Va'Atəŋ 22:12 - Bible en Guidar

¹² Yaŋ amna: «Kəppar vok aka wiyin ɓa. Kəgəɗ sən zəga ɓa, vi nəsənək kakaŋ na is tat əgeslne' sən Maŋgəlva adan kətak wətuk karmalay dapsu ɓa.»

Va'Atəŋ 22:12 ပူးပေါင်းရင်းမြစ်များ

Va'Atəŋ 20:11

Abraham amna: «Naw azawna: “Geslne na Maŋgəlva tay ahəŋ siɗikke dayday ɓa yi, kawbaywiy ammbat guluk nawa.”

Va'Atəŋ 22:13

Abraham le'gən haran na, awla ndargayã yaŋ mərman aza mohon addəvit gaslambeɗi. Abraham tek kãw ərma ndargayã, aɗɗa əvəl nawzla kurmbuɗuk dəndən a gəla wətəni.

Va'Atəŋ 22:16

Yawe aɗiman na: «In sən kiyu nəswayka: Adan kəgəɗ vaska, kətak wutuk karmalay dapsu ɓa,

Va'Atəŋ 22:2

Yaŋ Amna: «Agəm Isak, wutuk karmalay məs kəŋgələŋka. Dok aka dələv na Moriya, ataw su wəlan adak ka əvəl nawzla kurmbuɗuk aka taka net mossorgoɗe gugriɗe an nədawna suko.»

Va'Atəŋ 26:5

vi Abraham aprəmək mawa, armak an nəɗi sən naɗɗa, əpel na ənziya nawa, wəzga' nawa, də mahenziŋ nawa.»

Va'Atəŋ 42:18

Aka pay mahoko'ən, Yosef aɓsit na: «An kədaɗɗaŋ kəssoŋgən madarokum yaŋka. Naw Maŋgəlva nədawgeslne səni.

Nehemi 5:15

Deyeɗe nakki vadələv en maddaabəŋ kiyu na, assoŋguk aket ɗiyi. Atafaŋgək əzəma, mbazla gəm koɓeɗ kaklaw poɗo əmpa'e səveti. Gawleɗ net tam əskanən wəlet ɗiyi. Ya naw nəgəɗ vas ɓa vi geslne na Maŋgəlva.

Ɗerewel na Yob 1:1

Aka dələv na Us na, ɗəf tay adawyaŋ na Yob. Ɗəfi məza heslepe ɓa, təstəsə, məzəgeslne sən Maŋgəlva, mənzan sən mambray yi.

Ɗerewel na Yob 28:28

Yas anah sən ɗəfa, amna: Əgeslne sən Yawe na maɗɗula yi! Wəzar faraɗa səza mambray na əsəni.

Ɗerewel na Yob 5:19

Wakõhguk səddivit tatwãhɗe pay pakə. Əgrak nan na əray aruhuk na ɓa.

Gəlyaɗe 1:6

Vi Yawe asənək ədaw net ɗiy en təstəsə, ya tive net məsdarawɗe na əzay yi.

Gəlyaɗe 111:10

Ətəŋ na maɗɗula na, əgeslne' sən Yawe yi: məzəɗɗaŋ vas na pak aslanənək ziti. Kawgagdakani Daya hã faɗə.

Gəlyaɗe 147:11

Ya Yawe tay ulasahã aket məgeslne'eŋ sənəni, aket məzuganən moggon nani.

Gəlyaɗe 2:11

Məgəɗ sən wəza sən Yawe də geslne, mənneken zukum də wikkere;

Gəlyaɗe 25:12

An ɗəf tay əgeslne' sən Yawe, nan warban sən tive an adawele.

Gəlyaɗe 25:14

Yawe tay ərban wən məɗama nan sit məzugeslne'eŋ sənəni, ndən ərban sit wənmiyna nani.

