Va'Atəŋ 3:6 - Bible en Guidar

⁶ Yaŋ guluk tula na, uwa na wəlaŋga nak moggoni nawzəma, tay lewi, nawsimi, nawsən gabba wən kpekpe'i. Ndət wətən nak ɓuh namnamə, ndət tah sən zələt a maŋgavata, ndən namnamə.

Va'Atəŋ 3:6 ပူးပေါင်းရင်းမြစ်များ

Va'Atəŋ 3:12

Ɗəf, amna: «Ɗak məs kəvay nakə, ndəttə təpsu uwa na wəlaŋga van nəzəma.»

Va'Atəŋ 3:17

Anah sən ɗəf na: «Adan kəprəm mat ɗak noko, kəzəm uwa na wəlaŋga məs nəɗi suk wən nan dawtakuk maw taŋtaŋ kədawzəmən ɓa, kakaŋ na, dələv waray aka batamko. Də tatwãh diyɗa, kədawzəmgən kiyuk pay ənziya egge nok pakə;

Va'Atəŋ 39:7

dərɓaga wənəs na, harat ga ɗəf daya na Yosef askələk akani, təmna: «Avoŋguwa.»

Va'Atəŋ 6:2

yaŋ kirtin Maŋgəlva awlenin kirtit ɗiy muguluŋgit lelewɗe areti, agəmaŋgək gil məs aweleŋgi.

2Samiyel 11:2

Də moskoyo, Davit asilik səka zəga nawvoŋ nani, tay əbbal aka təgbalka na məlyã. Ndən təm guluk səka gəla tat əslslaya. Guluk vat Lalawəktə diyɗa.

1Milyeŋge 13:19

Amilik dəndəni, way namnam ananda gəm iŋkile rəhə.

Ɗerewel na Yob 31:1

Adan wənmiyna tay a walaŋgu də haraw na, mbarmbar nədawɗi maɗɗulaw akat waŋ ŋgbuɓɓo əmpa di?

Ezekiyel 24:16

«Wətən ɗəfa, wanəbayət ɗak noko, məs tədanneken suk zuk kəŋ səma horoko. Kədawɓuh mok ɓa, kədawhəm ɓa, sin nok adawgilyoŋ ɓa.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 24:25

Ya is wətən ɗəfa, pay nədawgəm təki nawɗam neti, ənnek na lelew neti, ənnek nama hereti, əŋgla na gəɓa ziti, kirtit mezeŋgleket dit muguluŋgiti,

Hose'a 6:7

Net van va Adam, aggaraŋ ki wənmiyna, adaki aɗɗaŋ mbərayən azawa:

Matiye 5:28

Ya naw in tat ənah sukum: Ɗəf pak dulət gulku də əsimta, agəɗək əku a gizbe a makran dəndən səkay.

1Timote 2:14

Ya Adam iyi mərakan ɓa, guluk mərakata, təkkaɗ ki mahenziŋ.

Yosuwa 7:21

Səddəv zəga an mərah səma wəgay na, nəwələk lukut metiŋgin na sləma, naka dələv na Sine'ar, gəm deleɗ na təbez babar səkat sula, də meleŋge hirzliŋ naɗɗa wəɗak na kilo. Nəsimik sawɓa, yaŋ nəgime. Tahəŋ məndikit addak gizlirke nawa, deleɗ kəlammbet afuŋ.»

1Yohanna 2:16

Vi an dəsan egge pak va əsim na gəɓa zə ɗəfa mãy əsim na hara ɗəfa gəm əkaɓ də arya, dəde səza Afən ɓa, səgge ade.

Mətawaŋwəna 14:17

Təhəm sənək lumu taka məs məgəɗ sit əzəməŋka. Əvoŋ mabuhulon na, yaŋ aboton səta, vi təyanka; Ndət asənasəna van rəp-rəp ərban sit ɗiy nata.