Va'Atəŋ 2:17 - Bible en Guidar

¹⁷ ya wəlaŋga an nawsən əgo'on moggon də mbərayən hara na, kədawzəmən ɓa, vi pay kəzəmə, əmta kədamta.»

Va'Atəŋ 2:17 ပူးပေါင်းရင်းမြစ်များ

Va'Atəŋ 2:9

Yawe Maŋgəlva agilginək wəlaŋga səka dəlvafuŋ, də wəlaŋ zən nawsime, moggon ara ɗəfa, moggon nawzəma, wəlaŋga na zeŋgile addak guli net wəleŋɗe, gəm wəlaŋga nawsən əgo'on moggon də mbərayən.

Va'Atəŋ 20:7

Amndagat sənət ga ɗəfəŋ kakaŋka, vi məskəleŋgi yi wakkam ammbok kəmbəlgəni. Ya an kəmndagat ɓa, asən na, wakəmtə is dit ɗiy nok pakə.»

Va'Atəŋ 3:11

Yaŋ amna: «Naway dənah suk na, zuk mekeleŋ kənani di? Kəzəmək ki wəlaŋga məs nəɗi suk wən nan kədawzəmən ɓa nak sa?»

Va'Atəŋ 3:17

Anah sən ɗəf na: «Adan kəprəm mat ɗak noko, kəzəm uwa na wəlaŋga məs nəɗi suk wən nan dawtakuk maw taŋtaŋ kədawzəmən ɓa, kakaŋ na, dələv waray aka batamko. Də tatwãh diyɗa, kədawzəmgən kiyuk pay ənziya egge nok pakə;

Va'Atəŋ 3:19

Way nok na, də hanza na mirbizuk kədawrəhni, gap əmnda nok ammba burɗuk na dəlvafuŋ, məs kəgil səddəvni, səka burɗuk məgəmko, aka burɗuk kədamndoko.»

1Milyeŋge 2:37

Pay kəgil kəggar kiyət lolohõk na Kedron, asən akok na, əmta kədamta; mbel nok wamndoŋ akoko.»

1Milyeŋge 2:42

Məlĩ slən iya Simey, aɓsən na: «Nəswayguk də Yawe ɓa sa? Nənoh suk dafsən na: “Pay kəgil sə walaŋgəla-metiŋ kawmbat a təki maɓɓani, asən akok na, əmta kədamta ɓa sa?” Kənah su na, əpelis moggoni nəprəməka.

Yeremiya 26:8

Səza Yeremiya agrak əpel an Yawe aɗi sən wən nan nawpel sit ɗiy pakə, ndəni məsdəlveŋge, məskəleŋɗe dit ɗiy pak armanəni dawnəh na əmta kədamta!

Ezekiyel 18:13

Tay əpsit dəmən sit ɗiy dit iŋkile; tay əŋgla iŋkile na dəmən dayki an dəslə, kawsan madarani! Asan madaran ɓa. Aɗɗek zəgeɗ daryawɗes pakə: kawbayni; mbel nan akan adamndoŋgu.

Ezekiyel 18:32

Maw tay aka əmta na ɗəf məzəmta ɓa, Daya Yawe aɗiymani, məmili, kəssoŋgən madorokum!»

Ezekiyel 18:4

Yaŋ na, zeŋgilet ɗiy pak nawi; zeŋgile afəni də zeŋgile wiyən pak nawəŋ; ɗəf məs dəgəɗ mambraya, ndən dədamta.

Ezekiyel 33:14

Ya an nənah sənək məsdaraw na: Əmta kədamta, yaŋ amil səza mambray nani, agəɗ an təstəs gəm an dəslə,

Ezekiyel 33:8

An nənah sənək məsdaraw na: Məsdaraw, əmta kədamta, an kəssak sən məsdaraw dəppangən ədaw nan ɓa, wamtə vi mambray nani, mbel nan avok nədossõhẽti.

Əŋɗa 26:65

Vi Yawe anah sitik na wamtaŋ a kapta-muyã; vas vani, tay dəmbər təttaka an Kaleb, wətən Yefunne də Yosuwa wətən Nun əŋgə ɓa ɓa.

Roma 1:32

Də asənnən mahenziŋ na Maŋgəlva təstəs zlaŋ, məs dədawnəh na, məɗɗaŋ zev zəgeɗ vas pak adahaŋgək nawbeyti. Vi adaɗɗenini kaka ɓa ndəɗaŋ əmpa ənnekeŋ dit məzəɗɗənini.

Roma 6:16

Kəsənnən na, an kəppanənək zukum sən ɗəf va belemɗe kawɓe' sən na, belemɗe na ɗəf məs kədawɓe'eŋ sənən kənanaŋ ɓa sa? An sən mambray məzuka ɗəf əmta yi, awaniɓa sən əɓe'e məzuka ɗəf addəv təstəsə.

