Va'Atəŋ 17:1 - Bible en Guidar

¹ Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 17:1 ပူးပေါင်းရင်းမြစ်များ

Va'Atəŋ 12:1

Yawe aɓsən Abram na: «Dok səka dələv noko, səret ɗiy noko, səŋgil ana afukda, dəka dələv məs nədarban suko.

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 16:16

Abram tay də wəzva kaklaw dodopoɗo kiyən sləre, gala Hagar tuwa Ismayel.

Va'Atəŋ 18:1

Yawe arbanək zən aza Abraham ammbet wəleŋɗe adawyaŋ na, Elon na Mamre, tay ɗewwe ama gizlirke aka tataŋpaya.

Va'Atəŋ 18:14

Zəga tay nawsan va sekene aza Yawe sa? Aka pay nədamndaw azok dukkiyo, Sara tuwək wiyna.»

Va'Atəŋ 24:40

Yaŋ azlan su na: “Yawe məs nədaw abanəŋ waslən maslay nan də isi, wadawgən malaka nok də moggoni: wakəgəm guluk sən wətu sənet ɗiy na nawda, səddəv gəla na əbba.

Va'Atəŋ 26:2

Yawe arbanək zən azani, aɓsən na: «Kəprik a Eziptə ɓa, asok aka dələv məs nədarbə suko.

Va'Atəŋ 28:3

Maŋgəlva Məzuɓappak dəɗɗa əzaɓ nan akoko, duwan suk kiyuk kuɗiskuɗis vi kəsokgən wəsap net ɗiy!

Va'Atəŋ 35:11

Maŋgəlva aɓsən na: «Maŋgəlva Məzuɓappak nani. Awan kiyuk kuɗiskuɗisi: gebbet ɗiy temtem səzok adawgilyoŋgu, milyeŋge səddəvuk adawgilyoŋgu.

Va'Atəŋ 43:14

Maŋgəlva Məzuɓappak wapsukum ulasahã nan a mahara ɗəfəska, dəppan məlmukum maɓɓanəŋ dəmilgin də munokum gəm Benyamin! Kirtu azaŋka, yaŋ na kirtu tawzaŋgə'e!»

Va'Atəŋ 46:3

Yaŋ amna: «Intə Maŋgəlva, Maŋgəlva na afuko. Kəgeslne' dawmbat a Eziptə ɓa, vi wanəkkpaŋgok ka Vanday metiŋgin adaka.

Va'Atəŋ 48:15

Aɓuhma sən Yosef amna: «Maŋgəlva məs afiŋgiɗu, Abraham də Isak adawaŋ abani, Maŋgəlva məs dətaɗu səza məwu hã gap dəpaŋkəŋka,

Va'Atəŋ 48:3

Yakob anah sən Yosef na: «Maŋgəlva Məzuɓappak arbanək zən azaw a Luz aka dələv na Kana'an, azaɓawəka.

Va'Atəŋ 5:22

Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti.

Va'Atəŋ 5:24

Adan Henok adaw də Maŋgəlva, ahhika, vi Maŋgəlva yi dəslani.

Va'Atəŋ 6:9

Uwa na Nuwe yaŋka: Nuwe, ɗəf təstəs-gəraki aka pay sayit ɗiy nani, məziw aka wəni, gala pay nani. Nuwe adawək də Maŋgəlva,

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

1Milyeŋge 3:6

Salomoŋ amna: «Kəgəɗ sənək moggon metiŋgin sən gawla nok Davit, əbba, vi adawək abok gesiŋ gesiŋgi, təstəsə, makran taka də isi, kərban sənək moggon nok metiŋginiŋka, kəpsənək wiyən dəsan aka mazaŋga na məlĩ nan va dəpaŋka.

1Milyeŋge 8:25

Ya kakaŋ na, Yawe Maŋgəlva na Israyel, aɗɗa an kənah sən balam nok Davit afu məs kəpel dawnəh na: Ɗəf nok tay nakkpap dawsan abaw aka mazaŋga na məlĩ na Israyel an tay əganən əssa də wədaw net abaw va kədaw abaw ɓa.

