Va'Atəŋ 19:4 - Bible en Guidar

⁴ Dəɓəl əvoŋgoŋ tagayɗa ɓa, ɗiy na walaŋgəla-metiŋgin atərwəslənək kigəla, ɗiy na Sodom, təŋ səza wiyin slawraŋga hã gap mazza tukpu'tukpu', ɗiy dəwənnet məza dəwel welsa ɓa.

Va'Atəŋ 19:4 ပူးပေါင်းရင်းမြစ်များ

Va'Atəŋ 13:13

Zel na Sodom mbəreytiŋ gəm məs mambrayɗeŋ aza Yawe sawɓa.

Va'Atəŋ 18:20

Yawe amna: «Ɗiy tahəŋ əɓuhnən met aka Sodom də Gomorra day, mambray net təɓeltəɓeliyi,

Əgilye 16:2

A kapta-muyã na, wəsap net mə Israyelɗe pak aɓuhuk man aket may Moyis də Aron.

Əgilye 23:2

Vi ɗiy vadaysa assoŋ addəv mambray na kədazbet ɓa, aka pay wətaw wən na, kədawzlan əzban vadaysa net ɗiy vi kawslokoron wən nawtaw ɓa.

Wənməkkpaŋga 4:16

Awleŋgeŋ an dəɗɗaŋ mbərayən ɓa ɓa. Sin assoŋ aret an dəzbərgənən ɗəf ɓa ɓa.

Wənməkkpaŋga 6:18

makra ɗəf məzaɓ wən mbərayən, təl ɗəf an kafkaf nadda aza mambraya,

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Mika 7:3

Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.

Roma 3:15

Tilit tay petpet ammba əkgbo' mbeli.

Mətawaŋwəna 19:22

Səza adeffeteŋgi, ɗiy məsdarawɗe na walaŋgəla-metiŋ yeŋki, asərŋgəslnən gəla, adarganən maddamba dayadaya də ənah sən ɗəf mazza afən gəla nak na: «Agilgin səm ɗəf dətoŋ anokdaŋka, məvoŋgəngəni.»