Va'Atəŋ 17:8 - Bible en Guidar

⁸ Dələv məs kəsim akanəŋka wanəpsuk ka nok faɗə gəm sit kirtuk dərɓogoko, dələv na Kana'an dəwənnani. Wanəsaw Maŋgəlva neti.»

Va'Atəŋ 17:8 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 13:15

Vi dələv kədawlaŋ pak wanəpsuk dit kirtuk ka faɗə.

Va'Atəŋ 13:17

Asili, abbalan dəlvəŋ va asan gboŋgu, vi suk nədapsuko.»

Va'Atəŋ 23:4

«Nəsaw də munokuməŋ na, va molhõyõ gəm məzgəlokum nani. Məvay təki anokumda aŋ nawndəkət ɗak naw sə maharawa.»

Va'Atəŋ 26:24

Yawe arbanək zən azan dəfəɗ nani, aɓsən na: «Intə Maŋgəlva na afuk Abraham; kəgeslne' ɓa, vi in tat də isi. Wanəzaɓoko, wanuwan zeŋvuk diyɗa ammba məgəɗ wəza naw Abraham.»

Va'Atəŋ 28:4

Dəpsuk wəzaɓ na Abraham, suko, gəm sən mazlalwõko, vi dələv kəsok addəvənəŋ dəsangən ka noko, dələv məs Maŋgəlva apsən Abraham əŋka.»

Va'Atəŋ 35:27

Yakob agapək ana Isak afənda, a Mamre na Kiryat-Arba, va wənəh na Hebron, adaki may Abraham də Isak assoŋgu.

Va'Atəŋ 36:7

Vi aryeɗ net met awsla hara dəssoŋgən a təki taka ɓa, dələv məs asmeŋ adak atefna dit gazlaŋɗe net pak ɓa.

Va'Atəŋ 37:1

Yakob asanək də gəla a təki afən asimi, aka dələv na Kana'an.

Va'Atəŋ 48:4

Anah su na: “In yakəŋ əkkpoŋgok məzuwa Wanəwok kuɗiskuɗisi wanəkkpaŋgok ka vanday, wanəpsən dələv sən zeŋvuk dərɓogok ka nan faɗə.”»

2Samiyel 23:5

Vaski gəla naw aza Maŋgəlva ɓa sa? Vi wənmiyna an faɗ avayə, məzaɓan pakə, aɗi lewlew gusu. Əska wəla naw də an nəŋgəl pak tay əɗɗet ɓa sa?

1Alabaraɗe Də Mabərkiziti 16:18

gala anah na: «Wanəpsuk dələv na Kana'an, hara dələv nokumi!»

Gəlyaɗe 103:17

Ya moggon na Yawe, farfari, wasan hã faɗə. Tay aket en dədawgeslne'eŋ sənəni, təstəs nan sit kirtit kirtiti yi,

Gəlyaɗe 105:11

gala anah na: «Wanəpsuk dələv na Kana'an, hara dələv nokumi!»

Gəlyaɗe 105:9

an aynə də Abraham, dərbə də əsway sən Isak.

Əgilye 13:11

Pay Yawe atoŋguk aka dələv na Kana'an va asway suk gəm sit afiŋgiɗuk wapsukoŋ na,

Əgilye 21:6

vasna daya nan dəzargən aza Maŋgəlva, dəzargən aza maddamba awaniɓa wəleŋɗe na təkzlum maddamba, dəkkul səngən sləman də har nakkul zəga: wagəɗ sən wəza hã faɗə.

Əgilye 29:45

Wanəsaw də gəla a weleŋgit mə Israyelɗe, wanəsaw ka Maŋgəlva neti.

Əgilye 32:13

Aɗɗumon Abraham, Isak gəm Israyel belemɗe nok məs kəsway sit sən kiyko. Kənah sitik na: wanuwan mazlalwõkum va ŋgərzleɗ na disiŋ, dələv nənahəŋ pak wanəpsit kirtukum, wasan ka net faɗə.»

Əgilye 40:15

Kəpeslgin də əppay sit mẽl na mahenziŋ va kəppay sən efiti, dəɗɗaŋ suwəngən wəza na məsdəlva. Əppay mẽl na mahenziŋ net wasan sit ka na wəza na məsdələv faɗ vi seyiti.»

Əgilye 6:4

Də as pak na nəziwginik wənmiyna naw dənɗaŋgə, vi kapsit dələv na Kana'an, dələv məs assoŋ molhõyẽɗ addəvən.

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Yeremiya 25:5

Anahaŋ sukumənək na, kamə ɗəf pak dəmil səka tive mbərayən nani gəm səka wəza nokum mbərayən, kəssoŋgən faɗ aka dələv məs Yawe apsukum gəm sit efiŋgiɗkum farfar hã faɗə.

Yeremiya 31:1

Pay dəpas na, wanəsaw Maŋgəlva net mahəlfaɗe na Israyel pakə, net tamə, wassoŋ ɗiy nawa Yawe aɗiymani.