Əgilye 20:20

Moyis aɓsit ɗiy na: «Kəgeslne'eŋ ɓa! Vi kawslukumi Maŋgəlva ade, vi kəgeslne'eŋ sənəngəni, kədaɗɗaŋ mambray ɓa.»

Wənməkkpaŋga 1:7

Geslne sən Yawe na, ndəni ətəŋ na ərəh əsəna, ya məza maɗɗulet ɓa na, tay əzelenən əsəna gəm iyaka.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Yeremiya 19:5

Arkaŋgək gəleɗe-nettuyeŋge sən Ba'al vi kawzle kirtit ka əvəl nawzla kurmbuɗuk sən Ba'al. Nəɗi wən vas ɓa, nəpel vas ɓa, dəde ɗah vas a makraw ɓa.

Yeremiya 32:40

Wanəziwgin wənmiyna dənɗaŋ faɗə, nəmil na səmmbet ɓa vi kawgəɗ sit moggoni, wanəɗi geslne' naw a mekreti vi əzaraŋ faraɗa səzawa.

Matiye 16:24

Yaŋ Yesu anah sit gewleɗ nan na: An ɗəf aŋgələk wəzbawa, dəppan əɗɗum aka zəni, dəgəmgən wəlaŋga məzliwrihe dəzbawgəni.

Matiye 19:29

Ɗəf awandi pak dəpan gəla nani, milmiŋgiɗin mezeŋleketi, məguluŋgiti, afəni, mani, kirtini awaniɓa gulyeŋɗe nan aka iya nawa, warah mədayki aska gəm əmpa warah zeŋgile nassa hã faɗə.

Matiye 5:16

Əkasak nokum dəwiɓ vas abet ɗiyi, vi duletingin wəzeɗe mogget nokum dəgagdakanəngən Afukum an na disiŋ.

Yohanna 3:16

Vi vaski Maŋgəlva aŋgluwək dəlva. Ndəni apsən Wətən an karmalay. Vi ɗəf məs dətaf pak adawza ɓa, dərahgən zeŋgile an faɗə.

Wəza net Masləŋɗe 9:31

Ndəni kan məzutafaŋ naka dələv na Yude na Galile dit na Samari pak assoŋ addəv zazaya. Asɓanən ziti, adawdawaŋ addəv geslne na Daya, adawanən zit də əbbah na Zeŋgile Salala.

Roma 5:8

Ya vaŋki Maŋgəlva arban əŋgla nan azamə, aka məsam məs mambrayɗe, Kristu amtək vimə.

Roma 8:32

Ndən məs dərma van aka Wətən ɓa, yaŋ appan əmta ammbam pakə, an vaski na, apsəm na zəga pak dəndəne'e də mbəlembəle ɓa sa?

1Korintus 10:13

Wərak məs dərukum pak gala ɗəfi. Maŋgəlva təstəsi appan na tive sən wərak dədaygən kiykum ɓa. Addəv ərak na, wapsukum gbogboŋ nawgilye səddəvən gəm nawɓəsən.

2Korintus 8:12

Vi an əsok zə ɗəf tay, wataf də ula an navamə məza ula an tay avam ɓa ɓa.

Ibriɗe 11:19

Abraham aɗɗumuk na, Maŋgəlva waɓap əsilgin ɗəf məmtən daydayə, addəv əɗɗum vaska amsak ərəh wətəni.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Yakob 2:18

Ya an ɗəf anahək na: Atafək Maŋgəlva, naw tam in tat də wəza. Wanəzlan sən na: Arban su wətaf nok məza wəza nan ɓaŋka, naw tam wanərban suk wətaf naw də wəza nawa.

Hənhən 19:5

Ndəni wəla ɗəf ade hã səka mazaŋga na məlyã, yaŋ adawnah na: Məgagdakan Maŋgəlva namə, mənokum məɗɗaŋ wəza nan pakə, mənokum məzugeslne'eŋ sənəni, ɗiy gugriɗ dit memeɗeŋɗe pakə.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.