Va'Atəŋ 3:22 - Bible en Guidar

²² Yawe Maŋgəlva anahə: «Yaŋ na ɗəf titir tay va taka səramə, də wəsən nawɗakan moggon də mbərayini. Kakaŋ na adawtəl van əɓuh uwa na wəlaŋga na zeŋgile, ndən kawzəmən kawsan faɗ ɓa!»

Va'Atəŋ 3:22 ပူးပေါင်းရင်းမြစ်များ

Va'Atəŋ 1:26

Maŋgəlva anah na: «Məɗɗa səm ɗəf dəgil va mənamə, va mənam səɗeki, dəzəmgən məlĩ aket kilfeŋge na pehe, biŋgeɗ na disiŋ, zəgeɗ memeyẽɗ naka dəlvafuŋ, gəm zəgeɗ memeɗeŋɗe məzəɓlaŋ aka dəlvafuŋ!»

Va'Atəŋ 2:9

Yawe Maŋgəlva agilginək wəlaŋga səka dəlvafuŋ, də wəlaŋ zən nawsime, moggon ara ɗəfa, moggon nawzəma, wəlaŋga na zeŋgile addak guli net wəleŋɗe, gəm wəlaŋga nawsən əgo'on moggon də mbərayən.

Va'Atəŋ 3:21

Yawe Maŋgəlva agəɗ sitik lukutɗe məgbəŋtəŋɗe na gəba sit may Adam dət ɗak nani, agul siti.

Va'Atəŋ 3:23

Yawe Maŋgəlva arɓahanək ɗəf nak sə guli net wəleŋɗe na Eden, vi dəmbatgən inse dəlvafuŋ məs egil səddəvnəŋka.

Va'Atəŋ 3:5

Maŋgəlva asənək na pay kəzəmaŋgə, horokum wakolu, wakəssoŋ va Maŋgəlva, məsənaŋ moggon də mbərayni.»

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Wənməkkpaŋga 3:18

Wəlaŋga na zeŋgileyi sit ɗiy en dətafnəni, en dərmanən ɓəlɓəl na, zit neki.

Yeremiya 22:23

Is məs kəsok də gəla a mossogo na Liban məs gəla nok aket muguguleɗ, wakənɗəsə an zəga nassa arəhkuko hara, wakəsok ɓalwãy-ɓalwãy va guluk məɓay uwa.

Hənhən 2:7

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Sən məskəwəla pak wanəpan dəzəmgən uwa na wəlaŋga na zeŋgile dəsan a təɗa aza Maŋgəlva.

Hənhən 22:14

Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.

Hənhən 22:2

Aka tive na walaŋgəla-metiŋ adadawa. Wəlaŋga na zeŋgile tay adak dəka təkzləmən dahã dahã pakə. Tay uwa təl kəlaw kiyən sula addəv wəzva taka pakə, addəv təla pak təl taka adawa. Van akkpaŋgək miha nawmbəlgit ɗiy naka dələv pakə.