 13:4

kədaprəm əpel na məskəleŋ awaniɓa na məzula vanəs ɓa. Vi Yawe Maŋgəlva nokum dədawslukum, kawsənən na, kəŋgluwənək Yawe Maŋgəlva nokum mokrokum taka sa gəm də megenegenekum sa iyi.

Əmsak aka Mahenziŋ 28:9

Yawe waɗiyuk ka ɗiy salala nawray vani, va asway suko, adan kərme wəsəɓɗe na Yawe Maŋgəlva noko, kəzbet tiveɗ nani.

Əmsak aka Mahenziŋ 5:33

Kədawaŋgən aka tive an Yawe Maŋgəlva nokum aɗi sukum wən nan pakə, vi kəssoŋgən madarokum gəm zukum neki, vi əvoŋ nokum dəzzekgin aka dələv məs kəŋglaŋ əgəm ka nokuməŋka.

Kolosi 1:10

Asna wakəɓap ədawaŋ va Daya aŋgələ, də əkayan an nannek zən addəv wəza moggon nawtərwəraya gəm əɓay addəv əsən Maŋgəlva.

Kolosi 4:5

Mədaw də maɗɗula a walaŋgit ɗiy nappaka. Kədawzanən pay ɓa.

1Tesaloniki 2:12

Məpel sukumko, məsɓokumko, məziwgukumko vi kədawaŋgən va an dəslə də Maŋgəlva məs dəyukum aka məlĩ nan də gagdak nani.

1Tesaloniki 4:1

An dəpəl kan na, milmiŋgiɗwa, mənam tat əkkamokum gəm əsɓokum addəv Daya Yesu, va an məs kəprəmaŋ səmam va mbar kədawdawaŋ va an Maŋgəlva aŋgələ di, vas van kədawdawaŋgə, məsok zukum əmbat abe abe.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.