Va'Atəŋ 26:12 - Bible en Guidar

¹² Isak azləgək aka dələvəska, arahək zəga na mabardaw əzva nan ndoɗoɗ ndoɗoɗu. Yawe aɗɗak əzaɓ akani,

Va'Atəŋ 26:12 ပူးပေါင်းရင်းမြစ်များ

Va'Atəŋ 24:1

Abraham agalka, tukpu' tukpu'i, dəŋga pak Yawe aɗɗa əzaɓ nan aka Abraham.

Va'Atəŋ 24:35

Yawe aɗɗak əzaɓ aka daya naw diyɗa, akkpaŋgək ɗəf metiŋgini. Apsənək gilew dit wasliɗe, təbəz babar də meleŋge, belemɗe mezeŋgleket dit muguluŋgiti, zlogomeɗ dit korɗe.

Va'Atəŋ 25:11

Dərɓaga əmta na Abraham, Maŋgəlva azaɓanək Isak, wətəni. Amaŋgava vov net iŋkile na Lahay-Ro'yi asan də gəla.

Va'Atəŋ 26:29

Asway səm na kəgəɗ səm na mbərayən ɓa, nam pak mərəŋguk na ɓa, adan moggon kaka' məgəɗ suko, məppok əmbat məzəzayko, is məs kakaŋ Yawe azaɓokəŋka.»

Va'Atəŋ 26:3

Asok aka dələv nani, wanəsaw də isi, wanəzaɓoko. Suko, gəm sən mazlalwõk nədapsukum dəlveŋgeŋki, wanəzban əsway naw nəsway sən Abraham afukəŋka.

Va'Atəŋ 30:30

Vi səza nəɓəl əzzaw ɓa na, arya nok siɗikke yi, awan zən diyɗa abawa, Yawe azaɓokko. Kakaŋ naw dewe nədaɗɗa wəza sən gəla naw tam kandi?»

Ɗerewel na Yob 42:12

Yaŋ Yawe azaɓan Yob sə dərɓagan day ki an lahəŋka. Gilew nan tahəŋ gabal kəlaw kiyən poɗo, zlogomeɗ gabal sləre, wasliɗe mətoket sula sula gabalə gəm korɗe gabalə.

Gəlyaɗe 67:6

Ɗiy dəfeteŋ akoko, Maŋgəlva! Ɗiy dəfeteŋ akoko, ndəɗaŋ pakgiti!

Gəlyaɗe 72:16

Haykəmari dəsan ndoɗoɗ-ndoɗoɗ aka dəlva, kiyən dəsan slakat-slakat aket mossorgoɗe gugriɗe va a Liban, ɗiy na walaŋgəla-metiŋ dəssoŋ mogget va kevile naka dəlvafuŋgu.

Wənməkkpaŋga 10:22

Əzaɓ na Yawe dədakkpaŋgan ɗəf məsarya, wəza na ɗəf titir tay adawsləroɓ akan ɓa.

Məsmaɗula 11:6

Də mompumo aslga zeŋve noko, moskoy tamə kədaffeten vok ɓa, kəsən wəza awani dədassan dəɗah di ɓa, kuzuŋ pakgit wassoŋ moggeti.

Zakarya 8:12

Vi wanəzlga zazaya, megezlembirke wawə, dəlvafuŋ wazaɓ zəga, disiŋ wazi minɗe nani, zəgeɗis pak wanipsit madembirgit ɗiy naw ka neti.

Matiye 13:23

An məzlgan aka ba'arə, ndəni ɗəf an dəprəm əpele, dəprəm gabbani, sessel watər wəraya, maɓɓan waɗi aran səkatə, maɓɓan waɗi aran kaklaw sləre, maɓɓan kaklaw hoku.

Matiye 13:8

Ya zeŋve maɓɓan əmpa abətək aka ba'arə, aɗika. Maɓɓan aɗiyək səkatə maɓɓan kaklaw sləre maɓɓan kaklaw hoku.

Markus 4:8

Ya zeŋveɗe meɓɓet ayyo'oŋguk aka dələv moggoni, agilyoŋko, aɓayaŋka, apokoŋko. Maɓɓan kaklaw hoku, maɓɓan kaklaw sləre, maɓɓan səkatə.

1Korintus 3:6

Naw nəmpaka, Apollos azi sənək iŋkile, ya Maŋgəlva yi məzuɓaygəni.