Ezekiyel 11:20

vi dədawaŋgən va mahenziŋ naw aŋgələ, dərmeningən tivenanziya nawa, dəɗɗaŋgə wəza dənɗaŋgə, dəssoŋgən ɗiy nawa, nəsawgən Maŋgəlva neti.

Ezekiyel 33:24

«Wətən ɗəfa, ɗiy naka kiməski en naka dələv na Israyel aɓɗaŋ dawnəh na: Abraham takərgəni agəmək dələv ka nani; sasak mənam məs diyɗa, səmi məpsəm dəlvəŋ ka namə.

Məsdəlveŋge 14:34

«An kətoŋgoŋgək aka dələv na kana'an məs nəpsukum ka nokum na, an nəgilginik tellef na kokolo aza gəla naka dələv nokumu,

Məsdəlveŋge 16:34

Wəkkal təl taka ama wəzva nazban matuya navvuyon mambray net mə Israyelɗe pak na, mahenziŋ məza addəɗ ɓa yi. Məɗɗani an Yawe anah sən Moyis.

Məsdəlveŋge 26:12

wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Əŋɗa 10:29

Moyis aɓsən Hobab wətən Re'uwel mə madiyan afət gon na: «Mənam tat əmbat a təki məs Yawe anah na: “In tat əpsukum naka.” Azbamə. Waməgəɗ suk moggoni, vi Yawe agəɗək moggon sən Israyel.»

Əŋɗa 25:13

Wənmiyna van wasan vini gəm viyit kirtin naddəvən. Wapsit mahenziŋ na wəza net məsdəlveŋge ammba vet faɗə, adan arban kotorok ammba Maŋgəlva nani, aɗɗa mahenziŋ naskoɓ mambray embet kirtin Israyeləŋka.»

Əŋɗa 27:12

Yawe aɓsən Moyis na: «Apeŋ a dadwar ki mossorgo neret en na Abarim əŋka, awla dələv məs nədapsit mə Israyelɗe.

Wəza net Masləŋɗe 7:5

Dəpas na, təki tay apsən aka dələvəŋ ka nan gba gəla təl ɗəf dayday ɓa, ya aynanək man napsən ka nani gəm ka net kirtin dərɓagani, də tay də muzliya ɓa zlaŋgə.

Əmsak aka Mahenziŋ 14:2

Vi ɗiy salala nawray va Yawe Maŋgəlva nokum kənanəni; anokumi Yawe awel ka ɗiy nawray van sə weleŋgit ɗiy naka dələv gboŋgu.

Əmsak aka Mahenziŋ 26:18

Yawe anah suk dəpaŋ na, wakəssoŋ ɗiy nan nawray vani, va aynan suk mani, kərmagən an aɗi naɗɗa pakə,

Əmsak aka Mahenziŋ 29:13

Wənmiyna də əsway taŋtaŋ ambanəŋka, də mənokumi yi kaka' niynan ɓa,

Əmsak aka Mahenziŋ 32:49

«Apeŋ aka gərəm məzoŋzoŋ na Abarim, aka mossorgo na Nebo naka dələv na Mo'ab, məs haran sek aka Yeriko, awla dələv na Kana'an məs nədapsit mə Israyelɗe ka neti.

Əmsak aka Mahenziŋ 32:8

Gala Maŋgəlva Məsəɗəɗə awɗak dələv sit ɗiyi, pay agohet ɗiyi, azi sitik meŋge a weleŋti; aza wəŋɗa net mə Israyelɗe.

Əmsak aka Mahenziŋ 34:4

Yawe aɓsən na: «Awla dələv məs nəpsit may Abraham, Isak gəm Yakob, də wəsway sit də wənah na: “Sit kirtukum nədepsiti.” Nərban suk na, kulagən də horoki, kətoŋ na adak ɓa hara.»

Əmsak aka Mahenziŋ 4:37

Vi aŋgliwik efiŋgiɗkum, awelik kirtit dərɓegeti, agilgukum sə Eziptə, aban ɓel də gbogboŋ nani,

Əmsak aka Mahenziŋ 9:5

Vi təstəs nok gəm makra babar noki kəde wəgəm dələv net ka nok ɓa! Vi daraw net ɗiyiŋki yi Yawe Maŋgəlva nok arɓehet səboko, gəm kaknahan əpel an Yawe asway sit efiŋgiɗuk may Abraham, Isak də Yakob.

Ibriɗe 9:15

Sən aski asan metive na wənmiyna meleketeni, amtə na vi kawmet ɗiy səka mambray net aɗɗaŋ addəv wənmiyna məzvani, en məyeti, ərahaŋ iynama nawzəmgəla an faɗə.

Yosuwa 1:2

«Gawla naw Moyis amtəka. Yaŋ na, is dit ɗiyiŋ beymet asil aggar ki Yurden əŋka, dəka dələv məs nədapsit sit kirtin Israyel.

Hənhən 21:7

Ɗəf məskəwəla pak aski nədapsiti, wanəsaw Maŋgəlva nani, wasan wətuwa.