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

Ɗerewel na Yob 1:1

Aka dələv na Us na, ɗəf tay adawyaŋ na Yob. Ɗəfi məza heslepe ɓa, təstəsə, məzəgeslne sən Maŋgəlva, mənzan sən mambray yi.

Ɗerewel na Yob 11:7

Nok wakərah kpukpum na va Maŋgəlva asan sa? Awaniɓa wakərah təstəs na Məzuɓappak sa?

Gəlyaɗe 115:3

Maŋgəlva nam a disiŋgi; an aŋgəl pak tay əɗɗani.

Gəlyaɗe 116:9

vi nədawgən aba Yawe, aka dələv net ɗiy medereti.

Gəlyaɗe 25:14

Yawe tay ərban wən məɗama nan sit məzugeslne'eŋ sənəni, ndən ərban sit wənmiyna nani.

Əgilye 6:3

Nərbanək zu aza Abraham, aza Isak gəm aza Yakob va Maŋgəlva Məzuɓappak, nərban zu azet də iya naw Yawe ɓa.

Wənməkkpaŋga 10:9

Mədaw addəv təstəs na, kiyən foŋgo adawdawa, məs dəslokoron tive nan na, kawporni gabbani.

Isaya 38:3

Amna: «Kamə Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

Yeremiya 32:17

Aw, Yawe Maŋgəlva, istə kəzəməɗ disiŋ də dəlvafuŋ də əɓap nok metiŋgini gəm də gbogboŋ na voko, zəga tay naɗɗa gərəŋ akan azok ɓa.

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Əŋɗa 11:23

Yawe azlan sənək Moyis na: «Va Yawe duɗukkoy sa? Ya kakaŋ na wakula an əpel naw nəpel sukəŋ wagəɗə awaniɓa agəɗ na ɓa.»

Əŋɗa 24:16

əɗiyma na məzəprəm ma Maŋgəlva, məs dəsən məɗama na Məsəɗəɗə məzula an Məzuɓappak adarbəsəni, an tay əppu' na, haran əkolo.

Matiye 19:26

Yesu asəŋletike, aɓsit na: Azet ɗiyi wərəh nan tuwãhi, ya aza Maŋgəlva wərəh nan tay tuwãh ɓa.

Matiye 5:48

Məsoŋ təstəs gərak va Afukum na disiŋ, nan təstəsi gərakə.

Luka 1:6

Sulegit pak ɗiy təstəsəŋ aba Maŋgəlva. Tahəŋ wəzbanən wən məs Daya aɗiyə gəm mahenziŋ nan pak məza heslepe ɓa.

Wəza net Masləŋɗe 23:1

Pol haran sek aket ɗiy gugriɗ neki, aɓsit na: Milmiŋgiɗwa də maɗɗula akaw moggon nədaw aba Maŋgəlva hã dəpaŋkəŋka.

Wəza net Masləŋɗe 24:16

Ndəni naw nədawgay makraw dəsangən məza heslepe ɓa aba Maŋgəlva də abet ɗiy pay pakə.

Efesus 3:20

Sən anan məs dədawɓap əɗɗa daykiyit meŋge hã dayki an məs mədaŋgla gəm an mədaɗɗum də əɓap məs dədaɗɗa wəza addəvmə,

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

Əmsak aka Mahenziŋ 18:13

Noko, asok təstəs-gərak də Yawe Maŋgəlva noko.

Əmsak aka Mahenziŋ 30:20

də wəŋglu Yawe Maŋgəlva nokum, də wəprəm mani, də əssa zləmba' azani. Vaski kədassoŋ madorokum, kədazzekenən pay nokum aka dələv məs Yawe asway napsit efiŋgiɗkum, Abraham, Isak, gəm Yakob əŋka.

Filipi 4:13

Də gbogboŋ nan addəv zəga pak vi Kristu tay əvay əɓapa.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Ibriɗe 7:25

Vi vaski waɓap əkõhgit ɗiy məs dəzaraŋ dəndən aza Maŋgəlva ha faɗə, adan madarani hã faɗə nakkam ammbeti.