Roma 6:23

Vi əfaɗ na mambray na, əmta yi, ya əvəl na mbəlembəle na Maŋgəlva na, zeŋgile an faɗ məs mərah də Yesu Kristu Daya nami.

Roma 8:2

Vi mahenziŋ na Əmpəs məzuki zeŋgile addəv əsap də Yesu Kristu apəlmək səddəv mahenziŋ na mambray gəm səddəv əmta.

1Korintus 15:22

Va ɗiy pak adamtaŋ vi əsap net də Adam. Vaski yi'e addəv Kristu adawrahaŋ zeŋgile,

1Korintus 15:56

Gbogboŋ na əmta mambray yi, əɓap na mambray tam mahenziŋgi.

Galatiyen 3:10

Vi en mədawaŋ aka wəza na mahenziŋ pak, mefɗeke tay azeti. Adan məverni na: Əray aka ɗəf məs awsan aka an məverin addəv ɗerewel na mahenziŋ pak kaɗɗa wəza dəndən ɓa, məraygəni.

Efesus 5:14

An zəga arbanək zəni, wakkpaŋ əkeɗeɗe'e. Vini anah na: Afɗahə is məleŋguk kəŋkə, asil səret ɗiy mimtiti. Asna Kristu wakasako.

Əmsak aka Mahenziŋ 27:26

«Wəray aka ɗəf məs dəzban wəpel na mahenziŋgəŋ kaɗɗa wəza dəndən ɓa!». Ɗiy pak dəzlanəngən na: «Dəsan vaska!».

Əmsak aka Mahenziŋ 30:15

Awle: in tat əɗi zeŋgile də wəzaɓa, wəmta də wəray abok dəpaŋka,

Əmsak aka Mahenziŋ 30:19

Dəpaŋ in tat əgəm disiŋ də dəlvafuŋ ka miziweɗe akokum: zeŋgile də əmta gəm wəzaɓ də əray nəɗi abokum. Dəɗah muwel zeŋgile, kəssoŋgən madorokum mənokum dit kirtukum,

Kolosi 2:13

Lahəŋka məmtukum kənanən viyit heslepeɗe nokum gəm gayã na gəɓa zukum, Maŋgəlva apsukumək zeŋgile dəndəni, avviyet sukumək heslepeɗe nokum pakə.

1Timote 5:6

Ya akən məzukay əssa neneke, nat məmtəttə, də təsat madarat zlaŋgə.

Yakob 1:15

An əsim zəga nan awanək zəni, wakkpaŋ mambraya. An mambray aɓayka, wawə əmta.

1Yohanna 5:16

An ɗəf awlak məlmən əɗɗa mambraya, ya mambray nawkan aka əmtay ɓa, dəkkamə, Maŋgəlva wapsən zeŋgile. Sit ɗiy məɗɗaŋ mambray məs nawka ɗəf aka əmtay ɓa, mambray maɓɓan tay nawka ɗəf aka əmta, aka aski nənah na dəkkamə ɓa.

Hənhən 2:11

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Məskəwəla pak azəmna sãhã na əmta masula'ən kpak ɓa.

Hənhən 20:14

Yas kan məzget mãy əmta də təki nassa net ɗiy mimtit pak addəv vov na offo. Vov na offo nan ndəni wəmta masula'ən.

Hənhən 20:6

Əzaɓi gəm zazayi azet ɗiy məs dədawsilyoŋ səka əmta an daabəŋ. Əmta masula'ən tay də gagdak aket ɓa, wassoŋ məsdəlveŋge na Maŋgəlva gəm na Kristu, wazəmaŋ məlĩ də Kristu wəzva gabalə.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Mətawaŋwəna 3:2

vi kawkol maɗɗula sayit mə Israyelɗe en dəsənən wəgay lahəŋ ɓa yi kaka'ə, kawyagan sit dəsənəngəni:

1Samiyel 14:39

Va Yawe məkõhgən Israyel asan madarani, dəsan Yonatan wətu dəraygən daydayə, wamtə.» Səret ɗiy pak ɗəf tay dəzlan sən ɓa.

1Samiyel 14:44

Sawlu amna: «Maŋgəlva dəgəɗ su an naɗɗa, sessel əmta kədamta Yonatan.»

1Samiyel 20:31

Vi dewe pak an wətən Yesse tay egge darani, kəziw na ka ɗəf ɓa məlĩ nok pak asan na ɓa. Kakaŋ na, aslən ərmani, vi nawbay yi.»

1Samiyel 22:16

Məlĩ amna: «Ahimelek, əmta kədamta, is dit ɗiy neŋgil ana afukda pakə.»