Va'Atəŋ 22:9 - Bible en Guidar

⁹ Adan agapaŋ a təki an Maŋgəlva anah naka, Abraham arkək təki nawzaɓ-Maŋgəlva, ndən motoffoɗe kpuɓkpuɓ akani. Aɓruk Isak, wətəni, ndən kərək əkrəkən aka təki nawzaɓ-Maŋgəlva aket motoffoɗe neki.

Va'Atəŋ 22:9 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 12:8

Sədak ambat a walaŋ gərəm dəmmba pay nampum na Betel. Aziy gizlirke nan a walaŋ Betel dəmmba pay na moskoyo də Ay dəmmba pay nampummo, arkə təki nawzaɓ-Maŋgəlva sən Yawe adaka, akkaman Yawe də iya nani.

Va'Atəŋ 13:18

Abram aptu gizlirkeɗe nani, al əsan ammbet wəleŋɗe adawyaŋ na Elon na Mamre a Hebron; arkək təki nawzaɓ-Maŋgəlva sən Yawe adaka.

Va'Atəŋ 22:10

Abraham van təl kawgəm slohõ kawtaw wəla wətən naka.

Va'Atəŋ 22:8

Yaŋ Abraham amna: «Maŋgəlva sən kiyən wapsəm wət time naɗɗa əvəl nawzla kurmbuɗukuŋka wətuwa.» Addoŋguk sulegit matakə.

Va'Atəŋ 8:20

Nuwe arkək təki nawzaɓ-Maŋgəlva naɗɗa əvəl nawzla kurmbuɗuk sən Yawe. Agəmək sə weleŋgit zəgeɗ memeyẽɗ en nawzəm pakə, səret biŋgeɗ en nawzəma, aɗɗak əvəl nawzla kurmbuɗuk aka təki nawzaɓ-Maŋgəlva naka.

1Milyeŋge 18:33

azaɓetik sesemeɗi, apiwenək medgeɗge naka, ndən pak pak əpakən aket sesemeɗ neki.

Gəlyaɗe 118:27

Yawe Maŋgəlva yi, apsəmək əkeɗeɗe'e: Mətep slolɓoŋ dit kiyvet wəleŋɗe avokum, hã gap azet mohõŋɗe naka matuya.

Matiye 27:2

Adan aɓrukuni, akanənka, apsənən ava Pilat daya na kivadəlva.

Markus 15:1

Təki əddaŋ ləŋgə, deyeɗe net məsdəlveŋge dit ɗiy məsɓeti dit mərbaŋ-mahenziŋ gəm məzaɓaŋ wən baymeti, aslerinik met pakə. Aɓrukunək Yesu, akanənka, apsənənək ava Pilat.

Wəza net Masləŋɗe 8:32

Təki an adaŋɗa addəv ɗerewel van ndən yaŋka: Tay va time məs adawkaŋ kawtaw wəlani, va təmaŋgək tədawsat ɓatɓat aba mətaw zeŋze nata. Vaski, dəkol man ɓa.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

Yakob 2:21

Də mi dəhəm Abraham asan ɗəf təstəs aba Maŋgəlva di? Vi wəza nani, məs apsən wətən an Isak ka əzaɓ-Maŋgəlva aka matuya.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.