Va'Atəŋ 15:18 - Bible en Guidar

¹⁸ Pay nan dəpaska, Yawe aɗiyik wənmiyna də Abram vaŋka: «Sən mazlalwõki nədapsən dəlvəŋka, təŋ sə məlpa na Eziptə hã gap Efrat, məlpa metiŋgini

Va'Atəŋ 15:18 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 13:15

Vi dələv kədawlaŋ pak wanəpsuk dit kirtuk ka faɗə.

Va'Atəŋ 2:14

Məlpa mahoko'o, dawyanən na, Hidekel, dəmmba pay nampummo na walaŋgəla-metiŋ na Asiri adawmbata. Məlpa mapoɗo'o, ndəni Efrat.

Va'Atəŋ 24:7

Yawe, Maŋgəlva na disiŋ, dəgəmu səŋgil ana əbba da, səka dələv net ɗiy nawa, dəpel suwa, asway dawnah su na: “Sit kirtuk nədapsit dəlvəŋka;” waslən maslay nan aboko; kəgəmgən guluk sən wətu sədaka.

Va'Atəŋ 26:4

Wanuwan zeŋvuk va gərzleɗ na disiŋ, wanəpsin dəlveŋgəŋ pakə, səzani ɗiy naka dələv pak adawrahaŋ əzaɓa,

Va'Atəŋ 28:4

Dəpsuk wəzaɓ na Abraham, suko, gəm sən mazlalwõko, vi dələv kəsok addəvənəŋ dəsangən ka noko, dələv məs Maŋgəlva apsən Abraham əŋka.»

Va'Atəŋ 35:12

Dələv nəpsən Abraham gəm sən Isak, nəpsukuko; wanəpsit dələv nan sit kirtuk dərɓogoko.»

Va'Atəŋ 50:24

Yosef aɓsit milmiŋgiɗin na: «Naw wanəmtə. Maŋgəlva waɗɗum akokum, wagilgukum səka dəlvəŋ, kawkukum aka dələv məs asway sit may Abraham, Isak də Yakob.»

2Samiyel 23:5

Vaski gəla naw aza Maŋgəlva ɓa sa? Vi wənmiyna an faɗ avayə, məzaɓan pakə, aɗi lewlew gusu. Əska wəla naw də an nəŋgəl pak tay əɗɗet ɓa sa?

2Samiyel 8:3

Davit adəmsənək Hadadezer, wətən Rehob məlĩ na Soba, pay Hadadezer adawgay kamnda əmõh ki məlpa na Efratə.

1Milyeŋge 5:1

Salomoŋ gi məlĩ aket milyeŋge pakə, təŋ səka məlpa metiŋ, aka dələv net mə Filistiɗe, gap aket meŋge na Eziptə. Sən Salomoŋ adawki sənən nzalaka, sən adaɗɗaŋ sənən wəza pay ənziya nan egge pakə.

1Alabaraɗe Də Mabərkiziti 16:16

An aynə də Abraham, dərbə də əsway sən Isak,

1Alabaraɗe Də Mabərkiziti 5:9

Dəmmba pay nampum assoŋ də gəla, hã nawtoŋ a kapta-muyã təŋ səma məlpa na Efrat, vi zəgeɗ memeyẽɗ net diyɗaŋ aka dələv na Galad.

2Alabaraɗe Də Mabərkiziti 7:8

Dasək na, Salomoŋ aɗɗak əzləra pay buhul sap dit mə Israyelɗe baymeti. Wəkkal van gədaki sawɓa, ɗiy azzoŋguk hã sə Lebo-Hamat gap lolohõ na Eziptə.

2Alabaraɗe Də Mabərkiziti 8:7

Ɗiy en dəppaŋ pak, va mə Hitɗe, mə Amorɗe, mə Perziɗe, mə Hiviɗe dit mə Yebusɗe, net mə Israyelɗeŋ ɓa.

2Alabaraɗe Də Mabərkiziti 9:26

Askak wəlet milyeŋge baymet təŋ səza məlpa metiŋ, hã aka dələv net mə Filistiɗe gəm hã aket meŋge də Eziptə.

Ezra 4:20

Far lahəŋ na, milyeŋge məs gbogboŋɗe dəssoŋ a Yerusalem, ndəɗaŋ dəzəmaŋ məlĩ dəggar ki Efrat; ndəɗaŋ dədawtafnən zəga na makaryam, nzalaka, də an adawfaɗaŋ nawtoŋgo.

Nehemi 9:8

Yaŋ kərəh na makran tay təstəs aboko, ndəni keziwgin wənmiyna dəndən napsən dələv net mə Kana'anɗe, mə Hittiɗe, mə Amorɗe, mə Perziɗe, mə Yebusɗe, mə Girgasɗe, kapsən sən zeŋvini. Yaŋ kəɗɗa va kəpeli, vi təstəs kənani.

Gəlyaɗe 105:11

gala anah na: «Wanəpsuk dələv na Kana'an, hara dələv nokumi!»

Əgilye 13:11

Pay Yawe atoŋguk aka dələv na Kana'an va asway suk gəm sit afiŋgiɗuk wapsukoŋ na,

Əgilye 2:24

Maŋgəlva aprəmək əhəm neti; Maŋgəlva aɗɗumuk aka wənmiyna na walaŋgən də Abraham, də Isak gəm də Yakob.

Əgilye 23:23

Vi maslay naw wadaw aboko, watoŋguk kəlanet mə Amorɗe da, mə Hittiɗe da, mə Perziɗe da, dit mə Kana'anɗe da, mə Hivviɗe da, gəm kəlanet mə Yebusɗe da, ya wanəzeti,

Əgilye 3:8

Nəprik na, vi kawkõhgit səvet mə Eziptiɗi, kawgilgit səka dəlvəŋ, kawket aka dələv moggon fədiy fədiyə, aka dələv məs moŋvo də amama adawdawaŋ akan lokloku, kəlaka təki net mə Kana'anɗe, na Hitti, na Amori, na Perzi, na Hivvi, gəm na Yebusi.

