Va'Atəŋ 30:1 - Bible en Guidar

¹ Adan Rakel tula tat əwə sən kirin sən Yakob ɓa, kpaŋ məs kotorokək nat məlməta. Təɓsən Yakob na: «Avay uwa, an vaski ɓa, nəmtə!»

Va'Atəŋ 30:1 ပူးပေါင်းရင်းမြစ်များ

Va'Atəŋ 29:31

Adan Yawe awla na, məzelti Le'a, akol sətək uwa, nat Rakel, ɗew ndarzlaykə.

Va'Atəŋ 37:11

Milmiŋgiɗin aɗɗaŋgək kotorok nani, afən armak wən nan akan hara.

1Milyeŋge 19:4

Ndən mbat a kapta-muyã hurruɓ aka wədawa. Səza agapə, ndən tek ɗew ammba mewrewre tuɓollo. Assõh əmta, amna: «Mək Kakaŋka Yawe, agəm zeŋgilewa, moggow nan daykiyit efiŋgiɗu ɓa.»

Ɗerewel na Yob 13:19

Naway dəkə dolgoy akaw aban di? Vi kakaŋ na wanəmsan mawa, wanəmtə.

Ɗerewel na Yob 3:11

Vimi nəmtə addəvət maw ɓa di? Əgilyew ləŋ na kəta əmpəs naw mərslan.

Ɗerewel na Yob 5:2

Vi ədagədəv tay əbay mətemin, dərwa na, kotorok wabaya.

Gəlyaɗe 106:16

Aɗɗaŋgək kotorok na Moyis a dibirgidiki, gəm na Aron ɗəf an Yawe aweli.

Wənməkkpaŋga 14:30

Makra an zayə, ndəni əmpəs na zlem zə ɗəfa; kotoroku, ndəni yoro na sleŋsleŋ.

Wənməkkpaŋga 30:16

Təki nanziya net ɗiy mimtiti, gədəvət ndarzlaykə, dələv məs awba iŋkile ɓa gəm offo dənah ɗah na məkə ɓa!

Məsmaɗula 4:4

Naw nulak əzəmsahã na ɗəfa, ədaw na wəza moggon nan pak kotoroki a walaŋgən də meggeni. As pak zəga ɗari, əzban səmyãyi.

Əŋɗa 11:15

An vas kədaɗɗa də in na kamə ɗəɗah abaywa! An kəɗɗak moggon nok viyu na, nədawla əray naw ɓa.»

Əŋɗa 11:29

Moyis azlansənka, amna: «Kotorok naw kədaɗɗa sa? Ya kəta ɗiy na Yawe dəssoŋ məskəleŋɗe məs aprikgin əmpəs nan aket pakə!»

Yohanna 4:3

ndən zar sə Yude amndan a Galile,

Yohanna 4:8

Vi gewleɗ nan ambataŋgək a walaŋgəla-metiŋ kalbəh zəga nawzəma.

1Korintus 3:3

Vi addəv əŋgla na gəɓa zukum kənanaŋgə'e. Adan kotorok də əgay tay a waloŋkum na, addəv əŋgla na gəɓa zukum kənanaŋ gəm va əŋgla na gəɓa zə ɗəf kədawdawaŋ ɓa sa?

2Korintus 7:10

Vi əssahan zə ɗəf va Maŋgəlva aŋgəl na, awki əɗi marava nawka ɗəf aka əkõhõ, əɗi marava nan tay ɓa. Ya əssahan zə ɗəf va negge na, awki əmta.

Galatiyen 5:21

əsim zəga, əsa mbazla day, golvoŋgu. Zəgeɗ zeŋvit veskiski, in tat ənah sukum dafsən va nənah sukum səkay, məzəɗenin zeŋvit zəgeɗiski, arəhaŋ na məlĩ na Maŋgəlva ɓa.

Titus 3:3

Vi nam pak lahəŋ dərweŋge mənani, məɓoŋmə, məzamə, belemɗe na əsim zəga gəm na əŋgla na gəɓa zə ɗəf temtem mənani, məsdarawɗe mənani məsimeŋ zəga mənani, pay pak mənam tat əzele, əzelen zəmə.

Yakob 3:14

Ya an kotorok tay azokum, an makrokum tay mbərayən, an wəɗɗum nokum pak aka zukumi kaka'ə, kədawɓaygənən kizukum ɓa, kədawaŋ tepelke vi kawzla ki gegesiŋ ɓa.

Yakob 4:5

Kədaɗɗumoŋ na an məs Əver anah na, ɗar mekeleŋgi ɓa, amna: Maŋgəlva tay də kotorok vi əmpəs məs aɗi a makram dəsangən dəndəni.

1Samiyel 1:10

Makrat tay əssata, təhəmək dəhəm əkkaman Yawe.