Va'Atəŋ 31:3 - Bible en Guidar

³ Yawe anah sən Yakob na: «Amil aka dələv net efiŋgiɗko, eret ɗiy noko: wanəsaw də isi.»

Va'Atəŋ 31:3 ပူးပေါင်းရင်းမြစ်များ

Va'Atəŋ 13:15

Vi dələv kədawlaŋ pak wanəpsuk dit kirtuk ka faɗə.

Va'Atəŋ 21:22

Pay nanəska, Abimelek poh də Pikol, daya net məzəlpaŋ nani, anah sən Abraham na: «Maŋgəlva tay də is addəv zəga kədaɗɗa pakə.

Va'Atəŋ 26:24

Yawe arbanək zən azan dəfəɗ nani, aɓsən na: «Intə Maŋgəlva na afuk Abraham; kəgeslne' ɓa, vi in tat də isi. Wanəzaɓoko, wanuwan zeŋvuk diyɗa ammba məgəɗ wəza naw Abraham.»

Va'Atəŋ 28:13

Yawe yaŋ ziwwe a disiŋ kini amna: «Intə Yawe Maŋgəlva na afuk Abraham, Maŋgəlva na Isak. Dəlvafuŋ kəvoŋ akanəŋka, wanəpsuk də mazlalwõko.

Va'Atəŋ 28:15

Ya awle! In tat də isi, wanəguk də təki kədaddok pakə, wanəmilguk aka dələvəŋka, vi nəzgok na firik ɓa, hã gap in grak əgrak an nənah suko.»

Va'Atəŋ 28:4

Dəpsuk wəzaɓ na Abraham, suko, gəm sən mazlalwõko, vi dələv kəsok addəvənəŋ dəsangən ka noko, dələv məs Maŋgəlva apsən Abraham əŋka.»

Va'Atəŋ 30:25

Yaŋ gala Rakel tuwa Yosef, Yakob apsən Laban na: «Appaw nəmbat aka dələv anawda.

Va'Atəŋ 31:13

Intə Maŋgəlva məs dərban zən azok a Betel, a təki kəpesl serek, a təki kiynan mok su naka. Kakaŋ na, asili, agil səka dəlvəŋka amndok aka dələv net migilko.»

Va'Atəŋ 31:18

Akak gazlaŋ nan də arya nani, gazlaŋ arah sə təki məpəlayya na Paddan-Aram, kamndan ana Isak, afənda aka dələv na Kana'an.

Va'Atəŋ 31:2

Yakob asəŋgləkan hara Laban na, wəlet awdaw va lahəŋ ɓa.

Va'Atəŋ 31:4

Yakob ayek may Rakel dət Le'a awra a təki asan dit gilew nani.

Va'Atəŋ 32:10

Yaŋ Yakob anahə: Maŋgəlva na afu Abraham, na afu Isak, Yawe məs dənah su na: «Amil aka dələv noko, azet ɗiy noko, wanəgəɗ suk moggoni,»

Va'Atəŋ 32:5

Yaŋ aɗi wən nan də wənah sit na: «Yaŋ an kədawnahaŋ sənən ɗəf daya naw Esaw: Əpel na balam nok Yakob yaŋka: Nəsawək molhõyõ ana Laban da, nənziyək adak hã gap kəkaŋka.

Va'Atəŋ 32:9

Anah na: «An Esaw azanək dibirgidik taka, vasna dibirgidik maɓɓan wakõhũ.»

Va'Atəŋ 35:1

Maŋgəlva anah sən Yakob na: «Asili, dok a Betel asok də gəla adaka. Arkə təki nawzaɓ-Maŋgəlva adak sən Maŋgəlva dərban zən azok pay kədanzok səba məlmuk Esaw.»

Va'Atəŋ 35:3

Misilgən məlgən a Betel nərkəgən təki nawzaɓ-Maŋgəlva adak sən Maŋgəlva məs dəzlan su gala nəsaw addəv wəɗəka nawa. Asanək də in aka tive də təki nəmbat pakə.»

Va'Atəŋ 50:24

Yosef aɓsit milmiŋgiɗin na: «Naw wanəmtə. Maŋgəlva waɗɗum akokum, wagilgukum səka dəlvəŋ, kawkukum aka dələv məs asway sit may Abraham, Isak də Yakob.»

Gəlyaɗe 46:1

Seza daya net məyaŋgəlya; gəlya net kirtin Kore akat waŋ nadda ammba zile.

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 90:15

Anneken səm zəm gba uvoŋ kənda maməŋka anneken səm zəm gba əzvaɗe məzəm sahãŋka.

Əgilye 3:12

Maŋgəlva amna ha'aw: «IN TAT də isi. Awle, zəga an narban suk na, intə nəslunko: pay kədawgilgit ɗiy naw sə Eziptə, kəgagdakanəngən Maŋgəlva aka gərməŋka.»

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!