Əgilye 32:13

Aɗɗumon Abraham, Isak gəm Israyel belemɗe nok məs kəsway sit sən kiyko. Kənah sitik na: wanuwan mazlalwõkum va ŋgərzleɗ na disiŋ, dələv nənahəŋ pak wanəpsit kirtukum, wasan ka net faɗə.»

Əgilye 34:11

Nok na arma an nəɗi suk wən nan dəpaŋka, wanərɓehet mə Amorɗe, mə Kana'anɗe, mə Hittiɗe, mə Perziɗe, mə Hivviɗe gəm mə Yebusɗe səboko.

Əgilye 34:24

Vi wanəmõhet vandayɗe səboko, wanəzlzleten dələv noko, ɗəf tay nawsim dələv nok pay kədawpeŋ aba Yawe Maŋgəlva nok təl hoku ama wəzva ɓa.

Əgilye 6:4

Də as pak na nəziwginik wənmiyna naw dənɗaŋgə, vi kapsit dələv na Kana'an, dələv məs assoŋ molhõyẽɗ addəvən.

Əgilye 6:8

Wanəkukum aka dələv məs nəgəm wən nan vi kapsən Abraham, sən Isak gəm sən Yakob. Wanəpsukum ka nokum. Intə Yawe.»

Isaya 27:12

Pay dəpaska, Yawe warga hay nani, təŋ sə ma məlpa metiŋ hã gap a lolohõ na Eziptə. Ya waŋgbukum takataka, mənokum, mə Israyelɗe.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Yeremiya 32:22

Yas kəpsit dəlvəŋ məs kəsway sit efiŋgiɗit napsiti, dələv məs moŋvo də amama adawdawaŋ akan lokloku.

Yeremiya 32:40

Wanəziwgin wənmiyna dənɗaŋ faɗə, nəmil na səmmbet ɓa vi kawgəɗ sit moggoni, wanəɗi geslne' naw a mekreti vi əzaraŋ faraɗa səzawa.

Məsdəlveŋge 26:42

Wanəɗɗum aka wənmiyna naw də Yakob, wənmiyna naw də Isak gəm wənmiyna naw də Abraham; wanəɗɗum aka dəlva.

Məsdəlveŋge 26:45

Wanəɗɗum aketi, aka wənmiyna naw dit dihigiɗti məs nəgilgit səka dələv na Eziptə a ma haret ɗiy-ɗarə, vi nəsawgən Maŋgəlva neti, in Yawe.»

Əŋɗa 34:5

Sə Asmon na, meŋge dədoɗoŋgən kəla məlpa na Eziptə dəmbataŋgən əbot a pehe naddak təkiya.

Wəza net Masləŋɗe 7:5

Dəpas na, təki tay apsən aka dələvəŋ ka nan gba gəla təl ɗəf dayday ɓa, ya aynanək man napsən ka nani gəm ka net kirtin dərɓagani, də tay də muzliya ɓa zlaŋgə.

Əmsak aka Mahenziŋ 11:24

Təki məs gədəv təlkum aɗi pak wasan sukum; wasan təŋ sə kapta-muyã, də Liban, təŋ sə məlpa na Efrat ŋgbusl a ma pehe naddak təkiya dəmmba pay na moskoy wasan dələv nokum.

Əmsak aka Mahenziŋ 12:20

Pay Yawe Maŋgəlva nok azlzleten dələv nok va apel suko, an vəreŋ aɗɗukuk is dawnəh na: «Maw aka sluwa», wakəɓap əzəm slu va kəŋgələ.

Əmsak aka Mahenziŋ 19:8

Ya an Yawe Maŋgəlva nok azlzleten sukuk dələv nok va asway sit efiŋgiɗko, yaŋ apsuk dələv van dəwənnan va apel napsiti.

Əmsak aka Mahenziŋ 34:4

Yawe aɓsən na: «Awla dələv məs nəpsit may Abraham, Isak gəm Yakob, də wəsway sit də wənah na: “Sit kirtukum nədepsiti.” Nərban suk na, kulagən də horoki, kətoŋ na adak ɓa hara.»

Əmsak aka Mahenziŋ 7:1

Pay Yawe Maŋgəlva nok agapguk aka dələv kədawtoŋ adak kawtafən ka nokəŋka, warɓeh ɗiy naket dəlveŋge temtem diyɗa səboko, mə Hittiɗe, mə Girgasɗe, mə Amorɗe, mə Kana'anɗe, mə Perziɗe, mə Hivviɗe gəm mə Yebusɗe, dəlveŋge buhul məs ɗiy aket diyɗa gəm də gbogboŋ day kiko.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Yosuwa 13:3

təŋ sə Sihor dəsan ama hara Eziptə hã aza dələv na Ekron kəla disiŋ, məs adawɗiyaŋ va net mə Kana'anɗe. Əsap net milyeŋge mə Filistiɗe sle' tay adaka: an na Gaza, an na Asdod, an na Askalon, an na Gat də an na Ekron, gem mə Avviɗe;

Yosuwa 15:4

atoŋgoŋ a Asmon, azzekeŋ hã a məlpa na Eziptə yaŋ abayən met a pehe naddak təkiya. Eskiŋ nassoŋ meŋge nokum na dohoŋ.

Hənhən 9:14

Tay ənah sən maslay masləre'it məs də gozloro avan na: Appet maslayɗe poɗo məs minet dit ngiyamɗe a məlpa metiŋ na Efrat neki.