7 amna: «Kamə, kədawlaŋ gəbay ɓa milmiŋgiɗwa.
Dəɓəl əvoŋgoŋ tagayɗa ɓa, ɗiy na walaŋgəla-metiŋgin atərwəslənək kigəla, ɗiy na Sodom, təŋ səza wiyin slawraŋga hã gap mazza tukpu'tukpu', ɗiy dəwənnet məza dəwel welsa ɓa.
Lot agilik azet ama maddamba nani, ndən kpuɓ əmsan dərɓagani
In tat dit gorɗeŋge sula dəsənaŋ ɗəf mizilin ɓa, nəgilgit sukum, kəɗɗaŋgən an kəŋglaŋ dənɗaŋ. Kədaɗɗaŋ zəga sit ɗiy dəzzoŋ anawdaŋ ɓa hara.»
Kədawvoŋ də ɗəf mizilin va dət guluk ɓa; wən daryawi.
An ɗəf avoŋgək də ɗəf mizilin va adawvoŋgoŋ dət gulku, an aɗɗaŋ sulegit pak daryawi; kawbeyti, mbel net wamndoŋ aketi.
Səza ɗəf taka yi azəmiɗ ɗiy pak dəssoŋgən aka dəlvafuŋ gboŋgu. Səza aziwgin pay nan aɗiya, azi meŋge na təki nassa neti.
Vini Maŋgəlva appet dəzbanəngən əsim na makret mbərayni, dəraygənəngən zit a walaŋ ziti.
Dəsan də gəla anokda, a təki an awel səret walaŋgəleɗe gugriɗ nawsan adaka. Kədawfayãn ɓa.
Va mãy Sodom də Gomorra gəm walaŋgəleɗe gugriɗ en tuwəɗ kiyit akuhwaŋ a gizbe, azbetinik maslayɗe, assoŋguk va zəga narban əzga də offo məs amta ɓa.
Ɗəf afən gəla nak vit ezeti, aɓsit na: «Vaski ɓa milmiŋgiɗwa, kamə kədaɗɗaŋ mbərayən ɓa. Adan ɗəfəŋ anawda ade, kəɗɗaŋ zəga nawteməs ɓa.
Ga'al wətən Ebed adek a Sikem dit milmiŋgiɗin; ɗiy gugriɗ na walaŋgəla na Sikem tam aɗiyənən ka ɗəf moggoni.
