Va'Atəŋ 2:8 - Bible en Guidar

⁸ Yawe Maŋgəlva aɗiyək guli net wəleŋɗe aka dələv na Eden, dəmmba pay nampummo, aɗiyək ɗəf an arkə nak adaka.

Va'Atəŋ 2:8 ပူးပေါင်းရင်းမြစ်များ

Va'Atəŋ 13:10

Lot aslanək haran awla kiva na Yurden dəwənnan pak məlɓan moggoni. Tak Yawe dəɓəl əraygən Sodom də Gomorra ɓa, assanək hã gap So'ar va guli na Yawe, va dələv na Eziptə.

Va'Atəŋ 3:23

Yawe Maŋgəlva arɓahanək ɗəf nak sə guli net wəleŋɗe na Eden, vi dəmbatgən inse dəlvafuŋ məs egil səddəvnəŋka.

Va'Atəŋ 3:24

Adan arɓahan ɗəf naka, ndən sek əziy kerubaɗe kəlammba pay nampum na guli net wəleŋɗe na Eden, dəganəngən tive na wəlaŋga na zeŋgile, də masalam avet adaɓlanən əwiɗ kwitikwiti.

Va'Atəŋ 4:16

Yaŋ Kayin azar səba Yawe, alək əsan aka dələv na Nod kəlammba pay nampum na Eden.

2Milyeŋge 19:12

Meŋgilveɗ net ɗiy akohgitinik aka efiŋgiɗu araygənən Gozan, Haran, Resef dit mə Edenɗe dəssoŋ a Telasar iŋ na, meŋgilveɗ net akõhgitinik sa?

Isaya 51:3

Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Ezekiyel 27:23

Haran, Kanne gəm Eden dit məmanən vet na Seba, na Asiri, na Kilmat, tahəŋ əmanən vet də isi.

Ezekiyel 28:13

A Eden a guli na Maŋgəlva kənan lahəŋka, is tat dit gərmeŋge na sləma azoko: lawkakanya, maməlma gəm liwliwi, mabazaya, zulazula, gəm ɗolokɗoloku, titire, ɗiwɗiwi, gəm nzoloknzoloku; gəm meleŋge məvot gaŋgaɗe dit pozlorɗe nok dəndəni, zəgeɗ na mayã nokis tahəŋ zaɓɓa aka məzəməɗko.

Ezekiyel 31:16

Nəzlahgənək mekret ɗiy-ɗar də ɓaɓəlma əɓzla nan pay nəprikgin a təki net ɗiy mimtit dit en dədeprikeŋ a vovu. Wəleŋɗe na Eden pak mekret azzayək addəv kpukpum na dəlvafuŋ: Wəleŋɗe məwele, en lelewɗe day na Liban, məs dəsaŋ iŋkile pakə.

Ezekiyel 31:18

Va nawa kəgil də gagdaka, də mẽmẽtiŋ aret wəleŋɗe na Eden di? Dit wəleŋɗe na Eden məprikguk ammba dəlvafuŋ aret məza dəskəlaŋ awra ɓa, wakəsok dit ɗiy məbeyit də masalam naka. Aski dədawrəh Farawən də vanday nani, va Daya Yawe aɗiymani.»

Yo'el 2:3

Offo tay əzəm təki abani, dərɓagani, offo tay əzla nzilim nzilimi. Va guli na Eden dələv asan abani, dərɓagan tam, kapta-muyã məraygəni. Zəga tay dəkõh səman ɓa.